Îşaya 2:6 - Kurmanji Încîl

⁶ Ya Xudan, te gelê xwe, Mala Aqûb berda. Çimkî dilê wan bi baweriyên ji rojhilat tên tije bû. Ew jî wek Filîstiyan bû sêrbaz Û tevî zarokên xerîban dest dane hev.

Îşaya 2:6 Referans Kwoze

Romayî 11:20

Erê, rast e. Ew ji ber bêbaweriya xwe hatin birrîn, lê belê tu bi baweriyê disekinî. Îcar pozbilind nebe, lê bitirse.

Padîşah II, 1:2

Ahazyayê Padîşahê Îsraêlê, li Sameryayê li odeya jorîn a qesra xwe, ji şibakeya bi çarçoveyên çaxkirî ket û birîndar bû. Wî qasid şandin û ji wan re got: “Herin ji Baal-Zevûvê îlahê Eqronê bipirsin, gelo ezê ji vê birînê baş bibim an na?”

Lavijên Şînê 5:20

Tu çima herdem me ji bîr dikî? Ji bo çi demeke dirêj terka me dikî?

Yêremya 10:2

Xudan wiha dibêje: “Riya miletan hîn nebin Û li ber nîşanên ezmanan neşikên. Çimkî milet li ber wan dişikên.

Îşaya 8:19

Heke hinek ji we re bêjin: “Bi sêrbaz û ruhan bişêwirin ku dikin pistepist û mirînî,” ji wan re bêjin: “Ma hewce nake ku miletek ji Xwedayê xwe şîreta bixwaze? Mirov qet ji bo zindiyan bi miriyan dişêwire?”

Methelokên 6:1

Lawo, heke tu ji cîranê xwe re bûyî kefîl, Heke te destê xwe dabe xerîbekî,

Zebûr 106:35

Belê bi miletan re ketin nav hev, Û karên wan hîn bûn.

Nehemya 13:23

Di wan rojan de min hinek Cihû dîtin ku jinên Aşdodî, Emmonî û Moavî ji xwe re anîne.

Dîrok I, 10:13

Bi vî awayî Şawûl ji ber nedilsoziya xwe mir. Ew bi Xudan re nedilsoz bû û gotina Xudan pêk neanî. Bi ser de jî, ji bo riyekê nîşanî wî bide, wî şêwra xwe bi cinbazekê kir.

Hejmartin 23:7

Wî ev mesele got: “Balaq ez ji Aramê, Padîşahê Moavê ez ji çiyayên rojhilat anîm. Wî got: ‘Were ji bo min naletê li ziriyeta Aqûb bîne. Were li gelê Îsraêl nifiran bike.’

Lêwiyî 20:6

“‘Her kesê ku berê xwe bide cinbazan û kesê bi ruhan dişêwire, bi vî awayî bêbextî dike. Ezê bi hêrs berê xwe bidim wan û ji nav gelê xwe bavêjim.

Lêwiyî 19:31

“‘Berê xwe nedin cinbazan û kesên bi ruhan dişêwirin. Li wan negerin. Bila ew we qirêj nekin. Xwedayê we Xudan ez im.

Derketin 34:16

Tê keçên wan ji kurên xwe re neyînî. Çimkî gava keçên wan biperizin pûtên xwe, wê bikin ku kurên te bêbextî bikin û bi wan re biperizin pûtên wan.

Derketin 22:18

“Tê jinika sêrbaz sax nehêlî.

Samûêl I, 6:2

Filîstiyan gazî kahin û falbazan kir û got: “Em çi ji Sindoqa Xudan bikin? Ka ji me re bêjin, em çawa vegerînin?”

Îşaya 14:29

“Gelî Filîstîno! Ji ber darê li we dixist şikest Qet şa nebin! Çimkî ji koka mar, Wê koremar derkeve. Rawê wî jî tîremar be.

Yêremya 12:7

“Min dev ji mala xwe berda, Mîrasa xwe red kir. Min hezkiriya dilê xwe da destê dijminên wê.

Mîxa 5:12

Ezê sêrbaziyê ji nav destên we rakim, Wê di nav we de falbaz nebin.

Sefanya 1:8

Di roja qurbana Xudan de, Ezê tevahiya serekan û kurên padîşah, Tevî hemû kesên li gorî kevneşopiyên xerîban diçin ceza bikim.

Padîşah II, 17:20

Xudan tevahiya ziriyeta Îsraêl red kir. Heta ku ji hizûra xwe bavêje, ew ceza kir û da destê talankaran.

Mîxa 5:11

Ezê bajaran ji nav welatê we rakim Û tevahiya sûrên we hilweşînim.