Lêwiyî 14:21 - Kurmanji Încîl

²¹ “Heke ew kes belengaz be û hêza wî têra dayîna wê neke, ji bo kefareta xwe wê wekî pêşkêşiya berdêlê ya hejandinê berxekî û wekî pêşkêşiya dexlê, ji dehyeka efaya arvanê hûr a ku bi zeytê hatiye hevîrkirin û logek zeyt bîne.

Lêwiyî 14:21 Referans Kwoze

Lêwiyî 5:7

“‘Heke hêza wî têra dayîna mî yan bizinekê neke, wê wekî pêşkêşiya berdêlê du qumrî yan du kevokan pêşkêşî Xudan bike. Wê yekî wekî pêşkêşiya paqijiyê û yê din jî wekî qurbana şewitandinê bîne.

Lêwiyî 12:8

“‘Heke hêza wê têra dayîna berxekî neke, wê du kevok an du qumriyan bîne ku yekê wekî qurbana şewitandinê û yekê jî wekî pêşkêşiya paqijiyê be. Wê kahin wan ji bo jinikê kefaretê bide û wê ew paqij bibe.’”

Methelokên 17:5

Kesê henekê xwe bi feqîran dike, Tinazê xwe bi Afirînerê wan dike, Kesê bi felaketê şa dibe, bêceza namîne.

Korîntî II, 8:12

Çimkî eger dilxwazî hebe, dayîna yekî ne li gor tiştê ku di destê wî de tune, lê li gor tiştê ku di destê wî de heye, meqbûl e.

Korîntî II, 8:9

Çimkî hûn kerema Xudanê me Îsa Mesîh dizanin. Bi ser ku ew dewlemend bû jî, ew bû belengaz, da ku hûn bi belengaziya wî dewlemend bibin.

Lûqa 6:20

Îcar Îsa çavên xwe ber bi şagirtên xwe ve hildan û got: «Xwezî bi we belengazan, Çimkî Padîşahiya Xwedê ya we ye.

Methelokên 22:2

Feqîr û dewlemend rastî hev tên, Afirînerê herduyan jî Xudan e.

Eyûb 34:19

Yê ku meyla serekan nake Û ji belengazan bêtir, qedrê dewlemendan nagire, Ma ne Xwedê bixwe ye? Çimkî ev hemû karên destê wî ne.

Samûêl I, 2:8

Ew belengazan ji toza erdê radike, Hejaran ji sergoyan derdixe Ku bi mîran re rûnin Û textê rûmetê bibe mîrasa wan. Bingeha dinyayê ya Xudan e, Wî dinya li ser vê daniye.

Lêwiyî 14:22

Li gorî hêza wî wê du qumrî yan du têjikên kevokan jî bîne. Wê yek bibe pêşkêşiya paqijiyê, ya din jî bibe qurbana şewitandinê.

Lêwiyî 5:11

“‘Heke hêza wî têra dayîna du qumrî yan du kevokan neke, wê ji ber sûcê xwe wekî pêşkêşiya paqijiyê, dehyeka efaya arvanê hûr bîne. Wê zeytê nerijîne ser û guniyê bi ser de neke. Çimkî ev pêşkêşiya paqijiyê ye.

Lêwiyî 1:14

“‘An heke pêşkêşî qurbana şewitandinê ya ji bo Xudan a ji çivîkan be, divê ji qumrî yan têjikên kevokan be.

Lêwiyî 14:10

“Wê di roja heştan de, du berxên nêr ên bêqisûr, berxeke mê ya bêqisûr a yeksalî, pêşkêşiya dexlê ji dehan sisêya efaya arvanê hûrê ku bi zeytê hatiye hevîrkirin û logek zeyt bîne.

Lêwiyî 27:8

Heke kesek feqîr û hêza wî têra berdêlê neke, wê li pêş kahin bisekine û wê kahin bi qasî hêza kesê ku ji Xudan re kifş kir, berdêlê diyar bike.