Lêwiyî 21:10 - Kurmanji Încîl

¹⁰ “‘Serkahinê ku di nav kahinên din de mezin bûye, rûnê kifşkirinê li serê wî hatiye rijandin û kincên taybet li xwe dike, wê porê xwe neyîne xwarê û kincên xwe neçirîne.

Lêwiyî 21:10 Referans Kwoze

Lêwiyî 16:32

Di nifşên bê de, wê kahinê ku hatiye kifşkirin û di cihê bavê xwe de hatiye tayînkirin vê kefaretê bide. Wê kincên pîroz ên kitan li xwe bike.

Metta 26:65

Hingê Serokkahîn cilên xwe çirandin û got: «Wî çêr kir! Êdî çi hewcedariya me bi şahidan heye? Va ye, we çêrkirina wî bihîst.

Hejmartin 35:25

Wê civak kujer ji destê kesê dixwaze heyfa xwînê bistîne rizgar bike û wî bişîne bajarê sitargehê ku jê reviyaye. Wê ew kes, heta serkahinê ku bi rûnê pîroz hatiye kifşkirin bimire, li wê derê bimîne.

Lêwiyî 8:12

Wî rûnê kifşkirinê bi serê Harûn de rijand. Bi vî awayî wî ew kifş û pîroz kir.

Zebûr 133:2

Wek wî rûnî ye, ku li serî tê xistin, Wek wî rûnê hêja ye, ku ji rî, ji riyê Harûn, Heta pistûka xeftanê wî herikî.

Ester 6:12

Mordexay vegeriya dergehê qesrê. Haman serê xwe nixamt û bi şermî ber bi malê ve lezand.

Samûêl II, 15:30

Dawid bi girîn hildikişiya Çiyayê Zeytûnê. Serê wî nixamtî bû û pêxwas diçû, her kesê pê re jî sernixamtî bû û ew jî digiriyan.

Lêwiyî 13:45

“Kesê bi vê nexweşiyê ketiye, wê herdem bi kincên qetiyayî bigere û porê wî hatibe xwarê. Wê devê xwe binixême û bêje: ‘Qirêj, ez qirêj im!’

Destpêk 37:34

Aqûb cilên xwe çirandin, çûx li pişta xwe girê da û demeke dirêj şîna kurê xwe kir.

Eyûb 1:20

Eyûb rabû, xiftanê xwe çirand û porê xwe kur kir. Ew ket erdê û perizî

Derketin 29:7

Paşê tê rûnê kifşkirinê hilînî, bi serê wî de birijînî û wî rûn bikî.

Lêwiyî 4:3

Heke kahinê ku bi rûnkirinê hatiye kifşkirin guneh bike û bi vî awayî gel gunehkar bike, divê ji ber sûcê kiriye, wê wekî pêşkêşiya paqijiyê conegayekî bêqisûr pêşkêşî Xudan bike.

Hejmartin 6:7

Gava bavê wî, diya wî, birayê wî, xwişka wî jî bimire, wê ji bo wan xwe qirêj neke. Çimkî soza xwe ya ji Xwedê re veqetandinê li ser wî ye.