Îbranî 10:11 - Kurmanji Încîl

¹¹ Her kahîn roj bi roj radibe, xizmetê dike û gelek caran eynî goriyên ku qet nikarin guneh rakin, pêşkêş dike.

Peymana Nû (Încîl)

¹¹ Her kʼahînek, her rʼoj nava xizmetkʼarîya xweda ye û gelek cara xût wan qurbana dide, kʼîjanêd ku tʼu car nikarin guna rʼesît kin.

Пәймана Ну (Инщил)

¹¹ Һәр кʼаһинәк, һәр рʼож нава хьзмәткʼарийа хԝәда йә у гәләк щара хут ԝан ԛӧрбана дьдә, кʼижанед кӧ тʼӧ щар нькарьн гӧна рʼәсит кьн.

کتاب مقدس به زبان کردی شیکاکی

¹¹ هر کاهینَگ، همو رُژه دِرابیت و هَمَن وان قُربانیه گو چه جارا نِگارِن گُنَها راگَن، سَریگ پِشکِش دِگَت.

Îbranî 10:11 Referans Kwoze

Îbranî 10:4

Çimkî xwîna conega û nêriyan nikare gunehan rake.

Îbranî 5:1

Her Serokkahîn ji nav mirovan tê bijartin û ji bo wan li ser tiştên ku li ber Xwedê tên kirin, tê danîn, da ku ji bo gunehan diyarî û goriyan pêşkêş bike.

Hejmartin 28:3

Tê ji wan re bibêjî: ‘Pêşkêşiya şewitandinê ya ku hûnê pêşkêşî Xudan bikin ev e: Ji bo qurbana şewitandinê ya rojane, hûnê her roj du berxên nêr ên yeksalî û bêqisûr pêşkêş bikin.

Îbranî 7:27

Ji wî re nediviya ku ew her roj wek Serokkahînan, pêşî di ber gunehên xwe de û piştre di ber gunehên gel de goriyan pêşkêş bike. Çimkî çaxê ku xwe bi xwe pêşkêş kir, ev yek bi carekê anî cih.

Îşaya 1:11

Xudan dibêje: “Min çi ji zêdebûna qurbanên we ye? Ez ji qurbanên şewitandinê yê beranan Û ji bezê golikên dermalekirî têr bûme. Xwîna conega, berx û nêriyan ne bi dilê min in.

Îbranî 10:1

Şerîet ne xuyabûna rastîn a tiştên qenc ên ku wê bên, lê bi tenê siya wan e. Ji ber vê yekê Şerîet tu caran nikare bi wan eynî goriyên ku hergav sal bi sal tên pêşkêşkirin, wan ên ku nêzîk dibin, bigihîne bêkêmahîtiyê.

Daniyêl 12:11

“Ji dema ku pêşkêşiya rojane hat rakirin û tiştê kirêt ê ku di şûna wê de hat danîn vir ve wê 1.290 roj derbas bibin.

Daniyêl 11:31

“Wê leşkerên wî herin Pîrozgeh û kelehê biherimînin. Pêşkêşiya rojane rakin, tiştên herî kirêt ên xerabkirinê deynin.

Daniyêl 9:27

Wê bi gelek kesan re, ji bo heft deman peymaneke saxlem çêke. Lê piştî ku nîvê heft demê derbas bû, wê qurban û pêşkêşiyê rake. Heta biryara wêrankirinê, wê serekê wêranker tiştên kirêt deyne ser beşê jorîn ê Perestgehê.”

Daniyêl 9:21

Gava min dua dikir, kesê ku min berê di dîtiniya xwe de dîtibû, Cebraîl, di dema pêşkêşiya ber êvarê de bi lez firiya û hat ba min.

Daniyêl 8:11

Wî xwe bi qasî Pêşengê Artêşa Ezmanan mezin kir. Pêşkêşiya rojane ya ji bo Xwedê hat rakirin. Pîrozgeh jî hat hilweşandin.

Hejmartin 29:6

Ji xeynî pêşkêşiya şewitandinê ya mehane û pêşkêşiya wê ya dexlê, pêşkêşiyên rojane û pêşkêşiya wê ya dexlê û pêşkêşiyên wan ên rijandinê, hûnê van pêşkêşiyan li gorî rêbazên wan pêşkêşî Xudan bikin ku bêhna wan xweş bin.

Hejmartin 28:24

Bi vî awayî hûnê her roj, xwarina pêşkêşiya şewitandinê ya ku bêhna wê bi Xudan xweş tê, heft rojan pêşkêş bikin. Ji xeynî wan jî hûnê qurbana şewitandinê ya rojane û pêşkêşiya wê ya rijandinê pêşkêş bikin.

Derketin 29:36

Ji bo paqijî û kefaretê, tê her roj wekî pêşkêşiya paqijiyê conegayekî pêşkêş bikî. Ji bo paqijkirina gorîgehê tê pêşkêşiya paqijiyê bidî û ji bo pîrozkirina wê jî tê rûn bikî.

Mîxa 6:6

Ez bi çi herim hizûra Xudan, Bi çi awayî li ber Xwedayê Jorîn herim ser çokan? Gelo ez bi qurbanên şewitandinê Û bi golikê yeksalî derkevim ber wî?

Îbranî 8:2

Ew karbidestê pîrozgehê, yanî konê rastîn e, ku ne mirovan, lê Xudan daniye.

Îbranî 8:4

Eger ew li ser dinyayê bûya, ew bi xwe nedibû kahîn, çimkî ji xwe yên ku li gor Şerîetê diyariyan pêşkêş dikin, hene.