Lêwiyî 14:10 - Kurmanji Încîl

¹⁰ “Wê di roja heştan de, du berxên nêr ên bêqisûr, berxeke mê ya bêqisûr a yeksalî, pêşkêşiya dexlê ji dehan sisêya efaya arvanê hûrê ku bi zeytê hatiye hevîrkirin û logek zeyt bîne.

Lêwiyî 14:10 Referans Kwoze

Lêwiyî 2:1

“‘Gava kesek pêşkêşiya dexlê pêşkêşî Xudan bike, divê pêşkêşî ji arvanê hûr be. Wê rûn birijîne ser û guniyê deyne ser.

Lûqa 5:14

Û Îsa tembîh li wî kir, ku ew vê yekê ji kesî re nebêje, lê jê re got: «Here xwe nîşanî kahîn bide û wek ku Mûsa emir kiriye, pêşkêşekê bide, da ji wan re bibe şahidî, ku tu paqij bûyî.»

Marqos 1:44

û ji wî re got: «Binêre! Ji kesî re tiştekî nebêje. Lê here, xwe nîşanî kahîn bide û tiştê ku Mûsa emir kiriye, pêşkêş bike, da ji wan re bibe şahidî, ku tu paqij bûyî.»

Metta 8:4

Hingê Îsa jê re got: «Binêre! Tu ji kesî re nebêjî! Lê here, xwe nîşanî kahîn bide û diyariya ku Mûsa emir kiriye pêşkêş bike, da ku ji wan re bibe şahidî.»

Lêwiyî 14:21

“Heke ew kes belengaz be û hêza wî têra dayîna wê neke, ji bo kefareta xwe wê wekî pêşkêşiya berdêlê ya hejandinê berxekî û wekî pêşkêşiya dexlê, ji dehyeka efaya arvanê hûr a ku bi zeytê hatiye hevîrkirin û logek zeyt bîne.

Lêwiyî 14:15

Wê kahin hinekî ji loga zeytê hilde û birijîne çenga destê xwe yê çepê.

Lêwiyî 14:12

Wê kahin berxekî hilde û wekî pêşkêşiya berdêlê berx û logek zeyt pêşkêş bike û wan wekî pêşkêşiya raberkirinê li hizûra Xudan bihejîne.

Petrûs I 1:19

lê belê bi berdêla xwîna Mesîh a hêja û wek berxekî bêleke û bêkêmahî hûn hatine kirrîn.

Yûhenna 6:51

Ew nanê jîndar ê ku ji ezmên hatiye xwarê ez im. Eger yek ji vî nanî bixwe, wê her û her bijî û nanê ku ezê ji bo jiyana dinyayê bidim, bedena min e.»

Yûhenna 6:33

Çimkî nanê Xwedê ew e ku ji ezmên tê xwarê û jiyanê dide dinyayê.»

Yûhenna 1:29

Dotira rojê Yûhenna dît ku Îsa ber bi wî ve tê. Û wî got: «Va ye! Berxê Xwedê yê ku gunehên dinyayê radike.

Hejmartin 28:20

Pêşkêşiya wan a dexlê ji arvanê hûr ê ku bi zeytê hatiye hevîrkirin wê wiha be: Bi conegayekî re ji dehan sisêyê efayê, bi berên re ji dehan duyê efayê,

Hejmartin 6:14

Wê kesê sozdana nezîriyê daye wekî qurbana şewitandinê berxekî nêr ê yeksalî yê bêqisûr û wekî pêşkêşiya paqijiyê berxeke mê ya yeksalî ya bêqisûr, wekî pêşkêşiya aştiyê beranekî bêqisûr,

Lêwiyî 23:13

Hûnê bi berx re, wekî pêşkêşiya dexlê ji dehan duduyê efaya arvanê hûr a ku bi zeytê hatiye hevîrkirin pêşkêşî Xudan bikin. Wê pêşkêşiya şewitandinê ew be ku bêhna wê bi Xudan xweş tê. Bi vê re jî hûnê wekî pêşkêşiya rijandinê çarîka hînekê şerabê pêşkêş bikin.

Lêwiyî 9:1

Di roja heştan de Mûsa gazî Harûn, kurên wî û rîspiyên gelê Îsraêl kir.

Lêwiyî 4:32

“‘Heke kesek wekî pêşkêşiya paqijiyê berxekê pêşkêş bike, divê mê û bêqisûr be.

Lêwiyî 2:13

“‘Tê hemû pêşkêşiyên xwe yên dexlê xwê bikî. Tê ji ser pêşkêşiya dexlê xwêya peymana Xwedayê xwe kêm nekî. Tê hemû pêşkêşiyan xwê bikî.

Lêwiyî 2:11

“‘Divê pêşkêşiya dexlê ya ku pêşkêşî Xudan tê kirin tu caran bi hevîrtirş nebe. Divê hûn di nav pêşkêşiya şewitandinê ya ji bo Xudan e de, qet hevîrtirş û hingiv neşewitînin.

Lêwiyî 1:10

“‘Heke pêşkêşî qurbana şewitandinê ya pêz be, mî yan bizin, divê nêr û bêqisûr be.

Derketin 29:40

Tê bi berxê yekemîn re, ji dehyeka efaya arvanê hûr ê bi çarîkeke hîna rûnê xas ê zeyta perçiqandî hevîrkirî û wekî pêşkêşiya rijandinê, ji çaran yek hîn şerab pêşkêş bikî.

Lêwiyî 14:11

Kahinê karê paqijiyê dike wê kesê ku wê paqij be û tevahiya van tiştan li hizûra Xudan, li ber deriyê Konê Hevdîtinê bide sekinandin.

Hejmartin 7:43

Pêşkêşiya wî ev bû: Li gorî şekelê Pîrozgehê, taseke zîvîn ku giraniya wê 130 şekel bû, tasikeke zîvîn ku giraniya wê 70 şekel bû. Ev herdu jî, ji bo pêşkêşiya dexlê, bi arvanê hûr ê bi zeytê hatiye hevîrkirin tije bûn.

Lêwiyî 1:3

“‘Heke pêşkêşî qurbana şewitandinê ya dewêr be, divê nêr û bêqisûr be. Wê ew kes bîne ber deriyê Konê Hevdîtinê ku ew li hizûra Xwedê bê qebûlkirin.