Îbranî 11:13 - Kurmanji Încîl

¹³ Evên ha hemû di baweriyê de mirin. Ew negihîştin sozên ku hatibûn dayîn, lê belê ew ji dûr ve dîtin û silav li wan kirin; wan eşkere kir ku ew li ser rûyê erdê xerîb û mêvan in.

Peymana Nû (Încîl)

¹³ Ev hʼemû jî ku bawerîyêda mirin, lê sozêd Xwedê nestandin. Ewana tʼenê ew soz dûrva dîtin, şa bûn û xwe mukurʼ hatin, ku ew merîne xerîb û firarî ne li ser dinê.

Пәймана Ну (Инщил)

¹³ Әв һʼәму жи кӧ баԝәрийеда мьрьн, ле созед Хԝәде нәстандьн. Әԝана тʼәне әԝ соз дурва дитьн, ша бун у хԝә мӧкӧрʼ һатьн, кӧ әԝ мәринә хәриб у фьрари нә ль сәр дьне.

کتاب مقدس به زبان کردی شیکاکی

¹³ اَونَ همو ناو ایمانه دا مِرِن، به هِنده گو گَهَشته بِنَ اَو دِشده هاتی وَعدَ دایین، بَلگو اَوان تِنه دوروَدا، اَو دیته بون و سِلاو دابونَ وان. اَوان اینانَ اَزمان گو سَر رویه عَردی غَریب و به کَس بون.

Îbranî 11:13 Referans Kwoze

Îbranî 11:27

Bi baweriyê, ew ji Misrê derket û ji hêrsa padîşah netirsiya. Çimkî wî, wek yê ku nayê dîtin dîtibe, tengahî radigirt.

Zebûr 39:12

«Dua min bibihîze ya Xudan, Goh bide feryada min, Bêdeng nemîne li hêstirên çavê min! Çimkî ez xerîb im li ba te, Wek bav û kalên xwe, mêvan im li ber te.

Destpêk 23:4

“Ez di nav we de mêvan û xerîb im. Milkekî bifiroşin min ku ez bikim goristan. Ezê miriya xwe lê veşêrim.”

Yûhenna 8:56

Bavê we Birahîm bi hêviya ku wê roja min bibîne gelek şa bû; wî ew dît û dilgeş bû.»

Îbranî 11:39

Îcar bi ser ku ew hemû bi baweriyê hatin erêkirin jî, ew negihîştin tiştên ku hatibûn sozdan.

Efesî 2:19

Îcar êdî hûn ne xerîb û biyanî ne, lê belê hûn hemwelatiyên pîrozan û maliyên Xwedê ne.

Romayî 8:24

Çimkî em bi hêviyê xilas bûn. Lê hêviya ku tê dîtin, ne hêvî ye. Ma tiştê ku mirov dibîne çawa hêvî dike?

Petrûs I 2:11

Hezkirîno, ez ji we hêvî dikim ku hûn xwe ji xwestekên nefsî yên ku li hember can şer dikin, dûr bixin, ji ber ku hûn li vê dinyayê xerîb û mêvan in.

Petrûs I 1:17

Eger hûn ji yê ku cihêtiyê naxe nav mirovan û her kesî li gor kirina wî dîwan dike re, dibêjin Bav, dema xwe ya xerîbiyê ya li ser dinyayê bi tirsa Xwedê derbas bikin.

Romayî 4:21

Ew tam piştrast bû, soza ku Xwedê daye ew dikare bike jî.

Eyûb 19:25

Ez dizanim ku rizgarkarê min zindî ye, Wê di dawiyê de li ser erdê bisekine.

Destpêk 49:18

“Ez li benda rizgariya te me, ya Xudan!

Destpêk 47:9

Aqûb ji Firewn re got: “Salên min ên xerîbiyê sed û sî ne. Salên min zû û zor derbas bûn. Bi qasî salên bav û kalên min ên xerîbiyê dom nekir.”

