Îşaya 3:10 - Kurmanji Încîl

¹⁰ Ji yên rast re bêjin, wê qencî bi wan bibe. Çimkî wê berê kirinên xwe bixwin.

Îşaya 3:10 Referans Kwoze

Îbranî 6:10

Çimkî Xwedê ne bê dadperwerî ye ku kirinên we, xizmeta ku we ji pîrozan re kiriye û hûn dikin û ew hezkirina ku we ji bo navê wî nîşan daye, ji bîr bike.

Waiz 8:12

Kesê gunehkar sed caran xerabiyê bike û rojên xwe dirêj bike jî, dîsa ez baş dizanim ku wê qencî bi yên ku ji Xwedê ditirsin bibe. Çimkî ew bi tirs li pêş wî disekinin.

Melaxî 3:18

Hûnê dîsa ferqa di navbera kesên rast û xerab de fêm bikin. Hûnê hay ji wan kesan hebin ku xulamiya Xwedê dikin an na.”

Sefanya 2:3

Tevahiya nefsbiçûkên welêt Yên ku bi rê û rêbazên Xudan dikin, Li Xudan bigerin! Li edaletê bigerin, Li nefsbiçûkiyê bigerin. Dibe ku di roja hêrsa Xudan de Hûn bên parastin.

Yêremya 15:11

Xudan got: “Bêguman ezê te ji bo qenciyê azad bikim, Di dema bela û tengasiyê de, Dijminan li ber te bidim lavakirin.

Destpêk 18:25

Dûrî te be ku tu wiha bikî û tu kesê rast jî bi kesê xerab re bikujî û rast bibin wekî xerab! Ma dadgerê tevahiya dinyayê ya rast neke?”

Derketin 1:20

Xwedê qencî bi pîrikan kir. Her ku çû gel zêde û xurt bû.

Dubarekirina Şerîetê 12:25

Hûnê xwînê nexwin û ji ber ku hûn tiştê di çavê Xudan de rast e dikin, wê qencî bi we û zarokên we yên li pey we bên, bê kirin.

Zebûr 58:11

Hingê wê mirov bêjin: «Rast e, perrûya yê rast heye, Rast e, Xwedayek ku dinê dadbar dike heye.»

Methelokên 12:14

Mirov bi berê devê xwe ji qenciyê têr dibe, Bi karê destê xwe jî heqê xwe distîne.

Methelokên 13:21

Xerabî dide pey gunehkaran, Lê qencî dibe xelata rastan.

Methelokên 18:21

Jiyan û mirin di destê zimên de ye, Kesên jê hez dikin, wê ji berê wî bixwin.

Îşaya 54:17

Tu çekeke ku li dijî te bê çêkirin Wê bi kêr neyê. Hemû zimanê ku di dadbarkirinê de li dijî te rabe Tê sûcdar derînî. Ev e mîrasa kesên ji Xudan re xulamiyê dikin, Rûspîtiya wan ji min e.” Ev e gotina Xudan.

Yêremya 7:23

Lê min ev li wan emir kir û got: Hûn guhdariya dengê min bikin û ezê bibim Xwedayê we, hûnê jî bibin gelê min. Di hemû riyên ez li we emir dikim de bimeşin ku qencî bi we bibe.

Yêremya 21:14

“‘Ezê we li gorî berê karê we ceza bikim.’” Ev e gotina Xudan. “‘Ezê li daristana bajêr agirekî wisa pêxim Ku hemû derdora wî dadiqurtîne.’”

Yêremya 22:15

“Qey tu bi berebaziya gelek darên sedrê, Xwe padîşah dihesibînî? Ma bavê te xwar, vexwar Û rastî û edalet pêk neanî? Loma qencî pê hat kirin.

Mîxa 7:13

Lê ji ber xerabiyên şêniyên wir, Wê welatên wan wêran bibin.

Methelokên 10:6

Li ser serê kesê rast bereket dibare, Lê devê xeraban zordariyê vedişêre.

Lûqa 19:19

Û ji vî re jî got: ‹Tu jî li ser pênc bajaran bibe serwer.›