Hejmartin 14:19 - Kurmanji Încîl

¹⁹ Ez ji te lava dikim, te ji Misrê heta vir Çawa ev gel bexişandibe, Li gorî mezinahiya dilsozî û dilovaniya xwe, Neheqiya vî gelî bibexişîne.”

Hejmartin 14:19 Referans Kwoze

Derketin 34:9

Wî got: “Ya Reb, heke dilê te bi min xweş be, ez hêvî dikim, kerem bike bi me re were. Çimkî ev miletekî serhişk e. Neheqî û gunehên me bibexişîne û me bike mîrasa xwe.”

Zebûr 78:38

Belê Xwedê dilovan bû, Li fesadiya wan diborî, ew nedişandin helaqê; Gellek caran wî digirt hêrsa xwe, Wî nîşan nedida tevahiya xezeba xwe.

Zebûr 106:45

Ji bo xatirê wan, peymana xwe bibîr anî, Li gor mezinbûna kerema xwe, dilovanî li wan kir.

Derketin 32:32

Lava dikim gunehê wan bibexişîne yan na navê min ji wê nivîsa ku te nivîsiye, derxe.”

یعقوب 5:15

Duaya ku bi bawerî tê kirin wê yê nexweş qenc bike û Xudan wê wî rake. Û eger wî guneh kiribe, wê lê bê bihûrtin.

Mîxa 7:18

Ma îlahekî wekî te heye ku sûcan dibexişîne Û serhildanên saxmayiyên gelê xwe efû dike?! Ji ber ku tu bi dilovaniyê şa dibî, Tu heta hetayê bi hêrs namînî.

Ûnis 4:2

Wî ji Xudan re dua kir û got: “Ax, ya Xudan, hê gava ez li welatê xwe bûm, ma min ev negot? Ji ber vê yekê ez yekser reviyam Tarşîşê. Min dizanibû tu Xwedayekî keremdar û dilrehm î, tu zû hêrs nabî, dilovaniya te zêde ye û tu dev ji cezakirinê berdidî.

Ûnis 3:10

Xwedê kirinên Nînowayiyan dît. Ew ji gunehên xwe zivirîbûn. Li wan hat rehmê, fikra xwe guhert. Tiştê ku soz dabû bîne serê wan, nekir.

Daniyêl 9:19

Ya Reb bibihîze! Ya Xudan bibexişîne. Ya Reb, baş guhdar be û bike. Ya Xwedayê min, ji bo xatirê navê xwe bi derengî nexe. Çimkî bajar jî, gel jî yê te ye.”

Îşaya 55:7

Bila kesê xerab dev ji riya xwe, Bila kesê neheq dev ji fikrên xwe berde. Bila ew li Xudan vegerin Ku ew li wan were rehmê. Bila ew li Xwedayê me vegerin, Çimkî wê bi zêdebarî bibexişîne.

Padîşah I, 8:34

wê gavê li ezmanan bibihîze, gunehê gelê xwe Îsraêl bibexişîne û wan dîsa bîne welatê ku te daye bav û kalên wan.

Derketin 33:17

Xudan ji Mûsa re got: “Ev tiştê tu dibêjî ezê bikim, çimkî ez ji te razî me û ez te bi navê te nas dikim.”

Hejmartin 23:21

Ew li ser ziriyeta Aqûb felaketekê nabîne, Neheqiyek jî bi ser gelê Îsraêl ve nayê. Xwedayê wan Xudan bi wan re ye, Ew Padîşahê di nav wan de ye.

Zebûr 85:2

Te gunehê gelê xwe bexişand, Hemû sûcên wan nuxumand.

Habaqûq 3:2

Ya Xudan, min nav û dengê te bihîst. Ya Xudan, li ber kirinên te ez şaş û metel mam. Di dema me de jî wan tiştan bike, Di dema me de jî wan bide zanîn. Lê çaxê tu hêrs dibî, dilovaniya xwe jî bi bîr bîne.

Amos 7:2

Çaxê kuliyan giyayê erdê xwar û qedand, min got: “Ya Reb Xudan! Lava dikim, bibexişîne! Wê ziriyeta Aqûb çawa li ber xwe bide? Ew miletekî biçûk e.”

Amos 7:5

Min got: “Ya Reb Xudan! Lava dikim, bisekine! Wê ziriyeta Aqûb çawa li ber xwe bide? Ew miletekî biçûk e!”