Lêwiyî 12:8 - Kurmanji Încîl

⁸ “‘Heke hêza wê têra dayîna berxekî neke, wê du kevok an du qumriyan bîne ku yekê wekî qurbana şewitandinê û yekê jî wekî pêşkêşiya paqijiyê be. Wê kahin wan ji bo jinikê kefaretê bide û wê ew paqij bibe.’”

Lêwiyî 12:8 Referans Kwoze

Lêwiyî 5:7

“‘Heke hêza wî têra dayîna mî yan bizinekê neke, wê wekî pêşkêşiya berdêlê du qumrî yan du kevokan pêşkêşî Xudan bike. Wê yekî wekî pêşkêşiya paqijiyê û yê din jî wekî qurbana şewitandinê bîne.

Lêwiyî 4:26

Wê tevahiya bezê wê, wekî bezê pêşkêşiyên qurbana aştiyê li ser gorîgehê bişewitîne. Wê kahin vê ji bo gunehên wî kefaretê bide û wê bê bexişandin.

Lêwiyî 14:22

Li gorî hêza wî wê du qumrî yan du têjikên kevokan jî bîne. Wê yek bibe pêşkêşiya paqijiyê, ya din jî bibe qurbana şewitandinê.

Lêwiyî 1:14

“‘An heke pêşkêşî qurbana şewitandinê ya ji bo Xudan a ji çivîkan be, divê ji qumrî yan têjikên kevokan be.

Korîntî II, 8:9

Çimkî hûn kerema Xudanê me Îsa Mesîh dizanin. Bi ser ku ew dewlemend bû jî, ew bû belengaz, da ku hûn bi belengaziya wî dewlemend bibin.

Lêwiyî 15:29

Wê di roja heştan de ji bo xwe du qumrî yan du kevokan hilde, bîne ber deriyê Konê Hevdîtinê û bide kahin.

Lêwiyî 15:14

Wê di roja heştan de ji bo xwe du qumrî yan du kevokan hilde, were ber deriyê Konê Hevdîtinê û li hizûra Xudan wan bide kahin.

Metta 21:12

Îsa ket Perestgehê û hemû yên ku li wê derê kirrîn û firotin dikirin, avêtin derve. Maseyên pereguhêran û kursiyên kevokfiroşan gêr kirin.

Lêwiyî 12:7

Wê kahin pêşkêşiyên wê li hizûra Xudan pêşkêş bike û ji bo jinikê kefaretê bide. Bi vî awayî wê jinik ji xwînê paqij bibe. Ev e rê û rêbaza jina ku zarokên kurîn an keçîn tîne.

Lêwiyî 13:1

Xudan ji Harûn û Mûsa re got:

Lêwiyî 14:21

“Heke ew kes belengaz be û hêza wî têra dayîna wê neke, ji bo kefareta xwe wê wekî pêşkêşiya berdêlê ya hejandinê berxekî û wekî pêşkêşiya dexlê, ji dehyeka efaya arvanê hûr a ku bi zeytê hatiye hevîrkirin û logek zeyt bîne.

Lêwiyî 5:11

“‘Heke hêza wî têra dayîna du qumrî yan du kevokan neke, wê ji ber sûcê xwe wekî pêşkêşiya paqijiyê, dehyeka efaya arvanê hûr bîne. Wê zeytê nerijîne ser û guniyê bi ser de neke. Çimkî ev pêşkêşiya paqijiyê ye.

Lêwiyî 15:15

Wê kahin yekê ji wan wekî pêşkêşiya paqijiyê û ya din jî wekî qurbana şewitandinê pêşkêş bike. Bi vî awayî wê kahin li hizûra Xudan ji bo herikîna wî kefaretê bide.