Destpêk 25:8

Îbrahîmê kalbûyî û ji jiyanê têrbûyî di emrekî dirêj de, ruhê xwe da, mir û gihîşt pêşiyên xwe.

یوحنا 1 3:19

Û bi vê yekê emê bizanin ku em ji rastiyê ne û li ber wî emê dilê xwe rihet bikin.

Metta 13:17

Bi rastî ez ji we re dibêjim, gelek pêxember û mirovên rast, dixwestin van tiştên ku hûn dibînin bibînin, lê nedîtin. Dixwestin van tiştên ku hûn dibihîzin bibihîzin, lê nebihîstin.

Destpêk 49:33

Çaxê ku Aqûb fermana ku li kurên xwe dikir qedand, wî lingên xwe kişandin nav nivîna xwe, ruhê xwe da û gihîşt pêşiyên xwe.

Zebûr 119:19

Ez mêvan im li vê dinê, Tu emrên xwe ji min veneşêre!

Hejmartin 24:17

‘Ez wî dibînim, lê ne niha. Ez lê dinêrim, lê ne nêzîk. Wê ji nav Aqûb stêrek derkeve, Wê ji nav Îsraêl serwerek rabe. Wê eniya Moaviyan, Wê serê ziriyeta Şêtiyan biperçiqîne.

Destpêk 49:10

Serwer gava werê, Wê milet li ber wî serî deynin, Wê gopalê serweriyê ji destê Cihûda dernekeve Û serwerî ji ziriyeta wî neçe.

Yûhenna 12:41

Îşaya weha gotiye, çimkî wî rûmeta Îsa dîtiye û li ser wî peyiviye.

Destpêk 50:24

Ûsiv ji birayên xwe re got: “Ez li ber mirinê me. Lê bêguman wê Xwedê were alîkariya we û we ji vî welatî bibe wî welatê ku ji Îbrahîm, Aqûb û Îshaq re soza wê dabû.”

Destpêk 49:28

Duwanzdeh eşîrên Îsraêl ev in. Çaxê bavê wan ew pîroz kirin, wî ev li ser wan got. Wî li gorî her yekî ew pîroz kirin.

Destpêk 48:21

Paşê Îsraêl ji Ûsiv re got: “Va ye, ez li ber mirinê me, lê wê Xwedê bi we re be û we bizivirîne welatê bav û kalên we.

Derketin 2:22

Sîpporayê kurek anî. Mûsa navê wî Gêrşom danî û got: “Çimkî ez li welatekî din bûm xerîbek.”

Lêwiyî 25:23

“‘Wê tu perçeyê welêt tu caran heta hetayê neyê firotin, çimkî ya min e û hûn xerîb û mêvanên li ba min in.

Korîntî II, 4:18

Îcar em ne li tiştên ku tên dîtin, lê belê li yên ku nayên dîtin dinêrin. Çimkî yên ku tên dîtin ji bo demekê ne, lê belê yên ku nayên dîtin herheyî ne.

Korîntî II, 5:6

Loma em hergav ewle ne û em dizanin heta ku em di bedenê de ne, em ji Xudan dûr in.

Îbranî 11:14

Yên ku tiştên weha dibêjin, kifş dikin ku ew li welatekî digerin.

Îbranî 11:17

Gava ku Birahîm hat ceribandin, bi baweriyê wî Îshaq pêşkêş kir. Wek yekî ku sozên Xwedê standiye, kurê xwê yê yekta pêşkêş dikir.

Petrûs I 1:1

Ji Şandiyê Îsa Mesîh Petrûs, ji xerîbên belavbûyî yên li herêmên Pontos, Galatya, Kepedokya, Asya û Bîtînyayê re,

Destpêk 21:34

Îbrahîm demeke dirêj bi xerîbî li welatê Filîstiyan ma.

Hejmartin 10:30

Hovav jê re got: “Ez nayêm, ezê vegerim welatê xwe ba merivên xwe.”