Îşaya 15:2 - Kurmanji Încîl

² Mala Dîvon rabû, Ji bo girînê çû bilindciyên perizînê. Moav li ser Nebo û Mêdevayê dike zarîn, Her kes porê xwe, rihê xwe kur dike.

Îşaya 15:2 Referans Kwoze

Yêremya 48:1

Li dijî Moavê: Xwedayê Îsraêl Xudanê Karîndar wiha dibêje: “Wey li Neboyê! Wê wêran bibe. Wê Qîryatayîm şermezar be û bikeve dest, Wê birc şermezar bin û bişikên.

Lêwiyî 21:5

“‘Gava kahin şînê dikin, wê xwe kur nekin, keviyên rihê xwe kur nekin û bedena xwe birîndar nekin.

Yêremya 48:18

“Ya şêniyên Dîvona keç! Ji bilindbûnê dakevin, li axa ziwa rûnin! Çimkî wê xerabkarê Moavê Li dijî we jî rabe û sûrên we hilweşîne.

Îşaya 3:24

Wê di şûna bêhna xweş de bêhna pîs, Di şûna piştênkê de benik, Di şûna lûrelûra keziyan de serê keçel, Di şûna cil û bergên bixemil de çûx, Di şûna bedewiyê de daxkirin hebe.

Dubarekirina Şerîetê 34:1

Piştre Mûsa ji deştên Moavê hilkişiya Çiyayê Neboyê û derket serê Pîsgayê ku li pêşberî Erîhayê ye. Xudan tevahiya welêt nîşanî wî da; ji welatê Daniyan heta Gîladê,

Hejmartin 21:30

Ji Heşbonê heta Dîvonê me ew têk birin, Me heta Nofaha digihîje Mêdevayê wêran kir.”

Yêremya 48:31

Loma ezê ji bo Moavê bikim zarîn, Erê, ji bo tevahiya Moavê bikim hewar Û ji bo gelê Qîr-Herasetê şînê bikim.

Yêremya 47:5

Wê Xeza rût û Aşqelon bêdeng be. Ya saxmayiyên deştê! Hûnê heta kengê bedena xwe birîndar bikin?

Yêremya 7:29

“‘Ya Orşelîm! Porê xwe kur bike û bavêje, Li ser bilindciyên rût û tazî lavijeke şînê bibêje. Çimkî Xudan nifşê ku xezeba wî rakir, red kir û berda.’”

Îşaya 22:12

Wê rojê Reb Xudanê Karîndar, Gazî we kir ku hûn bigirîn, Li xwe bixin, porê xwe kur bikin Û çûx li xwe bikin.

Îşaya 16:12

Wê Moav hilkişe Bilindciyê perizînê xwe biwestîne, Ji bo duakirinê bikeve pîrozgehê. Lê hemû pûç û vala ye!

Îşaya 16:7

Loma wê Moavî bikin zarîn, Wê hemû ji xwe re bikin zarîn. Wê ji bo bastîqên tirî yên Qîr-Herasetê, Bi hewareke şewat şînê bikin.

Îşaya 15:3

Di kuçeyan de çûx li xwe dikin. Li serban û meydanan, Zarîna hemûyan, lehiya hêsiran.

Îşaya 14:31

De bizare dergeho! De biqîre bajaro! Filîstîno, hûn tev bihelin! Çimkî ji bakur dû bilind dibe Û di nav leşkerên wir de serberdayî tuneye.

Eyûb 1:20

Eyûb rabû, xiftanê xwe çirand û porê xwe kur kir. Ew ket erdê û perizî

Dubarekirina Şerîetê 14:1

“Hûn kurên Xwedayê xwe Xudan in. Hûnê ji bo miriyan bedenên xwe birîndar nekin û mûyên di navbera herdu birûyên xwe de hilnedin.

Hejmartin 32:38

Nebo, Baal-Meon –hinek nav hatin guhertin– û Sîvma. Wan navên nû li bajarên ku çêkirin danîn.

Hejmartin 32:3

“Etarot, Dîvon, Yazêr, Nîmra, Heşbon, Êlele, Sevam, Nebo û Beon

Lêwiyî 13:40

“Heke porê zilamekî weşiyabe, ev kes serût e û ew paqij e.

Hejmartin 21:28

Çimkî ji Heşbonê agir, Ji bajarê Sîhonê pêt rabû. Wî bajarê Erê yê Moavê Û xweyên bilindciyên Arnonê daqurtandin.

Samûêl II, 10:4

Li ser vê yekê, Hanûn xulamên Dawid desteser kirin û nîvên rihên wan qusandin. Kirasên wan heta qorikê birîn û ew şandin.

Yêremya 3:21

Ji ser bilindciyên rût û tazî dengek tê bihîstin, Girî û lavakirina gelê Îsraêl. Çimkî ew ji riya xwe xwarovîçko bûn. Wan Xwedayê xwe Xudan ji bîr kir.

Yêremya 47:2

Xudan wiha dibêje: “Va ye av ji bakur bilind dibe, Wê bibe lehiya ku dide ber xwe û dibe! Wê bi ser welêt û her tiştê tê de, Bi ser bajêr û şêniyên wî de were. Wê mirov bikin hewar, Wê hemû şêniyên welêt bizarin.

Yêremya 48:35

Ezê dawiya kesên li Moavê bînim Ku li ser bilindciyan pêşkêşiyan didin Û ji îlahên xwe re bixûrê pêdixin.” Ev e gotina Xudan.

Amos 8:10

Ezê cejnên we bikim şîn, Hemû stranên we bizivirînim lavijên şînê. Wê çûx li her navtengê bê pêçan Û porê her serî bê kurkirin. Ezê wê rojê bikim şîna kurê yekta Û dawiya we bikim roja tehl.”

Dîrok I, 19:4

Li ser vê yekê, Hanûn xulamên Dawid desteser kirin, rihên wan qusandin, kirasên wan heta qorikê birîn û ew şandin.

Yêremya 49:3

“Ya Heşbon, bizare! Bajarê Ayê wêran bû. Ya keçên Rabbayê, bikin hewar! Çûx li xwe bikin û şînê bikin, Li nav sûrên xwe virde wêde diçin û tên. Çimkî wê Molek bi kahin û karmendên xwe re here sirgûnê.