Hejmartin 15:15 - Kurmanji Încîl

¹⁵ Wê ev yek ji bo tevahiya civakê, ji bo we û xerîbên di nav we de, di nav nifşên we de qanûneke herheyî be. Li hizûra Xudan hûn çawa bin, wê xerîbên di nav we de jî wisa bin.

Hejmartin 15:15 Referans Kwoze

Hejmartin 15:29

Di nav gelê Îsraêl de dixwazî welatî, dixwazî jî xerîbên di nav wan de ne, ji bo kesê bi şaşîtî tiştek kiriye şerîet ev e.

Hejmartin 9:14

“‘Heke xerîbek di nav we de bimîne û bixwaze ji Xudan re Cejna Derbasbûnê pîroz bike, wê li gorî qanûn û rêbazên wê, bike. Wê ji bo we, qanûneke welatiyan û xerîban hebe.’”

Derketin 12:49

Ji bo welatî û ji bo xerîbê di nav we de dijîn jî, wê şerîet yek be.”

Galatî 3:28

Êdî ne Cihû û ne jî Yewnanî hene, ne xulam û ne jî azad hene, ne jî nêr û mê hene; çimkî di yekîtiya Mesîh Îsa de hûn hemû yek in.

Samûêl I, 30:25

Ji wê rojê û pê ve Dawid ev yek ji bo gelê Îsraêl kir rê û rêbaz ku ev tişt îro jî heye.

Hejmartin 10:8

Divê kurên Harûnê Kahin li boriyê bixin. Wê ev di nav nifşên we de qanûneke herheyî be.

Lêwiyî 24:22

Çi xerîb, çi welatî, wê ji bo we rê û rêbaz yek be. Çimkî ez Xwedayê we Xudan im.’”

Derketin 12:43

Xudan ji Mûsa û Harûn re got: “Rê û rêbazên Cejna Derbasbûnê ev in: Divê tu xerîb jê nexwe.

Derketin 12:24

“Hûnê vê ji bo xwe û ji bo zarokên xwe wekî qanûneke herheyî pîroz bikin.

Derketin 12:14

Wê ev roj ji bo we bibe roja bîranînê. Hûnê wê wekî cejna Xudan pîroz bikin. Hûnê vê rojê di nav nifşên xwe de wekî qanûneke herheyî pîroz bikin.

Kolosî 3:11

Êdî Yewnanî û Cihû, sinetkirî û sinetnekirî, Îskît û hovên din, xulam û azad tune; lê belê Mesîh her tişt e û bi her kesî re ye.

Hejmartin 18:8

Xudan axaftina xwe ya bi Harûn re wiha domand: “Ez berpirsiyariya hemû pêşkêşiyan didim te ku ji min re tên kirin. Hemû pêşkêşiyên pîroz ên ku gelê Îsraêl didin min, ez wekî para herheyî didim te û kurên te.

Hejmartin 15:14

Gava xerîbekî mêvan an xerîbekî ku di nav we de dimîne dixwaze pêşkêşiya şewitandinê pêşkêş bike, wê çawa ku hûn bikin, wisa jî bike ku bêhna wê bi Xudan xweş be.

Derketin 28:43

Gava Harûn û kurên xwe dikevin Konê Hevdîtinê yan jî, ji bo li Cihê Pîroz xizmetê bikin nêzîkî gorîgehê dibin, ji bo ku sûc nekin û nemirin, wê van derpiyan li xwe bikin. Wê ev ji bo Harûn û ziriyeta wî qanûneke herheyî be.”

Yêşû 8:33

Hemû gelê Îsraêl, bi rîspî, peywirdar û dadgerên xwe, bi xerîbên xwe jî li herdu kêlekên Sindoqa Peymana Xudan, bi awayê ku berê wan li kahinên Lêwiyî ku Sindoq hildigirin, rêz bûn. Çawa ku Mûsayê xulamê Xudan dema berê li wan emir kiribû ku ew bi vî awayî bên pîrozkirin, nîvê gel li pêşberî Çiyayê Gerizîmê û nîvê din jî li pêşberî Çiyayê Êvalê bû.

Ester 9:27

Cihûyan qebûl kir ku her sal wekî ku hatiye nivîsandin di wextê xwe de, di van herdu rojan de pîrozbahiyan bikin. Ev adet wê ji bo wan, ziriyeta wan û ji bo wan kesên ku tevli Cihûyan bibin jî derbas bibûya.