Lêwiyî 14:7 - Kurmanji Încîl

⁷ Wê xwînê heft caran bireşîne ser kesê ku ji nexweşiya çerman tê paqijkirin û wî paqij bihesibîne. Wê çivîka sax jî berde çolê.

Lêwiyî 14:7 Referans Kwoze

Îşaya 52:15

Wê gelek miletan şaş bike, Wê padîşah devê xwe ji ber wî bigirin. Çimkî wê ya ku ji wan re nehatiye gotin, bibînin Û ya ku nebihîstine, fêm bikin.

Padîşah II, 5:14

Rabû û çû li gorî gotina zilamê Xwedê li Çemê Şerîayê heft caran noqî avê bû. Laşê wî wekî laşê zarokekî biçûk, vegeriya halê xwe yê berê û paqij bû.

Padîşah II, 5:10

Êlîşa bi riya qasidekî jê re got: “Rabe here di Çemê Şerîayê de xwe heft caran bişo. Wê laşê te bibe wekî berê û tê pak bibî.”

Petrûs I 1:2

yên ku li gor pêşzanîna Bav Xwedê hatine bijartin û ji aliyê Ruh ve hatine pîrozkirin, da ku bi ya Îsa Mesîh bikin û xwîna wî li ser wan bê reşandin: Kerem û aştî li ser we zêde bibe.

Îbranî 9:19

Çimkî piştî ku Mûsa her emrê Şerîetê ji tevahiya gel re got, bi hiriya sor û bi çiqilê gûrizê xwîna nêrî û conegayan bi avê re, li kitêbê bi xwe û li tevahiya gel reşand

Îbranî 9:13

Çimkî, eger xwîna nêrî û conegayan û xweliya noginan li yên murdar bê reşandin û wan paqij bike,

یوحنا 1 5:6

Yê ku bi av û xwînê hat Îsa Mesîh e. Ew ne tenê bi avê, lê bi av û xwînê hat. Û ya ku şahidiyê vê dike Ruh e; çimkî Ruh rastî ye.

Îbranî 12:24

Hûn nêzîkî navberkarê Peymana Nû Îsa bûn ku xwîna wî ya reşandî ji ya Habîl çêtir dibêje.

Îbranî 10:22

Em bi dilê ku bi xwînreşandinê ji wijdana xerab paqij bûyî û bi bedena ku bi ava paqij hatî şuştin, bi piştrastiya temam a baweriyê, bi dilekî rastîn nêzîkî Xwedê bibin.

Îbranî 9:26

Eger wisa bûya, ji damezrandina dinyayê ve diviya wî gelek caran cefa bikişanda. Lê niha, di dawiya deman de ew bi carekê xuya bû, da ku bi xwegorîkirinê guneh ji holê rake.

Îbranî 9:21

Bi vî awayî wî xwîn li kon û li hemû firaxên perizînê reşand.

Yûhenna 19:34

Lê dîsa jî ji leşkeran yekî newqa wî bi rimê qul kir û di cih de av û xwîn herikî.

Mîxa 7:19

Tê dîsa li ber me bikevî, Tê neheqiyên me, di bin lingan de biperçiqînî. Tê tevahiya gunehên me, bavêjî binê deryayê.

Daniyêl 9:24

“Ji bo ku neheqî bê rakirin, dawî li guneh bê, sûc bên bexişandin, rastiya herheyî bê avakirin, dîtinî û pêxemberî bê morkirin û yê ku Herî Pîroz bi rûnkirinê bê kifşkirin, ji bo gelê te û bajarê te yê pîroz, heftê car heft dem hatiye diyarkirin.

Zebûr 51:7

Min bi zûfa bişo da ku ez pak bibim, Min bişo da ku ez ji berfê spîtir bibim.

Zebûr 51:2

Bi tevahî min bişo ji sûcê min, Min paqij ke ji gunehê min.

Lêwiyî 16:22

Wê nêrî, hemû sûcên gelê Îsraêl lê barkirî here diyarekî bêber. Wê zilam nêrî berde çolê.

Lêwiyî 16:19

Wê bi tiliya xwe xwînê heft caran bi ser gorîgehê ve bireşîne. Bi vî awayî wê gorîgehê ji qirêjiyên gelê Îsraêl paqij û pîroz bike.

Lêwiyî 16:14

Wê ji xwîna conegê jî hilde û bi tiliya xwe bi ser derxûn ve û bi ser pêşiya derxûn ve bireşîne. Wê bi tiliya xwe heft caran li pêş derxûn xwînê bireşîne.

Lêwiyî 14:51

Wê dara sedrê, tayê sor, giyayê cehtirê û çivîka sax di xwîna çivîka hatiye serjêkirin û li nav avê bixe û heft caran bi ser malê de bireşîne.

Lêwiyî 13:17

Wê kahin li nexweş binêre, heke nexweşî spî bûbe, wê kahin kesê nexweş paqij bihesibîne. Ew paqij e.

Lêwiyî 13:13

wê kahin lê binêre û wî kesê ku nexweşî li tevahiya bedena wî belav bûye paqij bihesibîne. Çimkî êdî nexweşî spî bûye û paqij e.

Lêwiyî 8:11

Wî rûn heft caran bi ser gorîgehê de reşand û gorîgeh û hemû taximên gorîgehê –teştê tevî lingên wê– rûn kir û ew pîroz kir.

Lêwiyî 4:17

Wê kahin tiliya xwe di nav xwînê re bike û li hizûra Xudan, li ber perdeyê heft caran bireşîne.

Lêwiyî 4:6

Wê tiliya xwe di nav xwînê re bike, li ber perdeya Cihê Herî Pîroz, li hizûra Xudan heft caran bireşîne.

Hejmartin 19:12

Wê di roja sisêyan û roja heftan de xwe bi ava paqijiyê bişo û bi vî awayî paqij bibe. Gava ew xwe di roja sisêyan û roja heftan de neşo, wê paqij neyê hesibandin.