Hejmartin 6:20 - Kurmanji Încîl

²⁰ Wê kahin wan wekî pêşkêşiya raberkirinê li hizûra Xudan raber bike. Ev singê raberkirî û hêta ku hat pêşkêşkirin para pîroz a kahin in. Piştre kesê xwe veqetandiye dikare şerabê vexwe.

Hejmartin 6:20 Referans Kwoze

Waiz 9:7

Tu here bi şahî nanê xwe bixwe û bi dilgeşî şeraba xwe vexwe. Çimkî Xwedê ji zû ve ji karên te razî maye.

Hejmartin 5:25

Wê kahin pêşkêşiya hesûdiyê ya dexlê ji destê wê bistîne, li hizûra Xudan bihejîne û bîne gorîgehê.

Yûhenna 19:30

Gava ku Îsa sihik vexwar, wî got: «Temam bû», serê xwe xwar kir û ruhê xwe da.

Marqos 14:25

Bi rastî ez ji we re dibêjim, êdî ez ji vî berê mêwê tu caran venaxwim, heta wê roja ku ez di Padîşahiya Xwedê de ji ya nû vexwim.»

Metta 26:29

Ez ji we re dibêjim: ‹Êdî ez ji vî berê mêwê tu caran venaxwim, heta wê roja ku ez di Padîşahiya Bavê xwe de bi we re ji ya nû vexwim.›»

Zekeriya 10:7

Wê Efrayîmî mîna mêrxasan bin, Çawa ku şerabê vexwaribin wê dilê wan şa be. Wê zarokên wan vê yekê bibînin û şa bin, Wê dilê wan bi Xudan geş be.

Zekeriya 9:17

Çimkî qencî û xweşiyên wî pir zêde ne! Wê xort bi dexil, Wê keç bi şeraba nû xurt bibin.

Zekeriya 9:15

Wê Xudanê Karîndar wan ji jorê biparêze. Wê gel dijminan bixwe, Wê bi kevirên berkaniyan têk herin. Çawa ku şerabê vexwaribin, Wê bikin orînî. Wekî tasa qurbanê tije, Çawa ku kujên gorîgehê tije dibin, Wê têr bibin.

Îşaya 35:10

Wê kesên Xudan rizgar kirine vegerin, Wê bi stranan werin Siyonê. Wê şahiya herheyî li ser serê wan be. Wê bigihîjin kêf û şahiyê, Wê nalîn û keder bireve û here.

Îşaya 25:6

Wê Xudanê Karîndar ji bo hemû gelan, Li vî çiyayî ziyafeteke xwarinên dewlemendan bide. Wê ziyafeta ji şerabên kevin, Ji xwarinên dewlemendan ên bi rûn tije, Ji şerabên dawerivandî yên kevin bide.

Hejmartin 18:18

Lê çawa ku sing û hêta rastê ya pêşkêşiya raberkirinê ji te re ne, wê goştê wan jî, ji te re be.

Lêwiyî 23:11

Wê kahin roja piştî Septê wî li hizûra Xudan bihejîne ku hûn bên qebûlkirin.

Lêwiyî 10:15

Singê hejandinê û hêta ku hat pêşkêşkirin bi bezê pêşkêşiyên şewitandinê re bînin û wekî pêşkêşiyên hejandinê li hizûra Xudan bihejînin. Çawa ku Xudan emir kiriye, wê ev her û her para te û kurên te bin.”

Lêwiyî 9:21

Çawa ku Mûsa emir kiriye, wî sing û hêta rastê wekî pêşkêşiya raberkirinê li ber Xudan raber kirin.

Lêwiyî 7:34

Min ji qurbanên aştiyê yên ku Îsraêlî pêşkêş dikin, singê pêşkêşiya raberkirinê û hêta ku wekî diyarî tê dayîn, wekî para gelê Îsraêl ya herheyî dan Harûnê Kahin û kurên wî.’”

Lêwiyî 7:31

Wê kahin bez li ser gorîgehê bişewitîne, lê wê sing para Harûn û kurên wî be.

Lêwiyî 7:30

Wê pêşkêşiya Xudan a şewitandinê bi destê xwe bîne. Wê bezê wê bi singê wê re bîne, sing bilind bike û pêşkêşî Xudan bike.

Lêwiyî 7:32

Hûnê hêta rastê yê qurbana xwe ya aştiyê wekî para wî bidin kahin.

Hejmartin 6:21

“‘Rê û rêbaza sozdana nezîriyê ev e. Divê pêşkêşiya wî ya Xudan li gorî sozdana nezîriyê be û heke jê were, dikare zêdetir jî bide. Divê li gorî rê û rêbaza nezîriyê, wê sozê pêk bîne.’”