Îşaya 16:2 - Kurmanji Încîl

² Çawa çivîk baskên xwe dihejînin, Çawa ji hêlîna xwe têne belavkirin, Keçên Moavê jî wê di bihorên Arnonê de wisa bin.

Îşaya 16:2 Referans Kwoze

Methelokên 27:8

Mirovê welatê xwe hiştî, Wekî çivîka ji hêlîna xwe averê bûye.

Dadger 11:18

“‘Ew di beriyê re, di dora welatên Edom û Moavê re derbas bûn, gihîştin rojhilatê welatê Moaviyan û li aliyê din ê Geliyê Arnonê kon vedan. Ew neketin welatê Moavê, çimkî Geliyê Arnonê sînor bû.

Yêremya 48:20

Moav şikest loma şermezar bû, Bikin hewar û zarîn! Wêranbûna Moavê li Geliyê Arnonê bidin bihîstin!

Îşaya 13:14

Wekî xezala tê nêçîrkirin, Wekî miyên tu kes wan bide hev tuneye, Wê herkes berê xwe bide gelê xwe, Wê herkes bireve welatê xwe.

Yêşû 13:16

Sînorê wan ji Eroêra ku li keviya Geliyê Arnonê bû destpê dikir, bajarê di nava beriyê de digirt nav xwe, hemû beriya ku li dora Mêdevayê bû,

Dubarekirina Şerîetê 3:12

“Ji welatê ku me wê demê wekî milk mîras stand, min bakurê bajarê Eroêra ku nêzîkî Geliyê Arnonê bû, nîvê herêma çiyayî ya Gîladê û bajarên wê derê dan eşîrên Gad û Rûbên.

Dubarekirina Şerîetê 3:8

“Me ji Geliyê Arnonê heta Çiyayê Hermonê, axa dikeve rojhilatê Çemê Şerîayê ji destê du padîşahên Amorî derxistin.

Dubarekirina Şerîetê 2:36

Ji Eroêra li keviya Geliyê Arnonê heta bajarê Gîlada ku di gelî de bû, tu bajarekî zor û zehmet nema ku me nestand. Xwedayê me Xudan hemû danîn ber me.

Hejmartin 21:29

Ya Moav, wey li te! Ya gelê Kemoşê îlah, tu tune bûyî! Wî kurên te kirin firar Û keçên te kirin dîlên Sîhonê Padîşahê Amoriyan.

Padîşah II, 3:4

Mêşayê Padîşahê Moavê, xweyê keriyên pêz bû. Neçar bû ku her sal sed hezar berx û hiriya sed hezar beranan bida Padîşahê Îsraêlê.

Methelokên 26:2

Çawa ku çivîk divirvire û hechecik difire, Wisa jî nifira neheq pêk nayê.

Yêremya 48:9

Xwê li ser axa Moavê bireşînin ku bêber be. Wê bajarên wê wêran û bêkes bin.

Yêremya 48:46

Ya Moavîno! Wey li we! Gelê Kemoş tune bû. Çimkî kurên te sirgûn, keçên te jî êsîr bûn.