Hejmartin 20:12 - Kurmanji Încîl

¹² Lê Xudan ji Mûsa û Harûn re got: “Ji ber ku hûn bi min ewle nebûn û we li ber çavê gelê Îsraêl pîroziya min nehesiband, hûnê vê civakê nebin welatê ku min da we.”

Hejmartin 20:12 Referans Kwoze

Dubarekirina Şerîetê 1:37

“Ji ber we, Xudan ji min jî hêrs bû û got: ‘Tê jî nekevî wir.

Hejmartin 27:14

Çimkî li Beriya Zînê, gava civakê di nav avê de serî li dijî min rakir, hûn li Beriya Zînê li dijî fermana devê min rabûn. We li ber avê, rûmeta pîroziya min negirt.” –Ev li Beriya Zînê, li Qadêşê ava Merîvayê ye.–

Hejmartin 20:24

“Wê Harûn bimire û bigihîje pêşiyên xwe. Wê nekeve welatê ku min da gelê Îsraêl. Çimkî hûn li ser ava Merîvayê li dijî fermana devê min derketin.

Romayî 4:20

Ew bi bawernekirinê li ser soza Xwedê dudilî nebû, lê belê di baweriyê de hêzdar bû û rûmet da Xwedê.

Lûqa 1:45

Xwezî bi wê, ku bawer kir ew tiştên ku ji aliyê Xudan ve jê re hatine gotin, wê bên cih.»

Lûqa 1:20

Va ye, heta wê roja ku ev tişt pêk bê, tê lal bibî û hew bikarî bipeyivî. Çimkî te bi wan gotinên min ên ku di wextê xwe de wê bên cih, bawer nekir.»

Metta 17:20

Wî li wan vegerand: «Ji ber ku baweriya we kêm e. Bi rastî ez ji we re dibêjim, eger wek liba xerdelê baweriya we hebe, hûn ji vî çiyayî re bêjin: ‹Ji vir here wir›, ewê here. Tu tişt tune ku ji bo we çênebe.»

Îşaya 8:13

“Tenê Xudanê Karîndar pîroz bikin. Ji wî bitirsin, bila xofa we ew be.

Petrûs I 3:15

Lê Mesîh bi xudantî di dilê xwe de pîroz bikin. Hergav amade bin ku hûn bersîvê bidin her kesê ku sedemê wê hêviya ku di dilê we de ye dipirse.

Yûhenna 1:17

Çimkî Şerîet bi destê Mûsa hat dayîn, kerem û rastî bi destê Îsa Mesîh hatin.

Metta 17:17

Îsa bersîv da û got: «Hey nifşê bêbawer û jirêderketî! Ezê heta kengê bi we re bim, heta kengê ezê li we sebir bikim? Wî bînin vir ba min.»

Îşaya 7:9

Paytexta Efrayîmê Samerya ye û kurê Remalya serekê wê ye. Heke tu bawer nekî, tê di ewlehiyê de nebî.’”

Yêşû 1:2

“Xulamê min Mûsa mir. Niha rabe û bi tevahiya gel re Çemê Şerîayê derbas bike û here wî welatê ku ez didim gelê Îsraêl.

Dubarekirina Şerîetê 34:4

Xudan jê re got: “Ev welat ew e ku min ji Îbrahîm, Îshaq û Aqûb re sond xwar û got: ‘Ezê bidim ziriyeta te.’ Min ew bi çavên te nîşanî te da, lê belê tê neçî wê derê.”

Lêwiyî 10:3

Mûsa ji Harûn re got: “Xudan gotibû: “‘Bi saya kesên ku nêzîkî min dikin, Ezê pîroziya xwe nîşan bidim. Li ber çavê tevahiya gel, Ezê birûmet bim.’” Harûn bêdeng ma.

Hejmartin 11:15

Heke tê bi vî awayî bi min re bidî û bistînî –heke dilê te bi min xweş e– Lava dikim hema vêga min bikuje ku ez tehlî-tengiya xwe nebînim.”

Dubarekirina Şerîetê 4:21

“Xudan ji ber we li min hêrs bû û sond xwar ku ez ji Çemê Şerîayê derbas nebim û nekevim nav welatê qenc ê ku Xwedayê we Xudan bi milkî dide we.

Zebûr 99:8

Ya Xudan, Xwedayê me, te bi xwe ew bersîvandin; Her çi, te ji karên ku kirin tol sitand jî, Tu li hember wan Xwedayek bexişkar bûyî.

Zebûr 106:32

Li keviyên ava Merîva, wan cardin hêrs kir Xudan, Bela hat serê Mûsa, ji rûyê wan;