Hejmartin 30:15 - Kurmanji Încîl

¹⁵ Lê heke mêrê wê tiştên ku bihîstine, piştî demekê betal bike, wê sûcê jinikê bikeve stûyê wî.’”

Hejmartin 30:15 Referans Kwoze

Lêwiyî 5:1

“‘Heke kesek li ser naletkirina tiştekî şahidî kiribe, dîtibe yan zanibe lê tu tiştî nebêje, wê ew kes gunehkar bê hesibandin û divê bê cezakirin.

Galatî 3:28

Êdî ne Cihû û ne jî Yewnanî hene, ne xulam û ne jî azad hene, ne jî nêr û mê hene; çimkî di yekîtiya Mesîh Îsa de hûn hemû yek in.

Hejmartin 30:12

Lê gava mêrê wê vê yekê bibihîze, ew bi tevahî betal bike, wê tevahiya soza ku ji devê wê derketiye û barên ku wê xwe xistiye binî betal bibin. Mêrê wê ew betal kirine û wê Xudan wê bibexişîne.

Hejmartin 30:8

Lê heke mêrê wê bibihîze û li dij derkeve, wê soza li ser wê û gotina bêyî ku bifikire gotiye û bi vî awayî xwe xistiye bin bar betal bibe. Wê Xudan keçikê bibexişîne.

Hejmartin 30:5

Lê heke bavê wê roja ku ev yek bihîst li dij derkeve, wê soza ku keçikê daye û barê ku xwe xistiye binî betal bibe. Wê Xudan keçikê bibexişîne, çimkî bavê wê li dij derketiye.

Hejmartin 30:14

Lê heke mêrê wê di wê rojê de li ber vê yekê bêdeng bimîne, ew hemû sozên wê û barên ku wê xwe xistiye binî li ser wê bimînin. Çimkî ew di roja ku bihîstiye de li dij derneketiye.

Hejmartin 30:16

Qanûnên Xudan li ser jin û mêrê wê û li ser bav û keça wî gava ew ciwan û li mala bavê xwe ye li Mûsa emir kirine, ev in.