Lêwiyî 19:26 - Kurmanji Încîl

²⁶ “‘Hûnê tu tiştekî bi xwîn nexwin. Hûnê sêrbazî û remildariyê nekin.

Lêwiyî 19:26 Referans Kwoze

Padîşah II, 17:17

Kur û keçên xwe di êgir de qurban kirin. Falbazî û sêrbazî kirin. Xwe firotin û tiştên di çavê Xudan de xerab in kirin. Loma jî wan ew hêrs kir.

Padîşah II, 21:6

Kurê xwe di êgir de kir qurban. Wî sêrbazî û remildarî kir. Cinbaz û kesên bi ruhan dişêwirîn bikar anî. Wî gelek tiştên di çavê Xudan de xerab in kirin û Xudan hêrs kir.

Dubarekirina Şerîetê 12:23

Lê hay jê hebin û xwîn nexwin. Çimkî canê wî xwîn e. Divê hûn bi goşt re can nexwin.

Lêwiyî 7:26

Hûnê xwînê esse nexwin. Li tu dera ku hûn lê dijîn, hûnê tu xwîna çivîk an heywanekî nexwin.

Lêwiyî 3:17

We ev di nav nifşên we de, li her dera ku hûn lê dijîn qanûneke herheyî be. Hûnê bez û xwînê nexwin.’”

Yêremya 10:2

Xudan wiha dibêje: “Riya miletan hîn nebin Û li ber nîşanên ezmanan neşikên. Çimkî milet li ber wan dişikên.

Melaxî 3:5

“Ji bo dîwanê ezê nêzîkî we bibim. Ezê li dijî sêrbazan, zinakaran, sondxwarên derewîn, li dijî kesên ku zordariyê li karker, jinebî û sêwiyan dikin, kesên neheqiyê li dijî xerîban dikin û li dijî kesên ji min natirsin, yekser bibim şahid” Xudanê Karîndar dibêje.

Daniyêl 2:10

Wan bersiva padîşah da û got: “Kesê ku bikaribe vê daxwaza padîşah pêk bîne li dinyayê tuneye. Tu padîşah, tu efendî yan serwerekî ji sêrbaz, ji falbaz an ji stêrnasekî tiştekî wiha nexwestiye.

Samûêl I, 15:23

Çimkî serhildêrî wek gunehê falbaziyê û serhişkî jî wekî pûtperestî xerab e. Te gotina Xudan red kir. Wî jî tu ji padîşahiyê red kirî.”

Derketin 8:7

Sêrbazan jî bi sêra xwe wisa kirin û li welatê Misrê beq belav kirin.

Derketin 7:11

Firewn gazî aqilmend û sêrbazên xwe kir. Sêrbazên Misrê jî bi sêra xwe wisa kirin.

شُله رسولا 15:20

Lê em ji wan re binivîsin ku xwe ji tiştên ku bi pêşkêşkirina ji pûtan re murdar bûne, ji fuhûşiyê, ji heywanên mirar û ji xwînê dûr bixin.

Destpêk 9:4

“Goştê bi can ango bi xwîn nexwin.

Destpêk 44:5

Ma ev ne tasa malxweyê min e ku pê vedixwe û pê li falê dinêre? Ev tiştê we kir xerab e.’”

Lêwiyî 19:25

Di sala pêncan de hûnê fêkiyên wan bixwin. Bi vî awayî wê dar hê bêtir fêkî bidin. Ez Xwedayê we Xudan im.

Dubarekirina Şerîetê 12:16

Lê hûnê li wir jî xwînê nexwin. Hûnê wekî avê birijînin erdê.

Dubarekirina Şerîetê 15:23

Lê hûnê xwîna wî nexwin. Hûnê wê wekî avê birijînin ser axê.

Samûêl I, 14:32

Loma jî leşker êrîşî malê talên kir. Pez, dewar û golik hildan, hema di cih de serjê kirin û bi xwînê ve xwarin.

Samûêl I, 14:33

Wan xeber da Şawûl û got: “Va ye, leşker li ber Xudan guneh dike û goşt bi xwînê ve dixwe!” Şawûl got: “We guneh kir! Ka ji min re kevirekî mezin bînin.”