Lêwiyî 25:43 - Kurmanji Încîl

⁴³ Tê ji wan re xweyiyekî zordar nebî. Tê ji Xwedayê xwe bitirsî.

Lêwiyî 25:43 Referans Kwoze

Kolosî 4:1

Mîrzano, ji xulamên xwe re bi edalet û wekhevîparêz bin; hûn dizanin ku li ezmên mîrzayekî we jî heye.

Lêwiyî 25:46

Hûn dikarin wan bi milkî ji zarokên xwe re jî bihêlin. Hûnê koleyên xwe ji nav wan bikirin. Lê hûn li birayên xwe, li gelê Îsraêl xweyitiyê û zordariyê nekin.

Lêwiyî 25:17

Hûnê neheqiyê li hev nekin lê hûnê ji Xwedayê xwe bitirsin. Çimkî ez Xwedayê we Xudan im.

Efesî 6:9

Hûn jî, mîrzano eynî tiştan ji wan re bikin û êdî dev ji gefxwarinê berdin, çimkî hûn dizanin ku Xudanê we û yê wan li ezmanan e û li ba wî xatirgirtin tune.

Lêwiyî 25:53

Wê li ba xweyê xwe wekî karkerê ku salewext hatiye girtin bijî. Wê xweyê wî li ber çavê we bi zordarî xweyitiyê lê neke.

Melaxî 3:5

“Ji bo dîwanê ezê nêzîkî we bibim. Ezê li dijî sêrbazan, zinakaran, sondxwarên derewîn, li dijî kesên ku zordariyê li karker, jinebî û sêwiyan dikin, kesên neheqiyê li dijî xerîban dikin û li dijî kesên ji min natirsin, yekser bibim şahid” Xudanê Karîndar dibêje.

Îşaya 58:3

Dibêjin: ‘Em rojî digirin, Çima tu nabînî? Me canê xwe nizim kir, Çima tu pê nizanî?’ “Va ye, di roja hûn rojî digirin de, Hûn li pey kêfa xwe ne Û zorê li hemû karkerên xwe dikin.

Îşaya 47:6

Ez li gelê xwe hêrs bûm. Min mîrasa xwe mirdar kir, Min ew da destê te. Tu li wan nehatî rehmê, Te nîrê xwe li ser pîr û kalan pir giran kir.

Dubarekirina Şerîetê 25:18

Gava tu bêhal û westa bûyî, wan di rê de êrîşî karwên kir û her kesê bêtaqet ên li paş mayî kuştin. Ji Xwedê netirsiyan.

Derketin 5:14

Serkarên suxrevanan ku Firewn danîbûn ser wan li karmendên gelê Îsraêl xist û ji wan re got: “We çima duh û îro, wekî berê kelpîçên ji we dihatin xwestin çênekirin?”

Derketin 3:9

Hewara gelê Îsraêl gihîşt ba min û min tengasiya ku Misriyan da wan, dît.

Derketin 3:7

Xudan got: “Min tengasiya gelê xwe ya li Misrê ji nêzîk ve dît û hewara suxrevanan a ji destê serkaran bihîst. Ez bi êşa wan dizanim.

Derketin 2:23

Gelek sal derbas bûn. Wext hat ku Padîşahê Misrê mir. Gelê Îsraêl hê jî di bin koletiyê de dinaliya û dikir hewar. Dem hat hewara wan gihîşt Xwedê.

Derketin 1:21

Ji ber ku pîrik ji Xwedê ditirsiyan, Xwedê ew kirin xweyî mal û malbat.

Derketin 1:17

Lê pîrik ji Xwedê ditirsiyan, wan li gorî emrê Padîşahê Misrê nekir. Zarokên kur sax hiştin.

Destpêk 42:18

Roja sisêyan Ûsiv ji wan re got: “Hûn li gorî gotina min bikin, hûnê sax bimînin, çimkî ez ji Xwedê ditirsim.

Lêwiyî 25:42

Çimkî ew xulamên min in. Min ew ji welatê Misrê deranîn, wê bi koletî neyên firotin.

Lêwiyî 25:44

“‘Xulam û xadimên we wê ji miletên derdora te bin. Xulam û xadimên we ji wan bin.

Eyûb 31:13

“Heke xulam an xadima min, ji min bi gazin in Û min jî heqê wan red kiribe,

Eyûb 31:14

Çaxê Xwedê rabe ezê çi bikim? Dema hesêb bipirse, ezê çi bersivê bidim?