Hejmartin 29:12 - Kurmanji Încîl

¹² “‘Di panzdehê meha heftan de hûnê civîneke pîroz çêkin û karên xwe yên rojane nekin. Hûnê heft rojan cejna Xudan bikin.

Hejmartin 29:12 Referans Kwoze

Yûhenna 1:14

Û Peyv bû xwîn û goşt, bi kerem û rastiyê tije di nav me de konê xwe danî. Me rûmeta wî, yanî rûmeta Kurê yekta yê ku ji Bav tê dît.

Nehemya 8:18

Ezra her roj, ji roja pêşî heta roja dawî ji Nivîsa Şerîeta Xwedê xwend. Heft rojan cejn kirin. Di roja heştan de, li gorî rê û rêbazan civîna mezin hat çêkirin.

Nehemya 8:14

Wan di Şerîeta ku Xudan bi riya Mûsa dabû de dît ku divê gelê Îsraêl di cejna meha heftan de li holikan rûne.

Derketin 34:22

“Tê di dema pêşî ya dirûtina genim de Cejna Hefteyan, di dawiya salê de Cejna Berhilanînê bikî.

Derketin 23:16

“Tê bi berê pêşî yê ku li zeviyê çandin, Cejna Dirûnê pîroz bikî. Di dawiya salê de, gava tu berê xwe berhev dikî, tê Cejna Berhilanînê pîroz bikî.

Hejmartin 29:1

“‘Di roja pêşî ya meha heftan de hûnê civîna pîroz çêkin û karên xwe yên rojane nekin. Wê roja borîlêxistinê be.

Hejmartin 29:13

Hûnê wekî qurbana şewitandinê ya ku bêhna wê bi Xudan xweş tê, sêzdeh conega, du beran, çardeh berxên nêr ên yeksalî pêşkêş bikin. Divê ew bêqisûr bin.

Padîşah I, 12:32

Yarovam di roja panzdehê meha heştan de, wekî cejna welatê Cihûda cejnek çêkir. Wî li gorîgeha çêkiriye qurban pêşkêş kirin. Ji golikên zêrîn ku li Bêt-Êlê çêkiriye re qurban pêşkêş kirin û ji bo bilindciyên ku li Bêt-Êlê ava kiriye, kahin danîn ser kar.

Ezra 3:4

Çawa ku hatiye nivîsandin, wan Cejna Holikan pîroz kir. Li gorî rojan ku di rê û rêbazan de hatiye kifşkirin, wan qurbanên şewitandinê yên rojane pêşkêş kirin.

Lêwiyî 23:7

Hûnê di roja pêşî de civîneke pîroz çêkin. Hûnê karê xwe yê rojane nekin.

Hejmartin 29:35

“‘Di roja heştan de hûnê civîneke mezin çêkin û karên xwe yên rojane nekin.