Lêwiyî 18:24 - Kurmanji Încîl

²⁴ “‘Bi van kirinan xwe qirêj nekin. Çimkî miletên ku ezê ji ber we biqewitînim, xwe bi wan qirêj kirin.

Lêwiyî 18:24 Referans Kwoze

Dubarekirina Şerîetê 18:12

Çimkî kesên van tiştan dikin ji Xudan re kirêt in. Xwedayê we Xudan ji ber van karên kirêt, wan miletan li ber we diqewitîne.

Lêwiyî 18:30

Peywirên min pêk bînin û van tiştên kirêt nekin ku hûn qirêj nebin. Xwedayê we Xudan ez im.’”

Korîntî I, 3:17

Eger kesek Perestgeha Xwedê xera bike, Xwedê jî wê wî xera bike. Çimkî Perestgeha Xwedê pîroz e û ew Perestgeh hûn in.

Yêremya 44:4

Min gelek caran xulamên xwe yên pêxember ji we re şandin. Min got: Êdî vî tiştê kirêt nekin ku ez jê nefret dikim!

Dubarekirina Şerîetê 12:31

Hûnê ji Xwedayê xwe Xudan re wisa nekin. Çimkî wan her tiştê kirêt ê ku Xudan jê nefret dike ji îlahên xwe re kirin. Wan kur û keçên xwe jî, ji îlahên xwe re dişewitandin.

Lêwiyî 18:3

Hûnê li gorî kirinên welatê Misrê nekin ku hûn li wir diman. Hûnê li gorî kirinên welatê Kenanê jî nekin ku ez we dibim wir. Hûnê li gorî qanûnên wan tevnegerin.

Destpêk 15:16

Wê nifşê çaran ê ziriyeta te vegere vê derê. Çimkî hê gunehên Amoriyan negihîştin dawiyê.”

Hejmartin 35:34

Hûnê welatê hûn lê rûdinin û ez jî di nav de me qirêj nekin. Çimkî ez Xudan di nav gelê Îsraêl de rûdinim.’”

Dubarekirina Şerîetê 9:4

“Çaxê Xwedayê we Xudan li ber we miletan biqewitîne, di dilê xwe de nebêjin: ‘Ji ber rastiya me, Xudan em anîn vir ku em ji xwe re bikin milk.’ Çimkî Xudan ji ber xerabiya van miletan li ber we wan diqewitîne.

Padîşah I, 9:7

wê gavê ezê gelê Îsraêl ji welêt bavêjim ku min daye wan. Herwiha ezê vê Mala ku min ji bo navê xwe pîroz kiriye, ji hizûra xwe bavêjim. Wê gelê Îsraêl di nav tevahiya gelan de bibe mijar û meseloka tinazkirinê.

Ezra 9:1

Gava ev tişt qediyan, serek hatin ba min. Wan got: “Gelê Îsraêl, tevî kahin û Lêwiyiyan jî, xwe ji kirêtiyên gelên welatên derdorê veneqetandin ku Kenanî, Hîtîtî, Perîzzî, Yevûsî, Emmonî, Moavî, Misrî û Amorî dikin.

Zebûr 106:39

Bi vî awayî, bi kirinên xwe, xwe herimandin, Bi karê xwe re bêbextî kirin.

Dubarekirina Şerîetê 9:5

Hûn ji ber rastî yan dirustiya dilê xwe naçin welatê wan ku ji xwe re bikin milk. Ji ber xerabiya wan, Xwedayê we Xudan wan li ber we diqewitîne û bi vî awayî ew gotina ku bi sondxwarin dabû bavkalên we, Îbrahîm, Îshaq û Aqûb pêk bîne.

Dadger 20:5

Mêrên Gîvayî li dijî min rabûn û ji bo ku min bikujin, bi şev dor li mala ku ez lê dimam girt. Ew bi zorê bi cariyeya min re razan û jinik mir.

Dadger 20:6

Min cendekê cariyeya xwe hilda û perçe kir û her perçeyê wê şand seranserê welatê Îsraêl. Çimkî wan ev kirêtî û riswatî li welatê Îsraêl kir.

Dadger 20:10

Bila dehyeka her eşîra Îsraêl, deh ji hemû sedan, sed ji hemû hezaran, hezar ji hemû deh hezaran ji şervanan re xwarinê bîne. Bila şervan jî bikevin bajarê Gîvaya Binyamîniyan û tola vê kirêtiyê hilînin ku li welatê Îsraêl hat kirin.”