Hejmartin 15:29 - Kurmanji Încîl

²⁹ Di nav gelê Îsraêl de dixwazî welatî, dixwazî jî xerîbên di nav wan de ne, ji bo kesê bi şaşîtî tiştek kiriye şerîet ev e.

Hejmartin 15:29 Referans Kwoze

Hejmartin 15:15

Wê ev yek ji bo tevahiya civakê, ji bo we û xerîbên di nav we de, di nav nifşên we de qanûneke herheyî be. Li hizûra Xudan hûn çawa bin, wê xerîbên di nav we de jî wisa bin.

Hejmartin 9:14

“‘Heke xerîbek di nav we de bimîne û bixwaze ji Xudan re Cejna Derbasbûnê pîroz bike, wê li gorî qanûn û rêbazên wê, bike. Wê ji bo we, qanûneke welatiyan û xerîban hebe.’”

Lêwiyî 17:15

“‘Çi welatî çi jî xerîb, hemû kesên ji we ku ji termê heywanê bi xwe miriye yan ji aliyê heywanekî çolê ve hatiye perçekirin bixwe, wê kincên xwe bişo, serê xwe bişo û heta êvarê qirêj bê hesibandin. Piştre wê paqij bibe.

Lêwiyî 16:29

“Wê ev ji bo we qanûneke herheyî be. Hûnê di roja dehê meha heftan de, dev ji nefsa xwe berdin û wê tu kes Îsraêlî û xerîbên di nav xwe de nexebitîne.

Lûqa 12:48

Lê ewê ku nizane û tiştên hêjayî lêdanê kirine, wê hindik lêdanê bixwe. Ji kê re gelek hatibe dayîn, wê gelek ji wî bê xwestin û ji kê re gelek hatibe spartin, wê ji wî bêtir bê xwestin.

Lêwiyî 4:2

“Ji gelê Îsraêl re bêje: ‘Gava kesek bi nezanî guneh bike û tiştekî Xudan nekirina wî emir kiriye bike, wê wiha bike:

Hejmartin 15:28

Heke kesek li hizûra Xudan bi şaşî guneh bike, wê kahin ji bo kesê ku bi nezanî guneh kiriye kefaretê bide û wê bê bexişandin.

Hejmartin 15:30

“‘Dixwazî welatî, dixwazî xerîb be, kesê bi zanîn guneh kiriye û çêrê Xudan kiriye wê ji nav gel bê avêtin.

Derketin 12:49

Ji bo welatî û ji bo xerîbê di nav we de dijîn jî, wê şerîet yek be.”

Yêşû 8:33

Hemû gelê Îsraêl, bi rîspî, peywirdar û dadgerên xwe, bi xerîbên xwe jî li herdu kêlekên Sindoqa Peymana Xudan, bi awayê ku berê wan li kahinên Lêwiyî ku Sindoq hildigirin, rêz bûn. Çawa ku Mûsayê xulamê Xudan dema berê li wan emir kiribû ku ew bi vî awayî bên pîrozkirin, nîvê gel li pêşberî Çiyayê Gerizîmê û nîvê din jî li pêşberî Çiyayê Êvalê bû.

Padîşah I, 8:41

“Herwiha gava xerîbek ne ji gelê Îsraêl be, ji bo xatirê navê te ji welatê dûr hat