Lêwiyî 19:10 - Kurmanji Încîl

¹⁰ Di çûna ser rezan de hûnê hemûyan nedin hev û tiriyê ketine erdê berhev nekin. Hûnê wan ji bo bindest û xerîban bihêlin. Xwedayê we Xudan ez im.

Lêwiyî 19:10 Referans Kwoze

Îşaya 24:13

Ji bo ku zeytûn biweşin li darê xistin çawa be, Efareya tiriyê piştî çinîna rezan maye çawa be, Wê mirovên miletên dinyayê jî wisa bin.

Îşaya 17:6

Wê tenê jibermayî bimînin. Çawa ku darzeytûn hatibe daweşandin, Wê li ser guliyên jorîn du sê heb bimînin, Wekî li ser çiqlên dara fêkiyê, Çar pênc lib bimînin. Ev e gotina Xwedayê Îsraêl Xudan.

Lêwiyî 25:6

Di Sala Heftan de welat çi berî bide, wê ji bo we, xulam û xadimên we, kesên li ba we biheq dixebitin û xerîbên di nav we de dimînin, bibe xwarin.

Mîxa 7:1

Wey li min! Ez bûm wekî kesê piştî berhevkirina fêkiyên havînê Û piştî çinîn û efarekirina tirî, gûşiyek jî nabîne. Hejîrên beriya havînê neman ku dilê min diçê!

Ovadya 1:5

“Heke diz an talankar bi şev bihatana pêşiya te, Wê tenê bi têra xwe bibirana? Heke kesên tirî diçinin, biketana rezê te, Wê çend weşî ji te re bihiştana? Xerakirina mezin li benda te ye!

Yêremya 49:9

Heke kesên tirî diçinin biketana rezê te, Wê çend weşî ji te re bihiştana. Heke diz bi şev bihatana, Wê tenê bi têra xwe talan bikirina.

Dadger 8:2

Gîdyon ji wan re got: “Li ber tişta we kir, min tiştek nekir. Efareya rezên Efrayîmiyan, ji tevahiya çinîna rezên Aviyezer çêtir e?

Lêwiyî 19:9

“‘Gava hûn berê li welatê xwe hildin, hûnê hemû kujên zeviyê bi tevahî nedin hev û simbilên ji dexil mayî necivînin.

Lêwiyî 19:11

“‘Hûnê nedizin, hîle nekin û ji hev re derewan nekin.

Lêwiyî 23:22

“‘Gava we berê welatê xwe hilanî, hûnê kujên zeviyên xwe bi tevahî neçinin, simbilên ku dikevin erdê nedin hev. Hûnê wan ji bo bindest û xerîban bihêlin. Xwedayê we Xudan ez im.’”

Dubarekirina Şerîetê 24:19

“Gava tu berê zeviyê xwe hildî, heke te li nav zevî qevdek ji bîr kiribe, ji bo standina wê venegere. Wê ji xerîb, sêwî û jinebiyan re bihêle ku Xwedayê te Xudan di her keda destê te de, te bereket bike.

Dubarekirina Şerîetê 24:20

Gava te li darzeytûnan xist û berhev kir, ji bo ya mayî venegere. Wê ji xerîb, sêwî û jinebiyan re bihêle.

Nivîsa Rûta Pîrika Dawidê Padîşah 2:2

Rojekê Rûta Moavî ji Naomiyê re got: “Destûr bide min ez herim zeviyê, li pey zilamekî xêrxwaz efareya simbilan bikim.” Naomî jê re got: “Here keça min.”

Lêwiyî 11:44

Çimkî Xwedayê we Xudan ez im. Xwe pîroz bikin û pîroz bibin. Çimkî ez pîroz im. Xwe bi tu heywanekî biçûk ên li ser rûyê erdê qirêj nekin.

Lêwiyî 19:25

Di sala pêncan de hûnê fêkiyên wan bixwin. Bi vî awayî wê dar hê bêtir fêkî bidin. Ez Xwedayê we Xudan im.

Dubarekirina Şerîetê 24:21

Gava tu çûyî ser rezên xwe, ji bo ya mayî venegere. Wê ji xerîb, sêwî û jinebiyan re bihêle.