Lêwiyî 25:10 - Kurmanji Încîl

¹⁰ Hûnê sala pênciyan pîroz bihesibînin û wê ji bo hemû şêniyên welêt azadî bê diyarkirin. Wê ew sal ji bo we bibe Sala Azadiyê. Wê herkes ji we vegere ser milkê xwe û ba malbata xwe.

Lêwiyî 25:10 Referans Kwoze

Yêremya 34:8

Piştî ku Sîdqiyayê Padîşah bi gel û koleyên li Orşelîmê re peymaneke azadkirinê çêkir, ev gotina Xudan ji Yêremya re hat.

Îşaya 63:4

Çimkî roja tolstandinê di dilê min de bû, Sala rizgarkirina min hatibû.

Petrûs I 2:16

Mîna mirovên azad bijîn, lê belê azadiya xwe ji bo xerabîkirinê nekin hêcet, wek xulamên Xwedê bijîn.

Galatî 5:13

Birano, hûn ji bo azadiyê hatin gazîkirin, tenê bila azadî ji bo nefsê nebe fersend, lê belê bi hezkirinê ji hevdû re xizmetê bikin.

Lêwiyî 25:13

“‘Di Sala Azadiyê de wê herkes ji we vegere ser milkê xwe.

Derketin 20:2

“Ez Xwedayê te Xudan im ku tu ji welatê Misrê, ji warê koletiyê deranî.

Galatî 4:25

Hacer, Çiyayê Sînayê yê li Erebistanê ye û bi Orşelîma niha re hemdeng e. Çimkî bi zarokên xwe ve koletiyê dike.

Korîntî II, 3:17

Xudan Ruh e û Ruhê Xudan li ku derê be, li wê derê azadî heye.

Lûqa 1:74

Ku em ji destê dijminên xwe xilas bibin Û bê tirs li ber wî di hemû rojên jiyana xwe de Bi paqijî û rastî biperizin wî.

Zebûr 146:7

Ew heqê bindestan hiltîne, Û xwarinê dide birçiyan, Azad dike hêsîran.

Îşaya 49:9

Tê ji êsîran re bêjî: ‘Derkevin!’ Tê ji kesên di tariyê de ne re bêjî: ‘Xwe nîşan bidin.’ Wê li kêleka riyan biçêrin, Li her girê rût mêrgên wan hebin.

Ezra 1:3

Di nav we de, ji tevahiya gelê wî kî hebe –bila Xwedê pê re be!– bila here Orşelîma Cihûdayê û Mala Xwedayê Îsraêl Xudan ji nû ve ava bike. Xwedayê ku li Orşelîmê ye ew e.

Lêwiyî 25:11

Wê sala pênciyî ji bo we bibe Sala Azadiyê, hûnê wê salê çandiniyê nekin, berhemê ji ber xwe çêbûye hilneyînin û tiriyê ku dêliya wî nehatiye kesaxtin nedin hev.

Lêwiyî 25:54

“‘Heke bi vî awayî ji bo azadiya wî berdêl neyê dayîn, wî çaxî ew û zarokên wî, wê di Sala Azadiyê de azad bibin.

Lêwiyî 25:41

Wê ew tevî zarokên wî, ji ba te rabin vegerin malbata xwe û milkê bav û kalên xwe.

Yêremya 34:10

Her kesê ku ket bin barê vê peymanê, hemû serek û tevahiya gel guhdarî kir û xulam û xadimên xwe azad kirin. Êdî tu kes birayê xwe yê Cihûdayî wekî kole negirt. Wan guh da û kole azad kirin.