Lêwiyî 25:18 - Kurmanji Încîl

¹⁸ “‘Hûnê qanûnên min bikin. Miqate bin ku hûn rê û rêbazên min pêk bînin û li welêt di ewlehiyê de rûnin.

Lêwiyî 25:18 Referans Kwoze

Yêremya 23:6

Di rojên wî de wê Cihûda rizgar bibe Û Îsraêl di ewlehiyê de rûne. Wê bi vî navî gazî wî bikin: ‘Xudan rastiya me ye.’”

Dubarekirina Şerîetê 12:10

Gava hûn ji Çemê Şerîayê derbas bibin, li welatê ku wê Xwedayê we Xudan bi milkî dide rûnin û gava Xudan we ji hemû dijminên derdora we rizgar bike ku hûn di nav ewlehiyê de rûnin,

Methelokên 1:33

Lê kesê guhdariya min dike, wê ewlehiyê bibîne, Wê bêyî sawa ji xerabiyê, rihetiyê bibîne.”

Zebûr 4:8

Ezê bi aştî xwe vezelînim û rakevim, Çimkî tenê tu, ya Xudan, Di ewlehiyê de min didî rûniştin.

Yêremya 33:16

Di wan rojan de wê Cihûda rizgar bibe Û Orşelîm di ewlehiyê de rûne. Wê bi vî navî gazî bikin: Xudan rastiya me ye.’

Zebûr 103:18

Li ser wan e, Ew yên ku peymana wî digirin û emrên wî bibîr tînin.

Dubarekirina Şerîetê 33:28

Loma wê Îsraêl di ewlehiyê de rûne, Wê kaniya Aqûb bêasteng be. Wê li welatê dexil û şeraba nû bimîne, Wê ezman li ser wî dilopên xunavê bibarîne.

Dubarekirina Şerîetê 33:12

Wî ji bo Binyamîn wiha got: “Bila hezkiriyê Xudan Li ba wî, bi ewlehî bijî. Ew tevahiya rojê li ser wî dinixême Û di hembêza xwe de dide rûniştandin.”

Lêwiyî 19:37

Hûnê hemû qanûnên min, hemû rê û rêbazên min bikin û pêk bînin. Xudan ez im.’”

Yêremya 25:5

Wan ji we re got: ‘Bila niha tevahiya we dev ji rê û karên xwe yên xerab berdin ku hûn li welatê xwe bijîn ku Xudan ji berê ve û heta hetayê daye we û bav û kalên we.

Lêwiyî 25:19

Wê welat fêkiyê xwe bide û heta hûn têr bibin hûnê jê bixwin û di ewlehiyê de rûnin.

Lêwiyî 19:19

“‘Qanûnên min pêk bînin. Du heywanên ku cureyên wan cuda ne, ranekin ser hev. Du tovên cuda li zeviya xwe neçînin. Kincên ji du tayên cuda hatine çêkirin li xwe nekin.

Padîşah I, 5:5

Çawa ku Xudan ji bavê min Dawid re got: ‘Kurê te yê ku min li cihê te anî ser têxt, wê ji bo navê min malekê ava bike,’ min biryar da ku ji bo navê Xwedayê xwe Xudan malekê ava bikim.