Hejmartin 24:20 - Kurmanji Încîl

²⁰ Gava Balam Emalêqî dîtin, dest bi mesela xwe kir û got: “Emalêqî di nav miletan de yekem e, Lê wê di dawiyê de tune bibe.”

Hejmartin 24:20 Referans Kwoze

Derketin 17:14

Xudan ji Mûsa re got: “Tu vê wekî bîranînekê di nivîseke de binivîse û di guhê Yêşû de jî bibêje ku ezê navê Emalêqiyan bi tevahî ji ser rûyê erdê rakim.”

Ester 9:14

Padîşah emir kir ku ev daxwaz pêk bên. Li Sûsayê ferman hat derxistin û cendekên deh kurên Haman hatin daleqandin.

Ester 3:1

Piştî van tiştan Ahaşwêroşê Padîşah, Hamanê kurê Hammedatayê Agagî anî ser karekî bilind û bi vî awayî ew rûmetdar kir. Wî ew ji tevahiya serekan mezintir kir.

Dîrok I, 4:43

Wan kesên ji Emalêqiyan sax filitîne û reviyane, girtin kuştin. Heta niha jî ew li wir dimînin.

Samûêl I, 30:17

Dawid roja din, ji serê sibê heta danê êvarê li wan xist û kitek ji wan nehişt. Bi tenê çar sed xort xilas bûn ku li deveyan siwar bûbûn û reviyabûn.

Samûêl I, 30:1

Dawid û zilamên xwe roja sisêyan gihîştin bajarê Zîqlagê. Di vê navberê de Emalêqiyan êrîşî herêma Negev û Zîqlagê kiribû. Wan Zîqlag şewitandibûn.

Samûêl I, 14:48

Wî bi mêrxasî şer kir. Wî li Emalêqiyan xist û gelê Îsraêl ji destê talankarên wan rizgar kir.

Dadger 6:3

Gava gelê Îsraêl tov direşand, Mîdyanî, Emalêqî û gelên din ên rojhilat li dijî wan radibûn.

Derketin 17:16

Wî got: “Xudan sond xwar, wê şerê wî, nifş bi nifş li dijî Emalêqiyan berdewam bike.”

Derketin 17:8

Emalêqî hatin û li Refîdîmê li dijî gelê Îsraêl şer kirin.

Destpêk 36:12

Tîmnaya cariyeya Êlîfazê kurê Esaw ji Êlîfaz re Emalêq anî. Ev neviyên Edaya jina Esaw bûn.

Hejmartin 24:7

Wê ji satilên wî av biherike, Tovê wî bi ava zêde bê avdan. Wê padîşahê wî ji Agag bilindtir be Û padîşahiya wî bê berzkirin.

Hejmartin 24:19

Wê yekî ji ziriyeta Aqûb serwerî bike Û dawiya wan kesan bîne ku li bajêr sax mane.’”

Hejmartin 24:24

Wê ji keviyên Kîttîmê gemî werin, Wê Aşûrê nizim bikin, Wê Êverê nizim bikin Wê ew bi xwe jî tune bibin.”

Samûêl I, 15:2

Xudanê Karîndar wiha dibêje: ‘Li bîra min e Emalêq çi anî serê gelê Îsraêl. Gava ew ji Misrê derketin, di rê de li dijî wan rabûn.