Hejmartin 18:21 - Kurmanji Încîl

²¹ “Ez xizmeta ku li Konê Hevdîtinê dikin û hemû dehyekên ji gelê Îsraêl tên berhevkirin, wekî par didim Lêwiyiyan.

Hejmartin 18:21 Referans Kwoze

Nehemya 12:44

Wê rojê mirov danîn ser embarên pêşkêşî, berên pêşî û dehyekan ku parên ji zeviyên bajaran hatine û li gorî Şerîetê ji bo kahin û Lêwiyiyan in, li wir berhev bikin. Cihûda ji ber ku kahin û Lêwiyî nobedarî dikirin gelek şa dibû.

Nehemya 10:37

“Emê hevîrê xwe, pêşkêşiyên rakirina dexil, her cure fêkiyên daran, şeraba nû û zeytê yên pêşî ji bo embarên Mala Xwedayê me bînin bidin kahinan. Emê dehyekên axa me ji bo Lêwiyiyan jî bînin. Çimkî di hemû bajarên me yên çewlikî de Lêwiyî dehyekan distînin.

Îbranî 7:5

Yên ku ji kurên Lêwî kahîntî standine bi ser ku ew ji dûndana Birahîm bûn jî, li gor Şerîetê emrê wan heye ku ji gel, yanî ji birayên xwe, dehyekê bistînin.

Galatî 6:6

Yê ku di peyvê de hatiye hînkirin, bila di hemû tiştên qenc de parê bide wî yê ku hîn dike.

Nehemya 13:12

Paşê tevahiya Cihûdayê, dehyeka dexil, zeyt û şeraba nû yê xwe anîn û xistin embaran.

Nehemya 10:29

bi birayên xwe re, bi esilzadeyan re bûn yek. Ji bo ku di riya Şerîeta Xwedê de ku Xwedê bi riya Mûsayê xulamê xwe daye de herin û tevahiya emir, qanûn û rêbazên Rebê me Xudan pêk bînin sond xwarin. Naletê li wan kesan anîn ku van rêbazan pêk neyînin.

Hejmartin 18:6

Îcar min ji nav gelê Îsraêl, birayên we Lêwiyiyan wekî diyarî hilbijartin. Ji bo ku ew xizmeta Konê Hevdîtinê bikin, ew ji min re hatin veqetandin.

Destpêk 14:20

Xwedayê Herî Berz pîroz be Ku neyarên te dan destê te.” Li ser vê yekê Avram dehyeka her tiştî da wî.

Hejmartin 31:28

Ji para leşkerên çûne şer, ji mirov, ker û pez û dewêr, tê ji bo Xudan ji pêncsedan yekî bac bistînî.

Dubarekirina Şerîetê 18:8

Ji xeynî pereyê ji milkê bav hatiye, wê bi kahinên din re bi wekhevî li hev parve bikin.

Nehemya 12:47

Di rojên Zerûbbabîl û di rojên Nehemya de tevahiya gelê Îsraêl parên rojane dan stranbêj û dergevanan. Wan par ji bo Lêwiyiyan veqetandin û Lêwiyiyan jî par ji bo ziriyeta Harûn veqetandin.

Nehemya 13:5

ji Toviya re odeyeke mezin amade kir ku pêşkêşiyên dexil, gunî, taxim, pêşkêşiyên ji bo kahinan û dehyekên genim, şeraba nû û zeyt li gorî Şerîetê didan Lêwiyî, stranbêj û dergevanan, berê dixistin wê derê.

Melaxî 2:4

Baş bizanibin, min ev emir li we kiriye ku peymana min a bi Lêwî re bidome” Xudanê Karîndar dibêje.

Melaxî 3:10

Xudanê Karîndar dibêje: “Tevahiya dehyekên xwe bînin embarê ku xwarin li mala min hebe û bi vî awayî min biceribînin. Binêrin ka ezê pencereyên ezmanan ji we re vekim an na? Ezê bi ser we de, bi têra we bereketê bibarînim an na?

Destpêk 47:24

Çaxê hûn dexlê xwe kom bikin, ji pêncan yekî bidin Firewn. Lê ji pêncan çarên din jî, ji bo tovê zeviyan û ji bo xwarina xwe, maliyên xwe û zarokên xwe hilînin.”

Destpêk 47:26

Ûsiv ev yek li Misrê kir qanûn. Heta îro jî, ji pêncan yek ya Firewn e. Tenê axa kahinan nebû ya Firewn.

Hejmartin 3:6

“Gazî eşîra Lêwî bike ku nêzîk bibin. Wan bîne pêşberî Harûnê Kahin ku jê re xizmetê bikin.

Nehemya 10:38

Gava Lêwiyî dehyekan distînin, wê kahinê kurê Harûn bi Lêwiyiyan re be. Wê Lêwiyî dehyeka dehyekê derxin embar û xezîneya Mala Xwedayê me.