Lêwiyî 13:6 - Kurmanji Încîl

⁶ Di roja heftan de wê careke din lê binêre. Heke nexweşî kêm bûbe û li ser çerm belav nebûbe, wê kesê nexweş paqij bihesibîne. Ev tenê qalik e. Wê nexweş kincên xwe bişo û paqij bê hesibandin.

Lêwiyî 13:6 Referans Kwoze

Lêwiyî 11:25

Her kesê ku termê wan hilgire, wê kincên xwe bişo û heta êvarê qirêj bê hesibandin.

Lêwiyî 14:8

Kesê tê paqijkirin wê kincên xwe bişo, hemû mûyên xwe kur bike û serê xwe bişo. Wê bi vî awayî paqij bê hesibandin. Êdî ew dikare bikeve artêşgehê lê wê heft rojan li derveyî kon bimîne.

یعقوب 3:2

Em hemû di gelek tiştan de diterpilin. Eger yek bi devê xwe nekeve, ew dikare hemû bedena xwe jî desgîn bike û ew mirovekî gihîştî ye.

Îbranî 10:22

Em bi dilê ku bi xwînreşandinê ji wijdana xerab paqij bûyî û bi bedena ku bi ava paqij hatî şuştin, bi piştrastiya temam a baweriyê, bi dilekî rastîn nêzîkî Xwedê bibin.

Îbranî 9:10

Ew bi tenê bi xwarin, vexwarin û şuştinên cûr bi cûr ve girêdayî ne û qanûnên dinyayî ne yên ku heta wextê sazûmana nû dimînin.

Korîntî II, 7:1

Îcar hezkirîno, madem ku em xwediyê van sozan in, em xwe ji her cûreyê murdariya ruh û bedenê paqij bikin û bi tirsa Xwedê pîroziyê temam bikin.

Romayî 14:1

Yê ku di baweriyê de qels e qebûl bikin, lê li ser fikrên xumalî bi wî re devjeniyê nekin.

Îşaya 42:3

Wê qamîşê perçiqandî neşikêne Û fitîla diçirise netefîne. Wê heqiyê bi dilsoziyê bigihîjîne.

Waiz 7:20

Li ser rûyê erdê kesekî rast tuneye ku qencî kiribe Û tu caran guneh nekiribe.

Methelokên 20:9

Ma kî dikare bêje: “Min dilê xwe paqij kir, Ez ji gunehên xwe pak bûm?”

Zebûr 19:12

Kî dikare şaşiyên xwe bibîne, Ji gunehên bi dizî tu min bibexşîne,

Padîşah I, 8:45

wê gavê dua û lavakirina wan li ezmanan bibihîze û wan bi ser bixe.

Padîşah I, 8:38

û herwiha duayek an lavakirina ji aliyê kesekî ji gelê te yan ji tevahiya gelê te Îsraêl ve çêbe, her kesê derdê dilê xwe zanibe û ber bi vê Malê ve destê xwe veke,

Dubarekirina Şerîetê 32:5

Ev nifşê xwar û jirêderketî, Pê re dilsoz nema. Ew ne zarokên wî ne Û ev qisûra wan e.

Lêwiyî 13:2

“Heke di çermê mirovekî de werim, qalik an dexmek hebe ku dikare nexweşiya çerman be, wê wî bibin ba Harûnê Kahin an kurên wî yên kahin.

Lêwiyî 11:40

Kesê ku ji termê wan bixwe, wê kincên xwe bişo û heta êvarê qirêj bimîne. Kesê ku term hilgire wê kincên xwe bişo û heta êvarê qirêj bimîne.

Lêwiyî 11:28

Her kesê ku termê wan hilgire, wê kincên xwe bişo û heta êvarê qirêj bimîne. Ev heywan ji bo we qirêj in.

Lêwiyî 13:5

Wê kahin di roja heftan de li kesê nexweş binêre. Heke li gorî wî nexweşî sekinî be û li ser çerm belav nebûbe, wê kahin heft rojên din jî wî li dereke girtî bihêle.

Lêwiyî 13:7

Lê heke piştî ku ew ji bo paqijbûnê xwe nîşanî kahin dide, qalik li ser çermê wî belav bibe, wê dîsa here ba kahin.