Lêwiyî 19:9 - Kurmanji Încîl

⁹ “‘Gava hûn berê li welatê xwe hildin, hûnê hemû kujên zeviyê bi tevahî nedin hev û simbilên ji dexil mayî necivînin.

Lêwiyî 19:9 Referans Kwoze

Lêwiyî 23:22

“‘Gava we berê welatê xwe hilanî, hûnê kujên zeviyên xwe bi tevahî neçinin, simbilên ku dikevin erdê nedin hev. Hûnê wan ji bo bindest û xerîban bihêlin. Xwedayê we Xudan ez im.’”

Nivîsa Rûta Pîrika Dawidê Padîşah 2:15

Gava Rût ji bo efarekirina simbilan rabû, Bowaz li xulamên xwe emir kir û got: “Bila ji nav qevdan ji xwe re efare bike, jê re nebin asteng.

Nivîsa Rûta Pîrika Dawidê Padîşah 2:2

Rojekê Rûta Moavî ji Naomiyê re got: “Destûr bide min ez herim zeviyê, li pey zilamekî xêrxwaz efareya simbilan bikim.” Naomî jê re got: “Here keça min.”

Lêwiyî 23:10

“Bi gelê Îsraêl re bipeyive û ji wan re bêje: ‘Gava hûn werin welatê ez didim we û berê wê hilînin, hûnê qevdekî ji berê pêşî bidin kahin.

Lêwiyî 23:29

Kesê ku wê rojê dev ji nefsa xwe bernedabe, wê ji nav gelê xwe bê avêtin.

Lêwiyî 19:8

Kesê jê bixwe, wê sûcdar bê hesibandin. Çimkî wî tiştê ku ji Xudan re pîroz e, mirdar kir. Wê ew kes ji nav gelê xwe bê avêtin.

Lêwiyî 19:10

Di çûna ser rezan de hûnê hemûyan nedin hev û tiriyê ketine erdê berhev nekin. Hûnê wan ji bo bindest û xerîban bihêlin. Xwedayê we Xudan ez im.

Nivîsa Rûta Pîrika Dawidê Padîşah 2:8

Bowaz ji Rûtê re got: “Guh bide keça min! Ji bo civandina simbilan neçe zeviyeke din, ji vir neqete û li vir li ba keçikên me yên xizmetkar bimîne.