Lêwiyî 15:5 - Kurmanji Încîl

⁵ Wê her kesê ku xwe bi nivîna wî bike kincên xwe bişo, serê xwe bişo û heta êvarê qirêj bê hesibandin.

Lêwiyî 15:5 Referans Kwoze

Lêwiyî 11:25

Her kesê ku termê wan hilgire, wê kincên xwe bişo û heta êvarê qirêj bê hesibandin.

Lêwiyî 17:15

“‘Çi welatî çi jî xerîb, hemû kesên ji we ku ji termê heywanê bi xwe miriye yan ji aliyê heywanekî çolê ve hatiye perçekirin bixwe, wê kincên xwe bişo, serê xwe bişo û heta êvarê qirêj bê hesibandin. Piştre wê paqij bibe.

Lêwiyî 16:26

“Zilamê ku nêriyê ji bo Ezazel berdaye çolê, wê kincên xwe û bedena xwe bi avê bişo. Paşê dikare bikeve artêşgehê.

Peyxam 7:14

Min ji wî re got: «Ezbenî, tu dizanî.» Hingê wî ji min re got: «Evên ha ew in ku ji wê tengahiya mezin hatine, xiftanên xwe şuştine û bi xwîna Berx spî kirine.

یعقوب 4:8

Nêzîkî Xwedê bibin, ew jî wê nêzîkî we bibe. Gunehkarno, destên xwe paqij bikin. Dudilîno, dilê xwe safî bikin.

Îbranî 10:22

Em bi dilê ku bi xwînreşandinê ji wijdana xerab paqij bûyî û bi bedena ku bi ava paqij hatî şuştin, bi piştrastiya temam a baweriyê, bi dilekî rastîn nêzîkî Xwedê bibin.

Îbranî 9:26

Eger wisa bûya, ji damezrandina dinyayê ve diviya wî gelek caran cefa bikişanda. Lê niha, di dawiya deman de ew bi carekê xuya bû, da ku bi xwegorîkirinê guneh ji holê rake.

Îbranî 9:14

hingê xwîna Mesîhê ku bi Ruhê herheyî xwe bêleke pêşkêşî Xwedê kiriye, wê hê çiqas zêdetir wijdana me ji kirinên mirî paqij bike, da ku em biperizin Xwedayê jîndar!

Îşaya 22:14

Xudanê Karîndar bi guhên min da bihîstin û got: “Heta hûn bimirin, wê ev xerabiya we neyê bexişandin.” Reb Xudanê Karîndar dibêje.

Îşaya 1:16

Xwe bişon û paqij bikin, Ji ber çavê min xerabîkirinê rakin, Dawî li xerabiyê bînin.

Zebûr 51:7

Min bi zûfa bişo da ku ez pak bibim, Min bişo da ku ez ji berfê spîtir bibim.

Zebûr 51:2

Bi tevahî min bişo ji sûcê min, Min paqij ke ji gunehê min.

Zebûr 26:6

Min bi bêsûcî şûştin destê xwe, Ezê bigerim li dora perestgeha te ya Xudan,

Hejmartin 19:22

Her tiştê ku mirovê qirêj destê xwe dabê, wê qirêj bê hesibandin. Kesê destê xwe dabe wî tiştî jî wê heta êvarê qirêj bê hesibandin.”

Hejmartin 19:10

Mirovê ku xweliya çêlekê daye hev, wê cilên xwe bişo û heta êvarê qirêj bê hesibandin. Wê ev yek ji bo gelê Îsraêl û xerîbên di nav wan de bibe qanûneke herheyî.

Lêwiyî 16:28

Kesê ku ev şewitandin, wê kincên xwe û bedena xwe bişo û piştre dikare bikeve artêşgehê.

Lêwiyî 14:27

Wê tiliya destê xwe yê rastê di zeyta di destê wî yê çepê de ye bike û heft caran li hizûra Xudan bireşîne.

Lêwiyî 13:34

Kahin di roja heftan de wê careke din li cihê gurîbûyî binêre. Heke gurîtî li çerm belav nebûbe û kûr nebûbe, wê kahin kesê nexweş paqij bihesibîne. Wê nexweş kincên xwe bişo û paqij bê hesibandin.

Lêwiyî 13:6

Di roja heftan de wê careke din lê binêre. Heke nexweşî kêm bûbe û li ser çerm belav nebûbe, wê kesê nexweş paqij bihesibîne. Ev tenê qalik e. Wê nexweş kincên xwe bişo û paqij bê hesibandin.

Lêwiyî 11:32

Her tiştê ku bi termê van bikeve, wê qirêj bibe –hemû taximên darîn, kinc, çerm û çûx, her tiştê ku kar pê tê kirin– wê wan bixin nav avê û wê heta êvarê qirêj bimîne. Piştre wê paqij bibe.

Lêwiyî 11:28

Her kesê ku termê wan hilgire, wê kincên xwe bişo û heta êvarê qirêj bimîne. Ev heywan ji bo we qirêj in.

Derketin 19:10

Xudan ji Mûsa re got: “Tu here ba gel, bila îro û sibê xwe pak bikin. Bila kincên xwe bişon.

Lêwiyî 15:4

Her dera zilamê ku herikîn jê tê, lê radize û lê rûdine, wê qirêj bê hesibandin.

Lêwiyî 15:6

Wê her kesê li dera ku ew lê rûniştiye rûne kincên xwe bişo, serê xwe bişo û heta êvarê qirêj bê hesibandin.

Samûêl I, 20:26

Şawûl wê rojê tiştekî negot. Wiha difikirî: “Tiştek hatiye serê Dawid. Ew ne paqij e, esse ew ne paqij e.”

Lêwiyî 11:24

“‘Tiştên ku wê we qirêj bikin ev in. Her kesê ku xwe bi termê van heywanan bike, wê heta êvarê qirêj bê hesibandin.

Lêwiyî 15:18

Heke zilamek bi jinekê re razê û nêzîkî wê bibe, wê herdu jî xwe bi avê bişon û heta êvarê qirêj bên hesibandin.