Lêwiyî 20:3 - Kurmanji Încîl

³ Ezê bi hêrs berê xwe bidim wî û ji nav gel bavêjim. Çimkî wî ji ziriyeta xwe pêşkêşî Molekê îlah kir û bi vî awayî Pîrozgeha min qirêj kir û navê min ê pîroz mirdar kir.

Lêwiyî 20:3 Referans Kwoze

Lêwiyî 18:21

Ji bo ku ji Molekê îlah re di êgir de bê qurbankirin, tê tu kes ji ziriyeta xwe nedî. Tê bi vî awayî navê Xwedê xerab nekî. Xudan ez im.

Lêwiyî 17:10

“‘Heke kesê ji Mala Îsraêl an ji xerîbên di nav wan de dijîn, çi cure xwînê daqurtîne, ezê bi hêrs berê xwe bidim wî û ji nav gel bavêjim.

Korîntî II, 6:16

Ma di navbera Perestgeha Xwedê û pûtan de çi lihevkirin heye? Çimkî em Perestgeha Xwedayê jîndar in. Wek ku Xwedê gotiye: «Ezê di nav wan de rûnim Û di nav wan de bigerim; Ezê bibim Xwedayê wan Û ew jî wê bibin gelê min.»

Hejmartin 19:20

Lê kesê ku qirêj e û xwe paqij nake, ji ber ku wî Pîrozgeha Xudan qirêj kiriye, wê ji nav civakê bê avêtin. Ji ber ku ava paqijkirinê bi ser wî de nehatiye reşandin, ew qirêj e.

Lêwiyî 15:31

“‘Hûnê gelê Îsraêl ji qirêjiyên wan dûr bixin ku ew bi qirêjiya xwe meskenê min a di nav wan de ye qirêj nekin û nemirin.’”

Petrûs I 3:12

Çimkî çavên Xudan li ser yên rast in Û guhên wî ji bo duayên wan vekirî ne. Lê rûyê Xudan li hember xerabkaran e.»

Lêwiyî 20:4

Heke gava ew zarokê xwe pêşkêşî Molek bike, gelê welêt jê re çavên xwe bigire û wî nekuje,

Hejmartin 19:13

Kesekî ku destê xwe dabe miriyekî yan cendekê mirovekî û xwe paqij nekiriye, Meskenê Xudan qirêj dike û divê ji gelê Îsraêl bê avêtin. Ji ber ku ava paqijkirinê bi ser wî de nehatiye reşandin, ew qirêj e û qirêjiya wî li ser wî dimîne.

Derketin 30:33

Kesê ku rûnekî wekî wê çêke û bi ser yekî ku ne kahin e de birijîne, wê ji nav gelê xwe bê avêtin.’”

Lêwiyî 7:20

Lê heke kesê ku qirêj tê hesibandin, ji goştê qurbana aştiyê ya ji bo Xudan bixwe, wê ji nav gelê xwe bê avêtin.

Lêwiyî 7:21

Kesê ku destê xwe bi tiştekî qirêj bike –bi qirêjiya ku ji mirov tê, bi heywanekî qirêj an bi hemû tiştekî kirêt– û ji goştê qurbana aştiyê ya ji bo Xudan bixwe, wê ji nav gelê xwe bê avêtin.’”

Lêwiyî 19:12

Hûnê bi navê min bi derewan sond nexwin û navê Xwedayê xwe mirdar nekin. Xudan ez im.

Lêwiyî 21:6

Wê ji bo Xwedayê xwe pîroz bin û navê Xwedayê xwe xerab nekin. Çimkî pêşkêşiyên şewitandinê wekî xwarin pêşkêşî Xwedayê xwe Xudan dikin. Loma wê pîroz bin.