Lêwiyî 10:1 - Kurmanji Încîl

¹ Nadav û Avîhû yên kurên Harûn bixûrdankên xwe hildan, agir xistin hundirê wan û bixûr danîn ser. Wan li hizûra Xudan agirekî xerîb ku wî li wan emir nekiriye pêşkêş kir.

Lêwiyî 10:1 Referans Kwoze

Hejmartin 26:61

Lê gava wan li hizûra Xudan agirê xerîb pêşkêş kir, Nadav û Avîhû mirin.

Lêwiyî 16:12

Wê bixûrdankek ku bi perengên êgir ên ji ser gorîgehê tije kiriye û du destên ku bi bixûra bêhnxweş a ku hûr hatiye tijekirin, hilde derbasî pişt perdeyê bibe.

Dubarekirina Şerîetê 12:32

“Hay jê hebin ku hûn her emrên li we dikim pêk bînin. Tiştekî li wan zêde nekin û tiştekî ji wan dernaxin.

Hejmartin 16:46

Mûsa ji Harûn re got: “Bixûrdanka xwe rake û ji ser gorîgehê agir deyne ser û bixûrê jî deyne ser wî. Zûka bibe ba civakê û ji bo wan kefaretê bide. Çimkî xezeb ji ber Xudan derket û kulê destpê kir.”

Derketin 24:1

Xudan ji Mûsa re got: “Tu tevî Harûn, Nadav, Avîhû û heftê kesên ji rîspiyên gelê Îsraêl hilkişî ba min û hûnê ji dûr ve biperizin.

Derketin 6:23

Harûn xwişka Nahşon, Êlîşevaya keça Emmînadav ji xwe re anî. Ji Êlîşevayê jê re Nadav, Avîhû, Êlezar û Îtamar çêbûn.

Zebûr 141:2

Bila dua min li pêş te wek bixûrê, Destvekirina min wek goriya êvarê be!

Lêwiyî 22:9

“‘Wê kahin peywirên min pêk bînin. An na wê sûcdar bên hesibandin û ji ber vê yekê bimirin. Xudanê ku ew pîroz kirine ez im.

Derketin 28:1

“Ji bo ku ji min re kahintiyê bikin, tu ji nav gelê Îsraêl kekê xwe Harûn û kurên wî Nadav, Avîhû, Êlezar û Îtamar bîne ba xwe.

Derketin 24:9

Piştre Mûsa, Harûn, Nadav, Avîhû û heftê rîspiyên gelê Îsraêl hilkişiyan çiyê.

Lêwiyî 16:1

Piştî mirina herdu kurên Harûn ên ku nêzîkî Xudan bûbûn û miribûn,

Lêwiyî 9:24

Agirek ji hizûra Xudan rabû û bez û qurbana şewitandinê ya ku li ser gorîgehê ye daqurtand. Gava tevahiya gel ev dît, ji kêf qîriya û deverû çû erdê.

Derketin 27:3

Ji bo gorîgehê, sîtilên xwelî avêtinê, bêr, tasik, sêgoyên goşt û tepsikan çêkî. Tê hemû taximên wê ji tûnc çêkî.

Îbranî 9:4

Gorîgeha zêrîn ya şewitandina bixûrê û Sindoqa Peymanê ya ku ji her aliyî ve zêrkirî bû tê de bûn. Di hundirê sindoqê de şerbikê Manna yê zêrîn, şivdarê Harûn ê bişkivî û nivîsdekên Peymanê hebûn.

Yêremya 44:15

Li ser vê yekê civîneke mezin a hemû mêrên ku zanibûn jinên wan ji îlahan re bixûrê pêdixistin, hemû jinên li wê derê disekinîn û tevahiya gelê ku li herêma Patrosê ya Misrê bersiv da Yêremya û got:

Yêremya 44:8

Çima hûn li welatê Misrê yê ku hûn bi mêvandarî çûnê, bi karên destê xwe û bixûrpêxistina ji îlahan re min hêrs dikin?! Hûn xwe helak dikin! Ma hûnê di nav hemû miletên dinyayê de bibin nalet û mijara riswabûnê?!

Yêremya 32:35

Wan li Geliyê Ben-Hînnomê bilindciyên perizînê yên Baal çêkirin ku kur û keçên xwe ji Molekê îlah re pêşkêş bikin. Min ev kirêtî li wan emir nekir. Di fikra min de jî derbas nebû ku bibe sedema gunehkirina gelê Cihûda.

Yêremya 19:5

Wan ji Baal re bilindciyên perizînê ava kirin ku zarokên xwe li ser êgir bikin qurban. Min tiştekî wiha li wan emir nekir. Min ev negot, di serê xwe re jî derbas nekir.’”

Yêremya 7:31

Wan li Tofeta li Geliyê Ben-Hînnomê, bilindciyên perizînê çêkirin. Wan xwest ku li wir kur û keçên xwe bikin qurban. Lê min ev yek li wan emir nekiribû. Di hişê min de jî derbas nebûbû.’”

Dubarekirina Şerîetê 17:3

ango kesê here ba îlahan û li ber wan çok bide –çi roj, çi heyv, an jî çi nexşên ezmanan bin ku min ew li wan qedexe kiriye–

Dubarekirina Şerîetê 4:2

Wan emrên ku ez didim we, ne tiştekî jê kêm bikin, ne jî tiştekî zêde bikin. Divê hûn emrên Xwedayê xwe Xudan pêk bînin ku ez li we emir dikim.

Derketin 40:27

û li serê bixûra bêhnxweş pêxist, çawa ku Xudan lê emir kiribû.

Derketin 38:3

Wî hemû taximên gorîgehê; sîtil, bêr, tasik, sêgoyên goşt û tepsikan, ji tûnc çêkirin.

Derketin 37:29

Wî bi hosteyî rûnê pîroz û bixûra xas a bêhnxweş çêkir.

Derketin 31:11

rûnê kifşkirinê û bixûra bêhnxweş a ji bo Cihê Pîroz, bi awayê ku min li te emir kiriye, çêkin.”

Padîşah I, 18:38

Agirê Xudan daket û qurbana şewitandinê, êzingan, keviran û axê daqurtandin. Wî ew qedandin û ava di çalê de jî ziwa kir.

Derketin 8:27

Emê sê rojan di beriyê re herin û emê ji Xwedayê xwe Xudan re, çawa ku li me emir kiriye qurbanan serjê bikin.”

Hejmartin 4:18

“Binemalên Qohatiyan ji nav eşîra Lêwî kêm nebin.