Hejmartin 18:7 - Kurmanji Încîl

⁷ Lê tu û kurên xwe, hûnê ji bo her karê gorîgehê û karê aliyê hundir ê perdeyê xizmeta kahintiyê bikin. Ez karê kahintiyê wekî diyarî didim we. Ji bilî we her kesekî din ê ku nêzîkî vê derê bibe wê bê kuştin.”

Hejmartin 18:7 Referans Kwoze

Yûhenna 3:27

Yûhenna bersîv da û got: «Eger ji yekî re ji ezmên neyê dayîn, ew nikare tiştekî bistîne.

Hejmartin 3:10

Tê Harûn û kurên wî ji bo karê kahintiyê kifş bikî. Ji bilî wan kesê ku nêzîkî Pîrozgehê bibe, wê bê kuştin.”

Hejmartin 18:20

Xudan ji Harûn re got: “Wê li welatê wan mîrasa te tunebe û di nav wan de para te tunebe. Di nav gelê Îsraêl de par û mîrasa te, ez im.

Hejmartin 16:40

Çawa ku Xudan bi riya Mûsa gotiye, ev yek ji bo gelê Îsraêl bû bîranîneke ku kesekî ne ji ziriyeta Harûn e nêzîk nebe û li ber Xudan bixûrê pênexe û ya ku hatiye serê Qorax û alîgirên wî neyê serê wî jî.

Îbranî 5:4

Tu kes ji xwe bi xwe nikare vê rûmetê bistîne, lê bi tenê ewê ku wek Harûn ji aliyê Xwedê ve tê gazîkirin, distîne.

Efesî 3:8

Bi ser ku ez di nav hemû pîrozan de yê herî kêm im jî, ev kerem ji min re hat dayîn, da ku ez Mizgîniya dewlemendiya Mesîh a ku nayê salixdan ji miletan re bidim

Samûêl I, 2:28

Ji nava tevahiya eşîrên Îsraêl, min bavkalê te ji xwe re kahin hilbijart ku li ser gorîgeha min qurbanan pêşkêş bike, bixûr pêxe û bi êfodê daxwaza min hîn bibe. Bi ser de jî hemû pêşkêşiyên şewitandinê ên Îsraêliyan anîn, min wan da mala bavkalê te.

Hejmartin 3:38

Wê Mûsa, Harûn û kurên wan, bi aliyê rojhilat ve li pêş meskên, li aliyê ku roj hiltê, li pêş Konê Hevdîtinê kon vedana. Li ser navê gelê Îsraêl wê nobedariya Pîrozgehê bikirana. Kesê din ê ku nêzîkî Pîrozgehê bibûya, wê bihata kuştin.

Hejmartin 1:51

Gava mesken tê veguhestin, wê Lêwiyî bidin hev, gava bê danîn wê Lêwiyî dîsa vedin. Gava kesekî ne Lêwiyî nêzîkî wê bibe, divê bê kuştin.

Lêwiyî 16:2

Xudan ji Mûsa re got: “Ji kekê xwe Harûn re bêje bila herdem neçe Cihê Herî Pîroz. Heke herdem pişt perdeyê û nêzîkî derxûnê ku li ser Sindoqa Peymanê ye biçe, wê bimire. Çimkî ez li ser derxûn, di nav ewran de xuya dibim.

Derketin 29:9

Tê şûtikên li pişta wan girê bidî û kuman bidî serê wan. Wê kahintî bi qanûneke herheyî bibe ya wan û bi vî awayî tê Harûn û kurên wî tayîn bikî.

Metta 10:8

Nexweşan qenc bikin, miriyan rakin, kotiyan paqij bikin û cinan derxin. We belaş stand, belaş bidin.

Petrûs I 5:2

Wek ku Xwedê ji we dixwaze, bi çavdêrîtî şivantiya keriyê Xwedê yê ku li ber we ye, ne ji mecbûrî lê ji dil bikin. Îcar vê ne ji bo qezenceke bêserûber, lê bi dilxwazî bikin.

Petrûs I 5:3

Ne wek ku hûn hukumdariyê li wan ên ku li we hatine spartin bikin, lê belê ji bo kerî bibin mînak.

Derketin 28:1

“Ji bo ku ji min re kahintiyê bikin, tu ji nav gelê Îsraêl kekê xwe Harûn û kurên wî Nadav, Avîhû, Êlezar û Îtamar bîne ba xwe.

Hejmartin 18:3

Wê ji bo te û ji bo kon xizmetê bikin. Lê wê nêzîkî gorîgeh û taximên Pîrozgehê nebin ku hem ew û hem hûn nemirin.

Dubarekirina Şerîetê 18:2

lê çawa ku Xudan jê re got, wê di nav birayên wan de mîrasa wan tunebe.

Yêşû 18:7

Ji ber ku mîrasa Lêwiyiyan kahintiya Xudan e, di nav axa we de para wan tuneye. Eşîrên Gad, Rûbên û nîveşîra Minaşşe jî parên xwe yên li rojhilatê Çemê Şerîayê standine ku Mûsayê xulamê Xudan daye wan.”

Lêwiyî 7:35

Roja ku Harûn û kurên wî bi kahintî hatin tayînkirin, ji pêşkêşiyên şewitandinê yên ji Xudan re, ev para wan ket.

Zebûr 115:10

Ey mala Harûn, bi Xudan ewle bin, Ew e, alîkar û mertalê we!