Lêwiyî 20:8 - Kurmanji Încîl

⁸ Hûnê qanûnên min bikin û pêk bînin. Xudanê ku hûn pîroz dikin ez im.

Lêwiyî 20:8 Referans Kwoze

Derketin 31:13

“Ji gelê Îsraêl re bêje: ‘Hûnê rojên min ên Septê bi rastî jî bigirin, çimkî ew nîşanek wisa ye ku wê di navbera min û we de di nav nifşên we de bajo. Bi vî awayî hûnê bizanibin Xudanê ku we pîroz dike ez im.

یعقوب 1:22

Xwe nexapînin û nebin yên ku tenê peyvê dibihîzin, lê peyvê bînin cih.

Selanîkî II, 2:13

Ey birayên ku ji aliyê Xudan ve tên hezkirin, em deyndar in ku hergav ji bo we ji Xwedê re şikir bikin. Çimkî Xwedê hê ji destpêkê ve hûn bijartin, da ku hûn bi pîrozkirina Ruh û bi baweriya rastiyê xilas bibin.

Selanîkî I, 5:23

De bila Xwedayê aştiyê bi xwe we bi tevahî pîroz bike û hemû ruhê we, canê we û bedena we ji bo hatina Xudanê me Îsa Mesîh, bêqusûr bê parastin.

Lêwiyî 21:8

Hûnê wan pîroz bihesibînin, çimkî wekî xwarin pêşkêşiyan ji Xwedayê we re pêşkêş dikin. Loma wê ji bo we pîroz bin. Çimkî ez pîroz im, Xudanê ku we pîroz dike ez im.

Peyxam 22:14

«Xwezî bi wan ên ku xiftanê xwe şuştine, da ku heqê wan hebe, ku bên dara jiyanê û di dergehên bajêr re bikevin hundir!

Korîntî I, 1:30

Bi saya Xwedê hûn bi Mesîh Îsa re ne, yê ku ji aliyê Xwedê ve ji bo me bû şehrezayî, rastdarî, pîrozî û rizgarî.

Yûhenna 13:17

Madem ku hûn van tiştan dizanin, xwezî bi we, eger hûn wan bikin.

Metta 12:50

Çimkî kî ku daxwaza Bavê min ê li ezmanan bike, birayê min, xwişka min û diya min ew e.»

Metta 7:24

«Îcar her kesê ku van peyvên min dibihîze û tîne cih, mîna wî mirovê aqilmend e ku xaniyê xwe li ser latê ava kiriye.

Metta 5:19

Loma kî ku ji van emran ê herî biçûk bişikêne û bi wî awayî mirovan hîn bike, wê di Padîşahiya Ezmanan de ji wî re yê herî biçûk bê gotin. Lê kî ku van emran bîne cih û hîn bike, wê di Padîşahiya Ezmanan de ji wî re mezin bê gotin.

Lêwiyî 19:37

Hûnê hemû qanûnên min, hemû rê û rêbazên min bikin û pêk bînin. Xudan ez im.’”

Metta 23:17

Hey bêhişên kor! Kîjan mezintir e? Zêr an Perestgeha ku zêr pîroz dike?

Lêwiyî 19:19

“‘Qanûnên min pêk bînin. Du heywanên ku cureyên wan cuda ne, ranekin ser hev. Du tovên cuda li zeviya xwe neçînin. Kincên ji du tayên cuda hatine çêkirin li xwe nekin.

Lêwiyî 20:26

Hûnê ji bo min pîroz bin, çimkî ez Xudanê pîroz im. Ji bo ku hûn bibin ên min, min hûn ji gelên din veqetandin.

Lêwiyî 22:32

Hûnê navê min ê pîroz xerab nekin. Ezê di nav gelê Îsraêl de pîroz bêm zanîn. Ez Xudan im, ez we pîroz dikim.