Hejmartin 20:21 - Kurmanji Încîl

²¹ Edomiyan nexwest ku gelê Îsraêl di sînorê wan re derbas be. Loma jî ew zivirîn û ji wan dûr ketin.

Hejmartin 20:21 Referans Kwoze

Dadger 11:18

“‘Ew di beriyê re, di dora welatên Edom û Moavê re derbas bûn, gihîştin rojhilatê welatê Moaviyan û li aliyê din ê Geliyê Arnonê kon vedan. Ew neketin welatê Moavê, çimkî Geliyê Arnonê sînor bû.

Dubarekirina Şerîetê 2:29

Esawiyên li Seîrê diman û Moaviyên li Erê diman destûr da min. Tu jî destûrê bide min heta ku ez Çemê Şerîayê derbas bibim û herim welatê ku Xwedayê me Xudan dide me.’

Dadger 11:24

Ma Kemoşê îlahê te, axê bi milkî da te, tê lê xweyî dernekevî? Gelo emê jî welatê ku gelên Xwedayê me Xudan ji ber me qewitandin, nekin milk?

Dubarekirina Şerîetê 23:7

“Ji bo ku ew birayên we ne, hûnê ji Edomiyan nefretê nekin. Ji ber ku hûn li welatê wan wekî xerîban mane, hûnê ji Misriyan jî nefretê nekin.

Dubarekirina Şerîetê 2:27

‘Destûr bide ez di welatê te re derbas bibim. Ezê rasterast, bêyî ku berê xwe bidim çep û rastê, bimeşim û herim.

Hejmartin 21:23

Lê Sîhon destûra gelê Îsraêl neda ku sînorê welatê wî derbas bike. Sîhon tevahiya gelê xwe da hev û ew hatin beriyê ku şerê gelê Îsraêl bikin. Gava gihîştin Yahesayê, wan li dijî wan şer kir.

Dadger 11:17

Piştre wan qasid şandin ba Padîşahê Edomê û got: Ji kerema xwe destûr bide em di axa we re derbas bibin. Lê Padîşahê Edomê guh neda wan. Gelê Îsraêl ji Padîşahê Moaviyan re jî qasid şandin, lê wî jî destûr neda. Loma ew li Qadêşê man.

Hejmartin 21:4

Ji bo ku ji dorhêla welatê Edomê derbas bin, gelê Îsraêl ji Çiyayê Horê bi riya Derya Sor bi rê ket. Lê di rê de sebra wan nema.