Hejmartin 20:1 - Kurmanji Încîl

¹ Tevahiya civaka Îsraêl di meha pêşî de hat Beriya Zînê û li Qadêşê ma. Miryem li wê derê mir û hat veşartin.

Hejmartin 20:1 Referans Kwoze

Hejmartin 13:21

Zilam rabûn bi rê ketin, ji Beriya Zînê ber bi Levo-Hamatê, heta Rehovê lêkolîna welêt kir.

Hejmartin 33:36

Ji Esyon-Geverê koç kir û li Beriya Zînê –ku Qadêş e– kon veda.

Derketin 15:20

Xwişka Harûn, Mîryama Pêxember def da destê xwe û hemû jin bi reqs û bi defan li pey wê çûn.

Hejmartin 27:14

Çimkî li Beriya Zînê, gava civakê di nav avê de serî li dijî min rakir, hûn li Beriya Zînê li dijî fermana devê min rabûn. We li ber avê, rûmeta pîroziya min negirt.” –Ev li Beriya Zînê, li Qadêşê ava Merîvayê ye.–

Hejmartin 26:59

Jina Emram, Yoxeveda ji ziriyeta Lêwî bû ku li Misrê hatibû dinyayê. Yoxevedê ji Emram re Harûn, Mûsa û Miryema xwişka wan anî.

Hejmartin 12:1

Miryem û Harûn ji ber jinika Kûşî rexne li Mûsa girtin. Çimkî wî jineke Kûşî ji xwe re anîbû.

Mîxa 6:4

Yê ku ji welatê Misrê tu deranî ez im, Min tu ji warê koletiyê rizgar kirî. Min Mûsa, Harûn û Miryem li pêş te şandin.

Zebûr 29:8

Dengê Xudan çolê dihejîne, Xudan çola Qadeşê dihejîne.

Dubarekirina Şerîetê 32:51

Çimkî hûn herdu jî li Beriya Zînê, li ava Merîva-Qadêşê, li ber çavê gelê Îsraêl bi min re nedilsoz bûn û we di nav gelê Îsraêl de ez pîroz nekirim.

Dubarekirina Şerîetê 2:14

Heta em ji Qadêş-Barnêayê bi rê ketin û di Geliyê Zeredê re derbas bûn, sî û heşt sal derbas bûn. Çawa ku Xudan sond xwaribû, hemû şervanên ji wî nifşê gelê Îsraêl miribûn.

Hejmartin 20:16

Lê gava me lavayî Xudan kir, wî dengê me bihîst, milyaketek şand û em ji Misrê deranîn. “‘Niha em li Qadêşê ne ku nêzîkî sînorê te ye.

Hejmartin 12:15

Wan Miryem heft rojan ji artêşgehê dûr kir. Heta ew venegeriya, gel bi rê neket.

Hejmartin 12:10

Ewr ji ser kon rabû. Nexweşiya çerman li Miryemê peyda bûbû û laşê wê wekî berfê spî bû. Harûn li Miryemê zivirî dît ku kotî ye.

Derketin 2:7

Xwişka kurik ji keça Firewn re got: “Gelo ez herim gazî dadikeke Îbranî ya berdergûş bikim ku were û ji bo te şîr bide vî kurikî?”

Derketin 2:4

Xwişka wî ji dûr ve sekinî, lê nihêrî ka wê çi pê bibe.

Hejmartin 13:26

Li Qadêşa li Beriya Paranê hatin ba Mûsa, Harûn û tevahiya civaka Îsraêl. Wan ya ku dîtine ji wan re û ji tevahiya civaka Îsraêl re got û fêkiyên welêt nîşanî wan da.

Hejmartin 20:22

Gelê Îsraêl ji Qadêşê koç kir û tevahiya civakê hat Çiyayê Horê.

Dubarekirina Şerîetê 1:46

Demeke dirêj hûn li Qadêşê man.”

Dadger 11:16

Lê gava ji Misrê derketin, heta Derya Sor di beriyê re meşiyan û gihîştin Qadêşê.

Destpêk 14:7

Ji wê derê zivirîn Eyn-Mîşpatê –ku Qadêş e– hemû axa Emalêqiyan standin û Amoriyên ku li Haseson-Tamarê rûdiniştin, têk birin.

Hejmartin 20:28

Mûsa cilên Harûn ên kahintiyê deranîn û li Êlezarê kurê wî kirin. Harûn li wir, li serê çiyê mir. Piştre Mûsa û Êlezar ji serê çiyê berjêr bûn.