Hejmartin 16:46 - Kurmanji Încîl

⁴⁶ Mûsa ji Harûn re got: “Bixûrdanka xwe rake û ji ser gorîgehê agir deyne ser û bixûrê jî deyne ser wî. Zûka bibe ba civakê û ji bo wan kefaretê bide. Çimkî xezeb ji ber Xudan derket û kulê destpê kir.”

Hejmartin 16:46 Referans Kwoze

Hejmartin 8:19

Ji bo gava gelê Îsraêl nêzîkî Pîrozgehê dibe, belayek neyê serê wan û Lêwiyî ji bo gelê Îsraêl xizmeta Konê Hevdîtinê bikin û ji bo wan kefaretê bidin, min ji nav gelê Îsraêl ew wekî diyarî dan Harûn û kurên wî.”

Lêwiyî 10:6

Mûsa ji Harûn û ji kurên wî Êlezar û Îtamar re got: “Porên xwe neyînin xwarê, kincên xwe jî neçirînin. Yan na hûnê jî bimirin û wê Xudan li tevahiya civakê hêrs bibe. Lê bila mirovên we û tevahiya Mala Îsraêl, ji bo agirê Xudan bigirîn.

Zebûr 106:29

Bi karên xwe yên xerab Xudan hêrs kirin, Û nexweşîna webayê di nav wan de belav bû.

Dîrok I, 27:24

Yoavê kurê Serûya dest bi hejmartinê kir, lê nebir serî. Ji ber vê hejmartinê xezeb bi ser gelê Îsraêl de bariya. Ji ber vê yekê encama hejmartinê di Nivîsa Qewimînên Dawidê Padîşah de cih negirt.

Hejmartin 18:5

“Hûnê nobedariya Pîrozgeh û gorîgehê bikin ku êdî xezeba min li dijî gelê Îsraêl ranebe.

Hejmartin 11:33

Hê goşt di nav diranê wan de bû û necûtibûn, hêrsa Xudan li dijî gel rabû û wî bi dijwarî li wan xist.

Zebûr 141:2

Bila dua min li pêş te wek bixûrê, Destvekirina min wek goriya êvarê be!

Lêwiyî 9:24

Agirek ji hizûra Xudan rabû û bez û qurbana şewitandinê ya ku li ser gorîgehê ye daqurtand. Gava tevahiya gel ev dît, ji kêf qîriya û deverû çû erdê.

Melaxî 1:11

Ji rojhilat heta rojava wê navê min li nav miletan mezin be! Wê li her derî li ser navê min bixûr were pêxistin û diyariyên paqij werin pêşkêşkirin. Çimkî wê navê min li nav miletan mezin be!” Xudanê Karîndar dibêje.

Dubarekirina Şerîetê 9:22

“We li Tavêrayê, li Massayê û li Qîvrot-Hattaawayê Xudan hêrs kir.

Hejmartin 25:13

Wê ji wî û ziriyeta wî re bibe peymana herheyî ya kahintiyê. Çimkî ew ji Xwedayê xwe re xîretkêş bû û ji bo gelê Îsraêl kefaret da.’”

Hejmartin 1:53

Wê Lêwiyî li dora meskenê ku Sindoqa Şahidiyê tê de ye kon vedin ku xezeb bi ser civaka Îsraêl de neyê. Wê nobedariya meskên bikin.”

Hejmartin 25:8

Wî da pey wî Îsraêlî, ket hundirê kon û bi rima destê xwe li zikê wî û jinikê xist. Bi vî awayî kula bi ser gelê Îsraêl de hat, sekinî.

Habaqûq 3:5

Kul li pêş wî diçe, Êşa mirinê li pey wî ye.