Hejmartin 23:19 - Kurmanji Încîl

¹⁹ Xwedê ne mirov e Ku derewan bike. Ew ne ji kurê mirovan e Ku fikra xwe biguherîne. Ma ew dibêje û nake? Yan jî soz dide û nake?

Hejmartin 23:19 Referans Kwoze

Samûêl I, 15:29

Xwedayê Îsraêl herheyî ye. Ew hîle nake û poşman nabe. Çimkî ew ne mirov e ku poşman bibe.”

یعقوب 1:17

Her dayîna qenc û her diyariya bêkêmahî ji jor e, ji Bavê ronahiyan tê xwarê. Li ba wî guherîn û siya zivironekiyê tune.

Melaxî 3:6

“Çimkî ez Xudan im, ez naguherim. Ya gelê Aqûb! Ji ber vê yekê hûn telef nebûne.

Îbranî 6:18

Wisa ku bi du tiştên ku nayên guhertin û çênabe ku Xwedê di wan de derewan bike, cesareteke me ya xurt hebe, da ku em vê hêviya ku li ber me hatiye danîn, bigirin.

نامَ بُ تیتوس 1:2

Ev ji hêviya jiyana herheyî tê. Xwedayê ku derewan nake, ji beriya destpêka deman ve jiyana herheyî soz da

Romayî 11:29

Çimkî diyariyên Xwedê û gazîkirina wî bi şûn ve nayên standin.

Lûqa 21:33

Erd û ezman wê bibihûrin, lê peyvên min tu caran nabihûrin.»

Habaqûq 2:3

Tiştên dîtiniyê li benda dema xwe ya diyarkirî ne, Ew li ser rojên dawî dibêjin û derewan nakin. Bi derengî jî bikevin, li bendê bin, Bêguman wê bibin, wê dereng nemînin.

Zebûr 89:35

Carekê, min li ser pîroziya xwe sond xwar, Ezê ji Dawid re derew nebêjim.

Hoşêya 11:9

Ezê hêrsa xwe ya dijwar bi ser we de neşînim, Ezê ji nû ve Efrayîm helak nekim. Çimkî ez Xwedê me, ne mirov im. Ez di nav we de Yê Pîroz im. Êdî ezê bi xezebê neyêm.

Mîxa 7:20

Çawa ku rojên berê te ji bav û kalên me re sond xwariye, Tê ji Aqûb re dilsoz, ji Îbrahîm re dilovan bî.

Dîrok I, 17:17

Ya Xwedê, di çavê te de ev tiştekî biçûk bû. Li ser pêşeroja mala vî xulamê xwe jî te soz da. Ya Xwedê Xudan, tu çawa ku ez mirovekî mezin bim, li min mêze dikî!

Romayî 9:6

Lê ev nayê wê manê ku peyva Xwedê pûç derketiye. Çimkî hemû yên ku ji dûndana Îsraêl in, ne Îsraêlî ne.

Tîmotʼêyo II 2:13

Eger em dilsoz nemînin jî, Ewê dilsoz bimîne, Çimkî ew nikare xwe bi xwe înkar bike.

Îbranî 7:21

lê Îsa bi sonda yê ku ev peyv jê re gotiye, bû kahîn. «Xudan sond xwar û ji ya xwe venagere, Tu her û her kahîn î.»

یعقوب 4:5

Ma hûn guman dikin ku Nivîsara Pîroz badîhewa dibêje: «Xwedê bi hesûdî ruhê ku daye me dixwaze».

Destpêk 28:15

Ez bi te re me. Li her dera ku tu herî, ezê te biparêzim û te bi şûn de bizivirînim vî welatî. Heta ku ez, wê soza ku min daye te pêk neyînim ez ji te naqetim.”

Hejmartin 14:35

Ez Xudan, min gotiye û bi rastî jî ezê vê yekê bînim serê tevahiya vê civaka xerab ku li dijî min rabû. Wê li vê beriyê telef bibin û li vir bimirin.”

Hejmartin 23:18

Balam ev mesele got: “Ya Balaq, rabe ser xwe û guhdarî bike! Ya kurê Sîppor, tu guh bide min!

Zebûr 89:34

Peymana xwe xera nakim, Ya ku ji lêvên min derketiye naguhêrim.

Zebûr 110:4

Xudan sond xwar, ji sonda xwe nazivire: «Li gor pergala Melkîsedek, Tu her û her kahîn î!»

Îşaya 21:17

Wê ji tîravêjan, ji şervanên Qêdarê kêm kes sax bimînin.” Çimkî Xwedayê Îsraêl Xudan wiha gotiye.

Îşaya 31:2

Lê belê Xudan şehreza ye. Ew xerabiyê tîne, Gotinên xwe bi şûn de nastîne. Wê li dijî mala xeraban, Li dijî alîkarên kesên neheq rabe.

Îşaya 40:8

Giya hişk dibe, kulîlk diçilmisin, Lê gotina Xwedayê me her û her dimîne.”

Îşaya 46:11

Yê ku ji rojhilat gazî teyrê dirinde, Ji welatê dûr gazî zilamê ku Pîlana min pêk bîne dike, ez im. Erê, min got û ezê bînim cih, Min şîret kir, ezê wê çêkim.

Îşaya 55:11

Wê peyva ji devê min derdikeve jî wisa be. Wê vala nezivire ba min, Lê wê daxwaza min pêk bîne Û di karê ku min dayê de bi ser bikeve.

Yêremya 4:28

Loma wê erd şînê bike Û ezman li jor tarî bibe. Çimkî min got û min pîlan kir. Ezê poşman nebim, Ezê dev jê bernedim.”

Daniyêl 4:28

Îcar ev hemû hatin serê Nebûxadnessarê Padîşah.

Destpêk 26:3

Bi xerîbî li vê derê bimîne. Ezê bi te re bim û te pîroz bikim. Ezê van hemû herêman bidim te û ziriyeta te. Ezê wê sonda ku min ji bavê te Îbrahîm re xwar bînim cih.

Yêşû 21:45

Tu gotina Xudan a ku wî dabû Mala Îsraêl vala derneket. Hemû pêk hatin.

Samûêl I, 3:12

Wê rojê her tiştê ku min derbarê malbata Elî de got, ezê ji serî heta binî pêk bînim.

Padîşah I, 14:11

Kesên ji Mala Yarovam ên li bajaran bimirin wê kûçik, kesên li çolan bimirin jî wê teyrên ezmanan bixwin.’ Çimkî Xudan wiha gotiye.

Padîşah II, 7:2

Fermandarê ku padîşah xwe dispartê, ji zilamê Xwedê re got: “Heke Xudan di ezmanan de pencereyan jî veke, ma wê ev tişt bibe?” Êlîşa got: “Tê bi çavên xwe bibînî, lê tê jê nexwî.”

Padîşah II, 15:12

Gotina Xudan ku wî ji Yêhû re gotibû ev e: “Wê ziriyeta te, çar nifş li ser textê gelê Îsraêl rûne.” Wisa jî bû.

Zebûr 77:9

Gelo Xwedê, ji bîr kir berketinê? Ciyê dilovaniyê, stand hêrsê?»

Zebûr 132:11

Xudan bi piştrastî ji Dawid re sond xwar, Ew ji wê venagere: «Ezê yekî ji nîjada te, li textê te bidim rûniştin.