Lêwiyî 23:24 - Kurmanji Încîl

²⁴ “Ji gelê Îsraêl re bêje: ‘Roja pêşî ya meha heftan roja bêhnvedanê ye, wê borî bê lêxistin, civîna pîroz û bîranînê bê çêkirin.

Lêwiyî 23:24 Referans Kwoze

Korîntî I, 15:52

Çimkî borî wê bê lêxistin, mirî wê bi nerizîbûnîtî bên rakirin û emê bên guhertin.

Selanîkî I, 4:16

Çimkî Xudan bi xwe wê bi gazîkirineke fermanî, bi dengê serekmilyaket û bi lêxistina boriya Xwedê ji ezmên bê xwar û pêşî miriyên ku yên Mesîh in, wê rabin.

Lêwiyî 25:9

Di roja dehê meha heftan a wê salê de, di Roja Kefaretê de, wê li tevahiya welêt bi dengê bilind li boriyê bê xistin.

Zebûr 98:6

Bi zirnê û bi dengê boriyan, Li pêş Xudanê ku padîşah e, bi şahî biqîrin.

Îşaya 27:13

Wê rojê wê li boriya mezin bê xistin û kesên li welatê Aşûrê li ber helakbûnê ne û kesên li welatê Misrê li sirgûnê ne vegerin. Wê li Çiyayê Pîroz, li Orşelîmê li ber Xudan çok bidin.

Ezra 3:6

Wan ji roja pêşî ya meha heftan dest bi pêşkêşkirina qurbanên şewitandinê kir, lê hîmê Mala Xudan hê jî nehatibû danîn.

Dîrok I, 15:28

Bi vî awayî tevahiya gelê Îsraêl bi qîrînên şahiyê û dengê boriyê, bi zirne, bi zîl, bi çeng û bi tembûran Sindoqa Peymana Xudan dianî.

Lêwiyî 23:23

Xudan ji Mûsa re got:

Nehemya 8:2

Di roja pêşî ya meha heftan de Ezrayê Kahin, Nivîsa Şerîetê anî pêşberî civakê. Jin, mêr û her kesê ku dikare fêm bike li wir bû.

Zebûr 89:15

Xwezî bi wî gelî ku dizane bi şahî biqîre! Û di ronahiya rûyê te de dimeşe, ya Xudan.