Hejmartin 27:21 - Kurmanji Încîl

²¹ Wê li pêş Êlezarê Kahin bisekine û wê kahin li hizûra Xudan biryara Ûrîmê bipirse. Bi vî awayî wê Êlezar rêberiya Yêşû û tevahiya civaka Îsraêl bike.”

Hejmartin 27:21 Referans Kwoze

Samûêl I, 28:6

Her çiqas bi Xudan şêwirî be jî, Xudan ne bi xewnan, ne bi Ûrîm, ne jî bi riya pêxemberan bersiva Şawûl da.

Yêşû 9:14

Bêyî ku pirsa fermana devê Xudan bikin, Îsraêliyan xureka wan hilda ku pêşkêşî wan kiribûn.

Derketin 28:30

Tê Ûrîm û Tûmmîmî bixî hundirê bersingê biryarê û gava Harûn were hizûra Xudan, wê li ser dilê wî bin. Wê Harûn li hizûra Xudan biryara kurên Îsraêl li ser singê xwe hilgire.

Nehemya 7:65

Walî ji wan re gotiye ku heta kahinekî ku Ûrîm û Tûmmîmê bi kar tîne derkeve, ji xwarina herî pîroz nexwin.

Ezra 2:63

Walî ji wan re gotiye ku heta kahinekî ku Ûrîm û Tûmmîmê bi kar tîne derkeve, ji xwarina herî pîroz nexwin.

Samûêl I, 30:7

ji kurê Ahîmelek, kahin Aviyatar re got: “Ji min re êfodê bîne.”

Samûêl I, 23:9

Gava Dawid fêm kir Şawûl li dijî wî fen çêkiriye, wî ji Aviyatarê Kahin re got: “Êfodê bîne.”

Dadger 20:23

Paşê gelê Îsraêl çû Bêt-Êlê. Li hizûra Xudan heta êvarê giriya. Ji Xudan pirs kir û got: “Ma em dîsa li dijî pismamên xwe Binyamîniyan şer bikin?” Xudan got: “Erê, li dijî wan şer bikin.”

Dadger 20:18

Gelê Îsraêl rabû çû Bêt-Êlê. Li wir, wan ji Xwedê pirsî û got: “Kî ji me wê pêşî here û li dijî Binyamîniyan şer bike?” Xudan got: “Wê eşîra Cihûda pêşî here.”

Dadger 1:1

Piştî mirina Yêşû, gelê Îsraêl ji Xudan pirsî û got: “Wê kî ji nav me pêşî here şerê Kenaniyan?”

Dubarekirina Şerîetê 33:8

Wî ji bo Lêwî wiha got: “Ya Xudan, bila Tûmmîm û Ûrîma te, Ji dilsozê te re be Ku te li Massayê ew ceriband Û li ava Merîvayê pê re devjenî kir.

Hejmartin 27:17

ku rêberiya wan bike. Bila ew wan bibe û bîne ku civaka Xudan nebe wekî pezê bêşivan.”

Lêwiyî 8:8

Bersing danî ser û Ûrîm û Tûmmîm kir hundirê bersing.

Hejmartin 27:5

Mûsa doza wan bir ber Xudan.

Hejmartin 27:20

Ji bo ku tevahiya civaka Îsraêl guhdariya wî bike, tê ji desthilatiya xwe bidî wî.

Hejmartin 27:22

Çawa ku Xudan lê emir kir, Mûsa wiha kir. Wî Yêşû hilda, li pêş Êlezarê Kahin û tevahiya civakê da sekinandin.

Samûêl I, 14:19

Gava Şawûl bi kahin re dipeyivî, xirecira li artêşgeha Filîstiyan her diçû zêde dibû. Şawûl ji kahin re got: “Bihêle.”

Samûêl II, 21:1

Di serdema Dawid de, sê salan li ser hev xela hebû. Dawid ji Xudan pirsî. Xudan got: “Şawûl û malbata wî destbixwîn in. Wî Gîvonî dan kuştin.”

Melaxî 2:7

“Divê lêvên kahin zanînê biparêze. Divê mirov li hînkirina devê wî bigerin. Çimkî ew qasidê Xudanê Karîndar e.

Hejmartin 27:2

Ev jin li pêş Mûsa, Êlezarê Kahin, serekan û tevahiya civakê sekinîn. Wan li ber deriyê Konê Hevdîtinê got:

Dubarekirina Şerîetê 31:3

Wê Xwedayê we Xudan li pêşiya we derbas bibe û van miletan li ber we tune bike. Hûnê wan biqewitînin. Çawa ku Xudan got, wê Yêşû li pêş we derbas bibe.