Hejmartin 25:6 - Kurmanji Încîl

⁶ Di vê navberê de Îsraêliyek hat ku jineke Mîdyanî li ber çavê Mûsa û tevahiya civaka Îsraêl ji birayekî xwe re anî. Ew li ber deriyê Konê Hevdîtinê digiriyan.

Hejmartin 25:6 Referans Kwoze

Yoêl 2:17

Bila kahin û xizmetkarên Xudan, Di navbera eywan û gorîgehê de bigirîn. Bila bêjin: ‘Ya Xudan, li ber gelê xwe bikeve! Mîrasa xwe riswa neke, Bila nebe pêkenoka miletan. Wê çima di nav gelan de bêjin: Ka Xwedayê wan li ku ye?’”

Hejmartin 22:4

Wan ji rîspiyên Mîdyanê re got: “Çawa ku dewar giyayê çolê dixwe, wê ev civaka hov jî tevahiya derdora me bixwe.” Wê demê Balaqê kurê Sîppor, Padîşahê Moavê bû.

Cihûda 1:13

Ew wek şeqilên deryayê yên hêç ên ku kef didin, şerma xwe direşînin. Ew wek stêrên serserî ne ku ji bo wan tariya reş her û her hatiye hilanîn.

Yêremya 36:23

Yehûdî sê-çar stûn dixwendin û padîşah bi gûzanê ew dibirîn û diavêtin nav agirê tenûrê. Bi vî awayî tevahiya tomarê di agirê tenûrê de şewitî.

Yêremya 8:12

Ji ber kirêtiyên xwe, şermezar bûn? Lê wan qet şerm nekir. Ew nizanin rûsorbûn çi ye, Loma jî wê di nav ketiyan de bin, Gava hatin cezakirin, wê biterpilin’” dibêje Xudan.

Yêremya 3:3

Loma tavî hat texsîrkirin Û barana biharê nayê. Eniya te eniya fahîşê bû, Lê şermezarî ne xema te bû.

Îşaya 22:12

Wê rojê Reb Xudanê Karîndar, Gazî we kir ku hûn bigirîn, Li xwe bixin, porê xwe kur bikin Û çûx li xwe bikin.

Dadger 2:4

Gava milyaketê Xudan ev tişt ji hemû gelê Îsraêl re got, gel bi dengekî bilind giriya.

Hejmartin 31:2

“Heyfa gelê Îsraêl ji Mîdyaniyan bistîne. Piştre tê bimirî û bigihîjî pêşiyên xwe.”

Destpêk 37:28

Gava bazirganên Mîdyanî di wir re derbas dibûn, wan birayê xwe Ûsiv ji bîrê kişandin û ew bi bîst zîvî firotin wan Îsmaîliyan. Wan jî Ûsiv bir Misrê.

Hejmartin 16:47

Bi awayê ku Mûsa got, Harûn tepsik rakir û danî nav civakê. Kul êdî ketibû nav gel. Harûn bixûr wekî kefareta gel pêşkêş kir.

Padîşah I, 11:18

Ew ji Mîdyanê rabûn û hatin Paranê û bi xwe re ji Paranê zilam hildan û hatin Misrê ba Firewnê Padîşah. Wî erd, xanî û xwarin da Hadad.

Zebûr 94:16

Ma wê kî ji bo min li hember xeraban rabe? Wê ji bo min kî li ber sûcdaran derkeve?