Lêwiyî 19:15 - Kurmanji Încîl

¹⁵ “‘Di dadbarkirinê de tê neheqiyê nekî. Tê ferq û meyliya belengaz û hêzdaran nekî. Tê ji cîranê xwe re rast bî.

Lêwiyî 19:15 Referans Kwoze

Dubarekirina Şerîetê 1:17

Di dadbarkirinê de meyla kesî nekin. Li dozên biçûk û mezinan binêrin. Ji tu kesî netirsin, çimkî dadbarî ji Xwedê ye. Heke meseleyek ji bo we giran be, bînin ba min, ezê çareser bikim.’

Methelokên 24:23

Ev jî gotinên şehrezayan in: Di dîwanê de ferq û meylî ne baş e.

Dubarekirina Şerîetê 27:19

“‘Nalet li wî kesî ku heqê xerîb, sêwî û jinebiyan dixwe.’ Bila hemû gel bêje: ‘Amîn!’

Lêwiyî 19:35

“‘Dema hûn dadbar dikin, dema hûn dipîvin, dijmêrin û dikişînin neheqiyê nekin.

Methelokên 18:5

Li dîwanê çawa neheqiya li kesê rast ne baş be, Meyla li kesê xerab jî, ne baş e.

Dubarekirina Şerîetê 16:19

Hûnê heq nedin xwarin, meyla kesan nekin û bertîlê nestînin. Çimkî bertîl çavên kesê şehreza kor dike û dozên kesên mafdar serobino dike.

Zebûr 82:2

«Ma tê heta kîngê bi neheqî bidî biryar, Ji bo xeraban bibî meyildar?

Derketin 18:21

Tu ji nav tevahiya gel, mirovên bikêrhatî, Xwedêtirs, rast û yên ji qezenca neheq nefret dikin hilbijêre û wan li ser komên hezaran, sedan, pênciyan û dehan bike serek.

Yûhenna 7:24

Li gor dîtinê dadbar nekin, lê li gor rastiyê dadbar bikin.»

شُله رسولا 23:3

Hingê Pawlos ji wî re got: «Ey dîwarê spîkirî, Xwedê wê li te bixe! Tu li wir rûniştî yî ku li gor Şerîetê dîwana min bikî, ma tu li dijî Şerîetê emir dikî ku li min bixin?»

Dubarekirina Şerîetê 10:17

Çimkî Xwedayê we Xudan, Xwedayê Herî Mezin, Rebê Reban, Xwedayê mezin, hêzdar û biheybet e. Ew meyla kesî nagire, bertîlê nastîne,

Eyûb 13:8

Gelo hûnê meyla wî bikin? Hûnê ji devê Xwedê dozê vekin?

Eyûb 32:21

Ezê ferq û meyliya tu kesî nekim, Ezê şelafiya mirovan nekim,

Eyûb 34:19

Yê ku meyla serekan nake Û ji belengazan bêtir, qedrê dewlemendan nagire, Ma ne Xwedê bixwe ye? Çimkî ev hemû karên destê wî ne.

Methelokên 31:9

Devê xwe veke! Dadgeriya bi edaletê bike, Mafê bindest û hejaran biparêze.”