Îşaya 19:11 - Kurmanji Încîl

¹¹ Serekên Soanê çiqas ehmeq in, Şêwirmendên Firewn ên şehreza, Şîretên bêhişan dikin. Hûn çawa ji Firewn re dibêjin: “Ez kurê şehreza me, Ez kurê padîşahên berê me?”

Îşaya 19:11 Referans Kwoze

Hejmartin 13:22

Herwiha wan Negevê derbas kir û hatin Hevrona ku ji binemalên Enaqiyan; Ahîman, Şêşay û Talmay li wir diman. –Hevron heft sal beriya Bajarê Soanê hatibû avakirin ku ew bajar li Misrê bû.–

شُله رسولا 7:22

Mûsa di hemû şehrezayiya Misriyan de hat perwerdekirin, di gotinên xwe û di kirinên xwe de hêzdar bû.

Îşaya 30:4

Tevî ku serekên wan li Soanê bûn Û qasidên wan gihîştibûn Hanêsê jî,

Zebûr 78:43

Çawa li Misirê elamet nîşanî wan dida, Li deşta Tsoanê karên nedîtî dikir.

Padîşah I, 4:30

Şehrezayiya Silêman, ji tevahiya şehrezayiya rojhilatiyan û ji tevahiya şehrezayiya li Misrê zêdetir bû.

Zebûr 78:12

Li diyarê Misirê, li deşta Soanê, Wî li pêş bav û kalên wan, karên nedîtî kir.

Yêremya 49:7

Li dijî Edomê: Xudanê Karîndar wiha dibêje: “Gelo êdî li Têmanê şehrezayî tuneye?! Ma şîreta fêmdaran qediya? Şehrezayiya wan qels bû?

Yêremya 10:21

Çimkî şivan ehmeq in û şêwra xwe bi Xudan nakin. Loma karên wan bi ser neket Û hemû keriyên wan belav bûn.

Yêremya 10:14

Her kes ehmeq û nezan e. Her zêrker ji ber pûtên xwe şerm dike, Çimkî pûtên wî yên rijandî derew ne, Hilma wan tuneye.

Îşaya 44:25

Yê ku nîşanên derewkaran vala derdixe, Yê ku tinazên xwe bi falbazan dike, Yê ku şehreza bi şûn ve dişîne, Yê ku zanabûna wan dike bêaqilî,

Îşaya 29:14

Loma ezê careke din kerametan nîşanî vî gelî bidim, Erê ezê karekî nûwaze û matmayî bikim. Wê şehrezabûna şehrezayan nemîne Û fêmdariya fêmdaran bê veşartin.”

Îşaya 19:13

Serekên Soanê bûn wekî ehmeqan, Serekên Memfîsê xapiyan. Kevirên serê riknên eşîrên Misrê, Ew ji rê derxist.

Îşaya 19:3

Wê ziravê Misriyan biqete, Ezê şêwra wan tevlihev bikim. Wê ji pûtan, ji ruhên miriyan, Ji cinbaz û kesên bi ruhan dişêwirîn bipirsin.

Methelokên 30:2

Bi rastî, ez ji her kesî sexiktir im, Fêmdariya mirovan li ba min tuneye!

Zebûr 92:6

Zilamê evdal nizane, Û yê ehmaq, vê fêm nake.

Zebûr 73:22

Heçî ez im, bêaqil û nezan, Li pêşberî te ez bûm mîna heywan.

Zebûr 33:10

Xudan xera dike şêwra miletan, Vala dertîne fikrên gelan.

Eyûb 12:17

Ew şêwirmendan pêxwas dişîne Û dadgeran dîn dike.

Yêremya 8:9

Şehreza şermezar bûn Û hat şikandin û desteserkirin. Va ye wan gotina Xudan red kir, Ka çi şehrezayî li ba wan heye?

Yêremya 46:17

Wê li wir ji Firewnê Padîşahê Misrê re bêjin: ‘Zirtoyê ku fersend ji dest da.’”

Ovadya 1:7

Hemû peymangirên te, Wê te ji axa te bajon. Mirovên tu bi wan ewle yî, Wê te bixapînin û zora te bibin. Kesên nanê te xwarin, Wê dafikan deynin pêşiya te. Lê wê haya te jî jê tunebe.”

Derketin 8:4

Wê beq werin ser te, hemû karmendên te û gelê te.’”

Derketin 8:14

Lod bi lod beq civandin û bêhn ket welêt.

Padîşah I, 5:10

Hîram li gorî her daxwaza wî, dara sedrê û dara çamê da Silêman.

Ovadya 1:8

Gotina Xudan ev e: “Wê rojê ezê şehrezayên li Edomê, Zanayên li çiyayên Esaw tune bikim.