Hejmartin 9:15 - Kurmanji Încîl

¹⁵ Roja ku mesken hat danîn, ewran meskên ango Konê Şahidiyê nixamt. Ji êvarê heta serê sibê di şiklê êgir de li ser meskên sekinî.

Hejmartin 9:15 Referans Kwoze

Derketin 13:21

Ji bo ku ew bikaribin bi şev û bi roj bimeşin, Xudan bi roj di nav stûneke ewran de li pêşiya wan diçû û bi şev jî di nav stûneke agirîn de li wan dikir ronahî.

Derketin 40:34

Ewr ser Konê Hevdîtinê nixamt û rûmeta Xudan mesken dagirt.

Zebûr 78:14

Bi roj wî bi ewran, Bi şev, bi ronahiya agir rê nîşanî wan da.

Nehemya 9:19

te bi rehma xwe ya mezin ew li beriyê nehiştin. Stûna ewran a ku bi rojê rê dida û stûna êgir ya ku bi şevê riya wan ronî dikir, ew bi tenê nehiştin.

Korîntî I, 10:1

Birano, ez naxwazim ku hûn ji vê yekê bêhay bin, ku bav û kalên me hemû di bin ewr de bûn û hemû di deryayê re derbas bûn

Îşaya 4:5

Wê Xudan her aliyê Çiyayê Siyonê û ser civînên wê derê nava rojê, bi ewr û dûyê, şevê jî bi şewqa pêta êgir biafirîne. Wê xêliyek li ser hemû rûmetê be.

Zebûr 105:39

Xudan ser wan bi ewr nixamt, Bi şev, riyên wan bi agir ronahî bûn.

Nehemya 9:12

Bi rojê bi riya stûna ewran û bi şevê bi riya stûna êgir te rê nîşanî wan da ku riya tê de bimeşin, ji bo wan ronî be.

Hejmartin 14:14

Wê vê yekê ji şêniyên welêt re eşkere bikin. “Ya Xudan, wan bihîst ku tu di nav vî gelî de yî. Çimkî tu rû bi rû xuya dibî, ewrê te li ser wan disekine û tu bi roj di nav stûna ewran de û bi şev di nav stûna êgir de rêve diçî.

Derketin 40:38

Çimkî di tevahiya rêwîtiya wan de, bi roj li ser meskên ewrê Xudan, bi şev jî êgir rê nîşanî tevahiya Mala Îsraêl dida.

Derketin 40:2

“Tê meskenê Konê Hevdîtinê di roja pêşî ya meha pêşî de çêkî.

Derketin 14:24

Di nobeta serê sibê de, Xudan ji stûna êgir û ewran li artêşa Misrê nêrî û ew kirin nav tirs û sawê.

Derketin 13:22

Bi roj stûna ewran, bi şev jî stûna êgir ji ber çavê wan winda nebû.

Hejmartin 10:34

Gava ji artêşgehê derketin, ewrê Xudan bi rojan li ser wan bû.

Hejmartin 17:7

Mûsa gopal li konê ku Sindoqa Şahidiyê lê ye danîn hizûra Xudan.

Dubarekirina Şerîetê 1:33

Ew Xwedayê ku ji bo cih ji konê we re bibîne da pêşiya we û bi şev di nav êgir de, bi roj jî di nav ewran de rêberiya we kir.

Derketin 40:35

Mûsa nikaribû biketa Konê Hevdîtinê, çimkî ewr li ser wê disekinî û rûmeta Xudan mesken tije kiribû.