Îşaya 7:18 - Kurmanji Încîl

¹⁸ “Wê rojê wê Xudan bi fîkîn gazî mêşên çavkaniyên çemên Misrê û mozên axa Aşûrê bike.

Îşaya 7:18 Referans Kwoze

Îşaya 5:26

Xudan wê ji bo miletên dûr alekê biçikîne Ji bo ku ji binê dinyayê gazî wan bike, bifîkîne. Wê zûka, bi lez û bez werin.

Îşaya 31:1

Wey li wan ku ji bo alîkariyê diçin Misrê, Xwe dispêrin hespan. Ji ber ku pir in, bi erebeyên hespan, Ji ber ku pir hêzdar in, bi siwaran ewle ne. Lê li Pîrozê Îsraêl nanêrin, Li Xudan nagerin.

Yêşû 24:12

Min ji pêşiya we mozebeş şandin û wan herdu padîşahên Amoriyan ji ber we qewitandin. Ev yek bi şûr û kevanê we çênebû!

Dubarekirina Şerîetê 7:20

Herwiha, heta ku her kesê xwe ji we veşartiye û li paş maye tune be, wê Xwedayê we Xudan dehşetê bişîne ser wan.

Dubarekirina Şerîetê 1:44

Amoriyên li herêma çiyayî diman li dijî we rabûn. Wan wekî mozan ji herêma Seîrê heta bajarê Hormayê da pey we û hûn têk birin.

Îşaya 13:5

Xudan û çekên xezeba wî Ji diyarekî dûr, Ji binê ezmanan tên Ku tevahiya welêt xera bikin.

Îşaya 7:17

“Wê Xudan rojên wisa bîne serê te, serê gelê te û serê mala bavê te ku ji roja Efrayîm ji Cihûdayê veqetiyaye û heta niha, tiştekî wiha nehatiye dîtin. Padîşahê Aşûrê wê bir ser we de bê.

Zebûr 118:12

Wek mêşên hingiv dor li min pêçan, Wek agirê pûş tefiyan; Ezê wan bişikênim bi navê Xudan.

Derketin 8:24

Xudan wiha kir. Wî gelek kermoz şandin ser qesra Firewn û malên karmendên wî. Seranserê welatê Misrê ji ber kermozan xera bû.

Derketin 8:21

Heke tu nekî, ezê kermozan bişînim ser te, karmendên te, gelê te û nav malên te. Wê malên Misriyan û axa li ser dijîn bi kermozan tije bibin.

Dubarekirina Şerîetê 28:49

“Wê Xudan ji dûrî, ji binê dinyayê miletekî ku tu ji zimanê wî fêm nakî, wekî teyrê baz bi ser te de bîne.

Zekeriya 10:8

“Ezê bifîkînim û wan bidim hev, Çimkî ezê wan rizgar bikim. Wê wekî berê zêde bibin.

Zebûr 105:31

Bi fermana Xudan, derketin keriyên mêşan, Li seranserê welat kermêş belav bûn.