Lêwiyî 11:24 - Kurmanji Încîl

²⁴ “‘Tiştên ku wê we qirêj bikin ev in. Her kesê ku xwe bi termê van heywanan bike, wê heta êvarê qirêj bê hesibandin.

Lêwiyî 11:24 Referans Kwoze

یوحنا 1 1:7

Lê eger em di ronahiyê de rêve herin, wek ku ew di ronahiyê de ye, hevpariya me bi hevdû re heye û xwîna Kurê wî Îsa, me ji her gunehî paqij dike.

Îbranî 9:26

Eger wisa bûya, ji damezrandina dinyayê ve diviya wî gelek caran cefa bikişanda. Lê niha, di dawiya deman de ew bi carekê xuya bû, da ku bi xwegorîkirinê guneh ji holê rake.

Kolosî 2:20

Madem hûn bi Mesîh re li hember hêzên ruhî yên vê dinyayê mirine, nexwe hûn çima weha dijîn wek ku hûn ên vê dinyayê ne û li gor rêz û tertîb dikin ên ku dibêjin:

Efesî 5:11

Nebin hevparên karên tariyê yên bêber, lê hê bêtir wan tiştan eşkere bikin.

Korîntî II, 6:17

Xudan dibêje: «Loma ji nav wan derkevin û veqetin, Dest nedin tiştê murdar. Hingê ezê we qebûl bikim.»

Korîntî I, 15:33

Neyên xapandin, «Hevaltiya xerab exlaqê spehî xera dike.»

Îşaya 22:14

Xudanê Karîndar bi guhên min da bihîstin û got: “Heta hûn bimirin, wê ev xerabiya we neyê bexişandin.” Reb Xudanê Karîndar dibêje.

Lêwiyî 11:31

Ev heywanên ku bi erdê ve dişêlin ji bo we qirêj in û her kesê ku xwe bi termê wan bike wê heta êvarê qirêj bimîne.

Lêwiyî 11:8

Hûnê goştê van heywanan nexwin, xwe bi termê wan jî nekin. Ev ji bo we qirêj in.

Lêwiyî 11:23

Lê hemû kêzikên çarling û biperik ên din ji bo we kirêt in.

Lêwiyî 11:25

Her kesê ku termê wan hilgire, wê kincên xwe bişo û heta êvarê qirêj bê hesibandin.

Lêwiyî 22:4

“‘Kesê ji ziriyeta Harûn ku bi nexweşiya çerman ketibe yan herikîna wî hebe, heta ku paqij nebe, wê ji pêşkêşiyên pîroz nexwe. Kesê bi tiştekî ku cendek pê bûye bibe û mirdar bûye, kesê menî jê diherike,

Lêwiyî 5:2

“‘An heke kesek bêyî ku hay jê hebe bi tiştekî qirêj bibe –bi termê heywanekî qirêj, kovî yan kedî yan bi termê heywanekî qirêj ê ku bi erdê ve dişêle bibe jî– ew qirêj bûye û sûcdar tê hesibandin.

Lêwiyî 7:21

Kesê ku destê xwe bi tiştekî qirêj bike –bi qirêjiya ku ji mirov tê, bi heywanekî qirêj an bi hemû tiştekî kirêt– û ji goştê qurbana aştiyê ya ji bo Xudan bixwe, wê ji nav gelê xwe bê avêtin.’”

Lêwiyî 14:46

Her kesê di dema mal hatiye girtin de bikeve malê, wê ew kes heta êvarê qirêj bê hesibandin.

Lêwiyî 15:5

Wê her kesê ku xwe bi nivîna wî bike kincên xwe bişo, serê xwe bişo û heta êvarê qirêj bê hesibandin.

Lêwiyî 15:6

Wê her kesê li dera ku ew lê rûniştiye rûne kincên xwe bişo, serê xwe bişo û heta êvarê qirêj bê hesibandin.

Lêwiyî 15:7

Wê her kesê ku xwe bi bedena zilamê ku herikîn jê tê bike kincên xwe bişo, serê xwe bişo û heta êvarê qirêj bê hesibandin.

Lêwiyî 15:8

Heke kesê ku herikîn jê tê tifî kesekî paqij bike, wê ew kes kincên xwe bişo, serê xwe bişo û heta êvarê qirêj bê hesibandin.

Lêwiyî 15:10

Her kesê ku xwe bi tiştekî ku ew zilam li ser rûniştiye bike, wê heta êvarê qirêj bê hesibandin. Her kesê ku van tiştan hilgire, wê kincên xwe bişo, serê xwe bişo û heta êvarê qirêj bê hesibandin.

Lêwiyî 15:11

Gava zilamê herikîn jê tê destê xwe neşûştî, her kesê ku xwe pê bike, wê kincên xwe bişo, serê xwe bişo û heta êvarê qirêj bê hesibandin.

Lêwiyî 15:15

Wê kahin yekê ji wan wekî pêşkêşiya paqijiyê û ya din jî wekî qurbana şewitandinê pêşkêş bike. Bi vî awayî wê kahin li hizûra Xudan ji bo herikîna wî kefaretê bide.

Lêwiyî 15:21

Wê her kesê ku xwe bi nivîna jinikê bike, kincên xwe bişo, serê xwe bişo û heta êvarê qirêj bê hesibandin.

Lêwiyî 15:22

Her kesê ku xwe bi tiştekî ku jinik li ser rûniştiye bike, wê kincên xwe bişo, serê xwe bişo û heta êvarê qirêj bê hesibandin.

Lêwiyî 15:23

Her kesê ku xwe bi tiştekî ku ew jinik li ser rûne –nivîn an jî tiştekî din– wê heta êvarê qirêj bê hesibandin.

Lêwiyî 15:27

Her kesê ku xwe bi wan bike, wê qirêj bê hesibandin. Wê kincên xwe bişo, serê xwe bişo û heta êvarê qirêj bimîne.

Lêwiyî 16:26

“Zilamê ku nêriyê ji bo Ezazel berdaye çolê, wê kincên xwe û bedena xwe bi avê bişo. Paşê dikare bikeve artêşgehê.

Lêwiyî 16:28

Kesê ku ev şewitandin, wê kincên xwe û bedena xwe bişo û piştre dikare bikeve artêşgehê.

Lêwiyî 22:5

kesê bi afirîdê ku bi erdê ve dişêle û mirovan mirdar kiriye bibe, qirêjbûna wî ji çi dibe bila be,

Lêwiyî 22:6

her kesê ku bi tiştekî wiha dibe, wê heta êvarê qirêj bê hesibandin û heta ku bedena xwe neşo, wê ji pêşkêşiyên pîroz nexwe.

Hejmartin 19:7

Wê kahin cilên xwe û serê xwe bişo. Piştre wê here artêşgehê, lê wê heta êvarê qirêj bê hesibandin.