Hejmartin 23:24 - Kurmanji Încîl

²⁴ Va ye gel, wekî şêremê hişyar dibe, Wekî şêrekî ji cihê xwe radibe. Heta ew nêçîra xwe nexwe Û xwîna kuştiyan venexwe ranaze.”

Hejmartin 23:24 Referans Kwoze

Destpêk 49:9

Cihûda, tu ferxê şêr î, Kurê min, tu destvala ji nêçîrê venagerî. Wekî şêremê xwe vedizelîne, Wekî şêrekî xwe vedikişîne, Kî diwêre wî aciz bike?

Destpêk 49:27

“Binyamîn di şer de gurekî har e. Serê sibê ew nêçîra xwe dixwe, Êvarê xenîmetê parve dike.”

Peyxam 5:5

Hingê yekî ji rihspiyan ji min re got: «Negirî! Va ye, Şêrê ku ji eşîra Cihûda ye, Rayê Dawid bi ser ket, ku kitêbê û heft morên wê veke.»

Zekeriya 12:6

“Wê rojê ezê mîrên Cihûdayê bikim wekî tasikeke nava agirê daran û xetîreyeke di nav lodên dexlê de dişewite. Wê tevahiya gelên li rast û çepê daqurtînin. Wê şêniyên Orşelîmê êdî li cihê xwe, li Orşelîmê rûnin.

Hejmartin 24:17

‘Ez wî dibînim, lê ne niha. Ez lê dinêrim, lê ne nêzîk. Wê ji nav Aqûb stêrek derkeve, Wê ji nav Îsraêl serwerek rabe. Wê eniya Moaviyan, Wê serê ziriyeta Şêtiyan biperçiqîne.

Nahûm 2:11

Ka li ku ye warê şêran? Li ku ye şikefta şêrên ciwan Ku şêr bi ferxên xwe re diçû û dihat Û tu kes ew neditirsandin?

Amos 3:8

Gava şêr dihimîne, kî natirse? Çaxê Reb Xudan dibêje, kî pêxemberiyê nake?

Daniyêl 2:44

“Di rojên wan padîşahan de wê Xwedayê Ezmanan padîşahiyeke wiha ava bike ku tu caran hilneweşe û qet nekeve destê miletekî din. Wê ev padîşahî, hemû padîşahiyan perçe bike, biqedîne û wê her û her bimîne.

Îşaya 31:4

Çimkî Xudan ji min re wiha got: “Şêr an şêrê ciwan Çawa li ser nêçîra xwe bike himîn Û ji dengê koma şivanên li dijî wî xem nexwe, Ji qajewaja wan venaciniqe, Wê Xudanê Karîndar wisa dakeve Ku li ser Çiyayê Siyonê û girê wê şer bike.

Methelokên 30:30

Şêrê ku herî hêzdar ê heywanan e Û xwe ji pêş tiştekî nade alî,

Zebûr 17:12

Wek şêrekî li benda perçekirinê, Wek şêrekî ciwan ê ku rûniştiye di kemînê.

Dubarekirina Şerîetê 33:20

Wî ji bo Gad wiha got: “Yê ku sînorên Gad fireh dike pîroz be, Ew wekî şêrekî li wir rûdine, Mil û serî perçe dike.

Hejmartin 23:25

Balaq ji Balam re got: “Nexwe ne naletê li wan bîne, ne jî wan pîroz bike.”

Nahûm 2:12

Şêr ji bo ferxên xwe, bi têra xwe goşt perçe kir, Ji bo şêrên mê kuşt, Şikeftên xwe bi nêçîrê tije kirin, Warên xwe bi goşt dagirtin.

Padîşah I, 10:20

Li ser şeş pêlikan, li herdu aliyan duwanzdeh şêr hebûn. Li tu welatekî tiştekî wisa nehatiye çêkirin.