Lêwiyî 16:2 - Kurmanji Încîl

² Xudan ji Mûsa re got: “Ji kekê xwe Harûn re bêje bila herdem neçe Cihê Herî Pîroz. Heke herdem pişt perdeyê û nêzîkî derxûnê ku li ser Sindoqa Peymanê ye biçe, wê bimire. Çimkî ez li ser derxûn, di nav ewran de xuya dibim.

Lêwiyî 16:2 Referans Kwoze

Derketin 30:10

Wê Harûn salê carekê paqijî û kefareta qiloçên gorîgehê bike. Wê Harûn û ziriyeta wî, di nav nifşên we de salê carekê, bi xwîna pêşkêşiya paqijiyê ku hatiye pêşkêşkirin, gorîgehê paqij bikin. Ev ji Xudan re bi zêdebarî pîroz e.”

Îbranî 9:25

Serokkahîn her sal carekê bi xwîna ku ne ya wî ye dikeve Cihê Herî Pîroz, lê belê Mesîh neketê ku xwe gelek caran pêşkêş bike.

Metta 27:51

Di wê gavê de perda Perestgehê ji serî heta binî çiriya û bû du perçe. Erd hejiya û lat qelişîn.

Padîşah I, 8:6

Kahinan Sindoqa Peymana Xudan anî cihê wê ku li odeya hundirîn a Malê, li Cihê Herî Pîroz, li bin baskên xerûban bû.

Îbranî 9:3

Di pişt perda diduyan de, di hundir de, Cihê Herî Pîroz hebû.

Hejmartin 17:10

Xudan ji Mûsa re got: “Ji bo li dijî kesên serî hildidin bibe nîşanek, tu gopalê Harûn hilde û deyne ber Sindoqa Şahidiyê. Wê ev bibe dawiya gazina wan a li dijî min ku ew nemirin.”

Hejmartin 4:19

Gava nêzîkî tiştên pîroz dibin, wiha bikin ku bijîn, nemirin: Wê Harûn û kurên xwe bikevin hundir û her yekî ji wan ji bo kar û barên wan tayîn bikin.

Lêwiyî 23:27

“Roja dehê meha heftan jî roja kefaretê ye. Hûnê civîneke pîroz çêkin û hûnê dev ji nefsa xwe berdin. Hûnê pêşkêşiya şewitandinê pêşkêşî Xudan bikin.

Lêwiyî 16:13

Wê li hizûra Xudan bixûrê bavêje ser perengên êgir ku dûyê bixûrê wekî ewran derxûnê li ser Sindoqa Şahidiyê ye, binixême. Yan na wê ew bimire.

Lêwiyî 8:35

Hûnê li ber deriyê Konê Hevdîtinê heft rojan bi şev û roj bisekinin û peywirên Xudan pêk bînin ku hûn nemirin. Çimkî wiha li min hat emirkirin.”

Îbranî 6:19

Ev hêviya me wek lengerê can ê saxlem û ewledar e û derbasî aliyê perdê yê hundir dibe.

Îbranî 9:5

Li ser sindoqê Kerûbên rûmeta Xwedê yên ku li bexişîngehê dikirin sî hebûn. Lê niha em nikarin yek bi yek li ser van bipeyivin.

Peyxam 15:8

Û Perestgeh bi dûmana rûmet û hêza Xwedê tije bû û heta ku heft belayên heft milyaketan temam bûn, tu kesî nikaribû bikeve Perestgehê.

Hejmartin 4:5

“Gava artêşgeh bi rê dikeve, wê Harûn û kurên xwe bikevin hundir, perdeya jihevqetandinê bînin xwarê û Sindoqa Şahidiyê pê binixêmin.

Padîşah I, 6:16

Wî beşekî li pişta Malê çêkir. Kûrahiya vê beşê bîst gaz bû. Ji erdê heta banî, bi dîwarekî ji textên dara sedrê, ji beşê din hat veqetandin. Ev odeya hundirîn wekî Cihê Herî Pîroz tê zanîn.

Lêwiyî 16:34

Wê ev ji bo we bibe qanûneke herheyî. Salê carekê, ji bo tevahiya gunehên gelê Îsraêl kefaret bê dayîn.” Çawa ku Xudan li Mûsa emir kiriye, Harûn wiha kir.

Hejmartin 18:7

Lê tu û kurên xwe, hûnê ji bo her karê gorîgehê û karê aliyê hundir ê perdeyê xizmeta kahintiyê bikin. Ez karê kahintiyê wekî diyarî didim we. Ji bilî we her kesekî din ê ku nêzîkî vê derê bibe wê bê kuştin.”