Lêwiyî 20:9 - Kurmanji Încîl

⁹ “‘Her kesê ku naletê li diya xwe yan li bavê xwe bîne, wê esse bê kuştin. Ji ber ku wî naletê li diya xwe yan li bavê xwe aniye, xwîna wan li ser wan e.

Lêwiyî 20:9 Referans Kwoze

Derketin 21:17

“Kesê nifiran li dê û bavê xwe bike, divê bê kuştin.

Marqos 7:10

Çimkî Mûsa gotiye: ‹Qedrê dê û bavê xwe bigire› û ‹Yê ku tiştê xerab ji dê an bavê xwe re bêje, divê bê kuştin.›

Dubarekirina Şerîetê 27:16

“‘Nalet li wî kesî ku dê û bavê xwe kêm dibîne.’ Bila tevahiya gel bêje: ‘Amîn!’

Metta 15:4

Çimkî Xwedê gotiye: ‹Qedrê dê û bavê xwe bigire› û ‹Yê ku tiştê xerab ji dê û bavê xwe re bêje, divê bê kuştin.›

Methelokên 20:20

Kesê nifir li bav an diya xwe dike, Qendîla wî di nîvê taristanê de ditefe.

Methelokên 30:17

Çavê kesê tinazan bi bavê xwe dike Û guhdariya dayika xwe kêm dibîne, Wê ji aliyê qijakên geliyan ve bê derxistin, Wê çêlîkên teyran wî bixwin.

Methelokên 30:11

Nifş hene nifira li bavê xwe tînin Û pîrozkirina diya xwe nakin.

Samûêl II, 1:16

Dawid ji Emalêqî re gotibû: “Ji xwîna xwe tu bi xwe berpirsiyar î. Ji ber ku bi gotina ‘Min, kifşkiriyê Xudan kuşt’ te bi devê xwe, şahidî li dijî xwe kir.”

Dadger 9:24

Ev yek ji bo heyfa zordariya heftê kurên Yerûbbaal û ji bo xwîna wan li ser Avîmelek û mêrên Şexemê were, çêbû. Çimkî wî birayên xwe kuştin û van mêran, ji bo kuştina wan destê wî hêzdar kir.

Metta 27:25

Hemû xelkê bersîv da: «Bila xwîna wî di stûyê me û zarokên me de be!»

Padîşah I, 2:32

Wê Xudan heyfa xwîna ku wî rijandiye jê bistîne. Çimkî bêyî haya bavê min Dawid, wî fermandarê artêşa gelê Îsraêl Avnêrê kurê Nêr û fermandarê artêşa gelê Cihûda Emasayê kurê Yeter dabû ber şûran û ew kuştibûn. Herdu jî jê rastir û çêtir bûn.

Yêşû 2:19

Çi kesê ku ji deriyê malê derkeve derve, wê bibe sedema mirina xwe û emê bêrî bin. Lê wê xwîna wî kesî li ser me be ku bi te re li malê dimîne û zirarek tê serî.

Lêwiyî 20:27

“‘Çi zilam çi jî jina cinbaz an bi ruhan dişêwire, wê esse bê kuştin. Wê ew bên kevirkirin, xwîna wan li ser wan e.’”

Lêwiyî 20:16

Heke jinek, ji bo ku xwe bide heywanekî nêzîkî wî bibe, hûnê haywan û jinê bikujin. Xwîna wan li ser wan e.