Lêwiyî 19:30 - Kurmanji Încîl

³⁰ Hûnê rojên min ên Septê bigirin û rûmetê ji Pîrozgeha min re nîşan bidin. Xudan ez im.

Lêwiyî 19:30 Referans Kwoze

Lêwiyî 26:2

Hûnê rojên min ên Septê bigirin û ji Pîrozgeha min re hurmetê nîşan bidin. Xudan ez im.

Waiz 5:1

Dema ku tu diçî Mala Xwedê, hay ji gavên xwe hebe. Çêtir e ku tu ji bo guhdarîkirinê nêzîk bibî, ne ku tu qurbana bêaqilan pêşkêş bikî. Çimkî ew nizanin ku xerabiyê dikin.

Lêwiyî 19:3

“‘Hûnê ji dê û bavê xwe re hurmetê nîşan bidin û rojên min ên Septê bigirin. Xwedayê we Xudan ez im.

Korîntî II, 6:16

Ma di navbera Perestgeha Xwedê û pûtan de çi lihevkirin heye? Çimkî em Perestgeha Xwedayê jîndar in. Wek ku Xwedê gotiye: «Ezê di nav wan de rûnim Û di nav wan de bigerim; Ezê bibim Xwedayê wan Û ew jî wê bibin gelê min.»

Metta 21:13

Wî ji wan re got: «Hatiye nivîsîn: ‹Wê ji mala min re mala duayê bê gotin.› Lê hûn wê dikin ‹şkefta rêbiran›.»

Zebûr 89:7

Di civata ezmaniyan de ew Xwedêyek pirr bi heybet e, Ji hemû yên li der û dora xwe ew bêtir tirsdar e.

Lêwiyî 16:2

Xudan ji Mûsa re got: “Ji kekê xwe Harûn re bêje bila herdem neçe Cihê Herî Pîroz. Heke herdem pişt perdeyê û nêzîkî derxûnê ku li ser Sindoqa Peymanê ye biçe, wê bimire. Çimkî ez li ser derxûn, di nav ewran de xuya dibim.

Derketin 20:8

“Tê Roja Septê bi bîr bînî û pîroz bihesibînî.

Petrûs I 4:17

Çimkî wext hat ku dîwan ji mala Xwedê dest pê bike. Eger ji me dest pê bike, dawiya wan ên ku li gor Mizgîniya Xwedê nakin wê çawa be?

Lêwiyî 15:31

“‘Hûnê gelê Îsraêl ji qirêjiyên wan dûr bixin ku ew bi qirêjiya xwe meskenê min a di nav wan de ye qirêj nekin û nemirin.’”

Lêwiyî 10:3

Mûsa ji Harûn re got: “Xudan gotibû: “‘Bi saya kesên ku nêzîkî min dikin, Ezê pîroziya xwe nîşan bidim. Li ber çavê tevahiya gel, Ezê birûmet bim.’” Harûn bêdeng ma.