Hejmartin 13:21 - Kurmanji Încîl

²¹ Zilam rabûn bi rê ketin, ji Beriya Zînê ber bi Levo-Hamatê, heta Rehovê lêkolîna welêt kir.

Hejmartin 13:21 Referans Kwoze

Hejmartin 33:36

Ji Esyon-Geverê koç kir û li Beriya Zînê –ku Qadêş e– kon veda.

Hejmartin 20:1

Tevahiya civaka Îsraêl di meha pêşî de hat Beriya Zînê û li Qadêşê ma. Miryem li wê derê mir û hat veşartin.

Hejmartin 27:14

Çimkî li Beriya Zînê, gava civakê di nav avê de serî li dijî min rakir, hûn li Beriya Zînê li dijî fermana devê min rabûn. We li ber avê, rûmeta pîroziya min negirt.” –Ev li Beriya Zînê, li Qadêşê ava Merîvayê ye.–

Yêşû 15:1

Mîrasa binemalên Cihûdayiyan bi riya pişkê hat dayîn. Mîrasa wan ber bi aliyê başûr ve heta sînorê Edomê bû û di binê başûrê wê de heta Beriya Zînê dirêj bû.

Yêşû 13:5

axa Gevaliyan, hemû axa Lubnanê ya ku li aliyê rojhilat dimîne, ji Baal-Gada ku li pala Çiyayê Hermonê ye heta Levo-Hamatê.

Amos 6:2

Herin bajarê Kalnêyê û bibînin, Ji wir herin Hamaya mezin Û dakevin bajarê Gatê yê Filîstiyan. Ma hûn ji van padîşahiyan çêtir in? Gelo sînorê wan ji sînorê we ne firehtir e?

Samûêl II, 8:9

Gava Toiyê Padîşahê Hamayê bihîst ku Dawid hemû artêşa Hadadezerê têk bir,

Dubarekirina Şerîetê 32:51

Çimkî hûn herdu jî li Beriya Zînê, li ava Merîva-Qadêşê, li ber çavê gelê Îsraêl bi min re nedilsoz bûn û we di nav gelê Îsraêl de ez pîroz nekirim.

Dubarekirina Şerîetê 1:24

Ew rabûn çûn herêma çiyayî. Gava gihîştin Newala Eşkolê, wan lêkolîna welêt kir.

Yêremya 49:23

Li dijî Şamê: “Ji ber ku xeberên xerab bihîstin Hama û Arpad şermezar bûn, Ji tirsê heliyan. Wekî deryayê, xembar in Û nikarin rihet bin.

Yêremya 52:9

Wan Sîdqiyayê Padîşah girt û bir Rîvlaya li herêma Hamayê, ba Padîşahê Babîlê. Wî jî dîwana wî kir.

Hejmartin 34:8

Wê ji Çiyayê Horê xwe berde Levo-Hamatê, ji wir bigihîje Sedadê,

Dadger 18:28

Ji ber ku ew ji Saydayê dûr bûn û têkiliya wan bi kesî re tunebû, tu kes Layîş rizgar nekir. Bajar li deşta nêzîkî Bêt-Rehovê bû. Daniyan bajar ji nû ve ava kir û tê de rûniştin.